ಜಿಲ್ಲೆಯ ಮೂರು ನಗರಸಭೆಗಳು, ಮೂರು ಪುರಸಭೆಗಳು ಮತ್ತು ಎರಡು ಪಟ್ಟಣ ಪಂಚಾಯ್ತಿಗಳಿಗೆ ಆ.3ರಂದು ಚುನಾವಣೆ ನಡೆದಿತ್ತು. ಸೆ.3ರಂದು ಮತ ಎಣಿಕೆಯೂ ಆಗಿತ್ತು. ಆದರೆ, ಅಧ್ಯಕ್ಷ, ಉಪಾಧ್ಯಕ್ಷ ಮೀಸಲಾತಿ ವಿಚಾರದಲ್ಲಿ ಆದ ಗೊಂದಲಗಳಿಂದ ಇದುವರೆಗೂ ಅಧಿಕಾರಪದಗ್ರಹಣವಾಗಿಲ್ಲ. ಎಲ್ಲ ಕಡೆಯೂ ಆಡಳಿತಾಧಿಕಾರಿಗಳೇ ಅಧಿಕಾರ ನಡೆಸುತ್ತಿದ್ದಾರೆ. ಈಗ ಚುನಾವಣೆ ಘೋಷಣೆಯಾಗಿರುವ ಮೂರು ಸ್ಥಳೀಯ ಸಂಸ್ಥೆಗಳಿಗೂ ಆಡಳಿತಾವಧಿ ಮುಗಿದು ಎರಡು ತಿಂಗಳೇ ಕಳೆದಿದ್ದು, ಅಲ್ಲೂ ಆಡಳಿತಾಧಿಕಾರಿಗಳೇ ಪ್ರಮುಖರಾಗಿದ್ದಾರೆ.