ದಾಂಡೇಲಿ: ನಗರದ ವೆಸ್ಟ್‌ ಕೋಸ್ಟ್ ಪೇಪರ್‌ ಮಿಲ್ ತನ್ನ ಸಿ.ಎಸ್.ಆರ್ ಯೋಜನೆಯ ಅಡಿಯಲ್ಲಿ ಇಲ್ಲಿಯ ದಂಡಕಾರಣ್ಯ ಇಕೊ ಪಾರ್ಕ್‌ಗೆ ₹ 2.50 ಲಕ್ಷ ಬೆಲೆಯ ಮಕ್ಕಳ ಆಟಿಕೆಗಳನ್ನು ನೀಡಿದ್ದು, ಗುರುವಾರ ನಗರದ ಆರ್‌ಎಫ್‌ಒ ಅಪ್ಪಾರಾವ್‌ ಕಲಶೆಟ್ಟ ಅವರಿಗೆ ಹಸ್ತಾಂತರಿಸಲಾಯಿತು.
ಕಾಗದ ಕಾರ್ಖಾನೆಯ ಕಾರ್ಯನಿರ್ವಾಹಕ ನಿರ್ದೇಶಕ ರಾಜೇಂದ್ರ ಮಾರ್ಗದರ್ಶನದಲ್ಲಿ ಈ ಕೊಡುಗೆ ನೀಡಲಾಗಿದೆ. ಈ ಸಂದರ್ಭದಲ್ಲಿ ಸಾರ್ವಜನಿಕ ಸಂಪರ್ಕಾಧಿಕಾರಿ ರಾಜೇಶ ತಿವಾರಿ, ಸಹಾಯಕ ಸಂಪರ್ಕಾಧಿಕಾರಿ ಖಲೀಲ್ ಕುಲಕರ್ಣಿ, ಇಕೋಪಾರ್ಕ್‌ನ ಸಮಿತಿ ಸದಸ್ಯ ಯು.ಎಸ್. ಪಾಟೀಲ, ಅರಣ್ಯ ಇಲಾಖೆಯ ಸಿಬ್ಬಂದಿ ಸಂದೀಪ ನಾಯ್ಕ, ದೀಪಕ ನಾಯ್ಕ, ಕಾರ್ಖಾನೆ ಸಿಬ್ಬಂದಿ ರಾಜು ರೋಸಯ್ಯಾ ಇದ್ದರು.
