<p><strong>ಶಿರಸಿ: </strong>ಇಲ್ಲಿನ ತಾಲ್ಲೂಕು ವ್ಯವಸಾಯ ಹುಟ್ಟುವಳಿಗಳ ಸಹಕಾರ ಮಾರಾಟ ಸಂಘ ನಿ. (ಶಿರಸಿ ಟಿಎಂಎಸ್) 2020–21ನೇ ಸಾಲಿನಲ್ಲಿ ₹1,04,24,104 ನಿವ್ವಳ ಲಾಭ ಗಳಿಸಿದ್ದು, ಸದಸ್ಯರಿಗೆ ಶೇ 15ರಷ್ಟು ಲಾಭಾಂಶ ಹಂಚಿಕೆ ಮಾಡಲು ನಿರ್ಧರಿಸಲಾಗಿದೆ.</p>.<p>ಸಂಸ್ಥೆಯ ಸಾಧನೆಯ ಪ್ರಗತಿಯ ಕುರಿತು ಪ್ರಕಟಣೆ ನೀಡಲಾಗಿದ್ದು, ಕಳೆದ ಆರ್ಥಿಕ ವರ್ಷದಲ್ಲಿ 15,908 ಕ್ವಿಂಟಲ್ ಹಸಿ ಅಡಿಕೆ ವಹಿವಾಟು ಸೇರಿದಂತೆ ಒಟ್ಟು 77,309 ಕ್ವಿಂಟಲ್ ಅಡಿಕೆ ಖರೀದಿ, ಮಾರಾಟ ಪ್ರಕ್ರಿಯೆಯನ್ನು ಸಂಸ್ಥೆ ನಡೆಸಿತ್ತು. ಒಟ್ಟು ₹286 ಕೋಟಿ ವಹಿವಾಟು ನಡೆಸಿ ಈ ಪೈಕಿ ₹6 ಕೋಟಿ ಒಟ್ಟು ಲಾಭ ಗಳಿಸಲಾಗಿದೆ ಎಂದು ವಿವರಿಸಿದ್ದಾರೆ.</p>.<p>ಸಂಸ್ಥೆಯ ದುಡಿಯುವ ಬಂಡವಾಳ ₹148 ಕೋಟಿಗೆ ಏರಿಕೆಯಾಗಿದೆ. ಸ್ವಂತ ಬಂಡವಾಳ ₹3599.77 ಲಕ್ಷಕ್ಕೆ ತಲುಪಿದೆ. ಠೇವಣಿ ಮೊತ್ತ ₹67 ಕೋಟಿಗಿಂತ ಅಧಿಕವಿದೆ. ನೇರ ಖರೀದಿ ವಿಭಾಗದಲ್ಲಿ ₹15,012.39 ಕ್ವಿಂಟಲ್ ಅಡಿಕೆ ಹಾಗೂ ಕಾಳುಮೆಣಸು ಖರೀದಿ, ಮಾರಾಟದಿಂದ ₹44.66 ಕೋಟಿ ವಹಿವಾಟು ನಡೆದಿದೆ.</p>.<p>ಪ್ರಧಾನ ಕಚೇರಿಯ ಕೃಷಿ ವಿಭಾಗದಲ್ಲಿ ₹10.63 ಕೋಟಿ, ಬನವಾಸಿ ಶಾಖೆಯಲ್ಲಿ ₹5.57 ಕೋಟಿ, ದಾಸನಕೊಪ್ಪ ಶಾಖೆಯಲ್ಲಿ ₹3.87 ಕೋಟಿ ವಹಿವಾಟು ನಡೆಸಲಾಗಿದೆ. 14,657 ಸದಸ್ಯರನ್ನು ಹೊಂದಿರುವ ಸಂಸ್ಥೆಯಲ್ಲಿ ಸದಸ್ಯರ ಷೇರು ಬಂಡವಾಳ ₹44,83,900, ಠೇವಣಿ ₹67,79,655 ಹೊಂದಿದೆ.</p>.<p>‘ಸಂಸ್ಥೆಯು ವಿವಿಧ ಬ್ಯಾಂಕುಗಳಲ್ಲಿ ₹52,74,67,592 ಠೇವಣಿ ಹೊಂದಿದ್ದು, ಕಳೆದ ಆರ್ಥಿಕ ವರ್ಷದಲ್ಲಿ ನಿಧಿಗಳು ₹4,17,82,550 ರಷ್ಟು ಹೆಚ್ಚಳವಾಗಿದೆ. ಸದಸ್ಯರ ಅಡಿಕೆ ವಹಿವಾಟು ಆಧರಿಸಿ ಸುಮಾರು ₹54,23,803 ಮೊತ್ತದ ಸಹಾಯಧನ ವಿತರಿಸಲಾಗಿದೆ.</p>.<p>ಹಸಿ ಅಡಿಕೆ ಟೆಂಡರ್ ಪ್ರಕ್ರಿಯೆಯನ್ನು ಸತತ ನಾಲ್ಕನೇ ವರ್ಷವೂ ನಡೆಸುತ್ತಿರುವ ಸಂಸ್ಥೆ, ರೈತ ಸದಸ್ಯರ ಆರೋಗ್ಯ ಸುರಕ್ಷತೆಗೆ ‘ಟಿ.ಎಂ.ಎಸ್. ಆರೋಗ್ಯ ವಿಮೆ’ ಯೋಜನೆ ಜಾರಿಗೆ ತಂದಿದೆ. ಕಳೆದ ವರ್ಷ 201 ಸದಸ್ಯರಿಗೆ ₹34,96,200 ಮೊತ್ತದ ಆರೋಗ್ಯ ವಿಮೆ ಸಹಾಯಧನ ನೀಡಲಾಗಿದೆ ಎಂದು ತಿಳಿಸಲಾಗಿದೆ.</p>.<p class="Subhead"><strong>ವಾರ್ಷಿಕ ಸಭೆ ನಾಳೆ</strong><br />ಟಿ.ಎಂ.ಎಸ್. ವಾರ್ಷಿಕ ಸರ್ವಸಾಧರಣ ಸಭೆ ನ.13ರಂದು ಮಧ್ಯಾಹ್ನ 3.30ಕ್ಕೆ ಸಂಸ್ಥೆಯ ವ್ಯಾಪಾರಿ ಸಭಾಂಗಣದಲ್ಲಿ ನಡೆಯಲಿದೆ. ಸಂಜೆ 5.30 ಗಂಟೆಗೆ ಯಕ್ಷರಂಗದ ಪ್ರಸಿದ್ಧ ಕಲಾವಿದರಿಂದ ‘ಮಾರುತಿ ಪ್ರತಾಪ’ ಯಕ್ಷಗಾನ ಕಾರ್ಯಕ್ರಮ ಪ್ರದರ್ಶನಗೊಳ್ಳಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶಿರಸಿ: </strong>ಇಲ್ಲಿನ ತಾಲ್ಲೂಕು ವ್ಯವಸಾಯ ಹುಟ್ಟುವಳಿಗಳ ಸಹಕಾರ ಮಾರಾಟ ಸಂಘ ನಿ. (ಶಿರಸಿ ಟಿಎಂಎಸ್) 2020–21ನೇ ಸಾಲಿನಲ್ಲಿ ₹1,04,24,104 ನಿವ್ವಳ ಲಾಭ ಗಳಿಸಿದ್ದು, ಸದಸ್ಯರಿಗೆ ಶೇ 15ರಷ್ಟು ಲಾಭಾಂಶ ಹಂಚಿಕೆ ಮಾಡಲು ನಿರ್ಧರಿಸಲಾಗಿದೆ.</p>.<p>ಸಂಸ್ಥೆಯ ಸಾಧನೆಯ ಪ್ರಗತಿಯ ಕುರಿತು ಪ್ರಕಟಣೆ ನೀಡಲಾಗಿದ್ದು, ಕಳೆದ ಆರ್ಥಿಕ ವರ್ಷದಲ್ಲಿ 15,908 ಕ್ವಿಂಟಲ್ ಹಸಿ ಅಡಿಕೆ ವಹಿವಾಟು ಸೇರಿದಂತೆ ಒಟ್ಟು 77,309 ಕ್ವಿಂಟಲ್ ಅಡಿಕೆ ಖರೀದಿ, ಮಾರಾಟ ಪ್ರಕ್ರಿಯೆಯನ್ನು ಸಂಸ್ಥೆ ನಡೆಸಿತ್ತು. ಒಟ್ಟು ₹286 ಕೋಟಿ ವಹಿವಾಟು ನಡೆಸಿ ಈ ಪೈಕಿ ₹6 ಕೋಟಿ ಒಟ್ಟು ಲಾಭ ಗಳಿಸಲಾಗಿದೆ ಎಂದು ವಿವರಿಸಿದ್ದಾರೆ.</p>.<p>ಸಂಸ್ಥೆಯ ದುಡಿಯುವ ಬಂಡವಾಳ ₹148 ಕೋಟಿಗೆ ಏರಿಕೆಯಾಗಿದೆ. ಸ್ವಂತ ಬಂಡವಾಳ ₹3599.77 ಲಕ್ಷಕ್ಕೆ ತಲುಪಿದೆ. ಠೇವಣಿ ಮೊತ್ತ ₹67 ಕೋಟಿಗಿಂತ ಅಧಿಕವಿದೆ. ನೇರ ಖರೀದಿ ವಿಭಾಗದಲ್ಲಿ ₹15,012.39 ಕ್ವಿಂಟಲ್ ಅಡಿಕೆ ಹಾಗೂ ಕಾಳುಮೆಣಸು ಖರೀದಿ, ಮಾರಾಟದಿಂದ ₹44.66 ಕೋಟಿ ವಹಿವಾಟು ನಡೆದಿದೆ.</p>.<p>ಪ್ರಧಾನ ಕಚೇರಿಯ ಕೃಷಿ ವಿಭಾಗದಲ್ಲಿ ₹10.63 ಕೋಟಿ, ಬನವಾಸಿ ಶಾಖೆಯಲ್ಲಿ ₹5.57 ಕೋಟಿ, ದಾಸನಕೊಪ್ಪ ಶಾಖೆಯಲ್ಲಿ ₹3.87 ಕೋಟಿ ವಹಿವಾಟು ನಡೆಸಲಾಗಿದೆ. 14,657 ಸದಸ್ಯರನ್ನು ಹೊಂದಿರುವ ಸಂಸ್ಥೆಯಲ್ಲಿ ಸದಸ್ಯರ ಷೇರು ಬಂಡವಾಳ ₹44,83,900, ಠೇವಣಿ ₹67,79,655 ಹೊಂದಿದೆ.</p>.<p>‘ಸಂಸ್ಥೆಯು ವಿವಿಧ ಬ್ಯಾಂಕುಗಳಲ್ಲಿ ₹52,74,67,592 ಠೇವಣಿ ಹೊಂದಿದ್ದು, ಕಳೆದ ಆರ್ಥಿಕ ವರ್ಷದಲ್ಲಿ ನಿಧಿಗಳು ₹4,17,82,550 ರಷ್ಟು ಹೆಚ್ಚಳವಾಗಿದೆ. ಸದಸ್ಯರ ಅಡಿಕೆ ವಹಿವಾಟು ಆಧರಿಸಿ ಸುಮಾರು ₹54,23,803 ಮೊತ್ತದ ಸಹಾಯಧನ ವಿತರಿಸಲಾಗಿದೆ.</p>.<p>ಹಸಿ ಅಡಿಕೆ ಟೆಂಡರ್ ಪ್ರಕ್ರಿಯೆಯನ್ನು ಸತತ ನಾಲ್ಕನೇ ವರ್ಷವೂ ನಡೆಸುತ್ತಿರುವ ಸಂಸ್ಥೆ, ರೈತ ಸದಸ್ಯರ ಆರೋಗ್ಯ ಸುರಕ್ಷತೆಗೆ ‘ಟಿ.ಎಂ.ಎಸ್. ಆರೋಗ್ಯ ವಿಮೆ’ ಯೋಜನೆ ಜಾರಿಗೆ ತಂದಿದೆ. ಕಳೆದ ವರ್ಷ 201 ಸದಸ್ಯರಿಗೆ ₹34,96,200 ಮೊತ್ತದ ಆರೋಗ್ಯ ವಿಮೆ ಸಹಾಯಧನ ನೀಡಲಾಗಿದೆ ಎಂದು ತಿಳಿಸಲಾಗಿದೆ.</p>.<p class="Subhead"><strong>ವಾರ್ಷಿಕ ಸಭೆ ನಾಳೆ</strong><br />ಟಿ.ಎಂ.ಎಸ್. ವಾರ್ಷಿಕ ಸರ್ವಸಾಧರಣ ಸಭೆ ನ.13ರಂದು ಮಧ್ಯಾಹ್ನ 3.30ಕ್ಕೆ ಸಂಸ್ಥೆಯ ವ್ಯಾಪಾರಿ ಸಭಾಂಗಣದಲ್ಲಿ ನಡೆಯಲಿದೆ. ಸಂಜೆ 5.30 ಗಂಟೆಗೆ ಯಕ್ಷರಂಗದ ಪ್ರಸಿದ್ಧ ಕಲಾವಿದರಿಂದ ‘ಮಾರುತಿ ಪ್ರತಾಪ’ ಯಕ್ಷಗಾನ ಕಾರ್ಯಕ್ರಮ ಪ್ರದರ್ಶನಗೊಳ್ಳಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
