ಕಾರವಾರ: ಮಂಗಳೂರು ಸೆಂಟ್ರಲ್– ಮಡಗಾಂವ್ ಜಂಕ್ಷನ್ ನಡುವೆ ಹೊಸ ರೈಲಿನ ಸಂಚಾರವನ್ನು (ಮುಂಗಡ ಕಾಯ್ದಿರಿಸಿ ಪ್ರಯಾಣ) ಕೊಂಕಣ ರೈಲ್ವೆ ಬುಧವಾರ ಪ್ರಕಟಿಸಿದೆ. ರೈಲು ಆ.16ರಿಂದ ಪ್ರತಿ ದಿನ ಸಂಚರಿಸಲಿದೆ.
06602 ಸಂಖ್ಯೆಯ ರೈಲು ಮಂಗಳೂರು ಸೆಂಟ್ರಲ್ನಿಂದ ಬೆಳಿಗ್ಗೆ 5.30ಕ್ಕೆ ಪ್ರಯಾಣ ಆರಂಭಿಸಲಿದ್ದು, ಮಧ್ಯಾಹ್ನ 2 ಗಂಟೆಗೆ ಮಡಗಾಂವ್ ತಲುಪಲಿದೆ. 06601 ಸಂಖ್ಯೆಯ ರೈಲು ಮಧ್ಯಾಹ್ನ 2.30ಕ್ಕೆ ಮರುಪ್ರಯಾಣ ಆರಂಭಿಸಲಿದ್ದು, ರಾತ್ರಿ 9.40ಕ್ಕೆ ಮಂಗಳೂರು ತಲುಪಲಿದೆ.
ರೈಲಿಗೆ ಜಿಲ್ಲೆಯಲ್ಲಿ ಶಿರೂರು, ಭಟ್ಕಳ, ಚಿತ್ರಾಪುರ, ಮುರುಡೇಶ್ವರ, ಮಂಕಿ, ಹೊನ್ನಾವರ, ಕುಮಟಾ, ಮಿರ್ಜಾನ್, ಗೋಕರ್ಣ ರೋಡ್, ಅಂಕೋಲಾ, ಹಾರವಾಡ, ಕಾರವಾರದಲ್ಲಿ ನಿಲುಗಡೆಯಿದೆ ಎಂದು ಪ್ರಕಟಣೆ ತಿಳಿಸಿದೆ.