‘ನನ್ನ ಅಮ್ಮ ಕುರಾನ್ ಓದುತ್ತಿದ್ದರು. ಅವರೀಗ ಬದುಕಿಲ್ಲ. ನಂತರದ ತಲೆಮಾರಿನಲ್ಲಿ ನಮ್ಮ ಮನೆಯಲ್ಲಿ ಯಾರೂ ಕುರಾನ್ ಓದುವವರು ಇರಲಿಲ್ಲ. ಅರೆಬಿಕ್ನಲ್ಲಿರುವ ಈ ಗ್ರಂಥ ಓದಲು ಬಲು ಕಠಿಣ. ಇಲ್ಲೇ ಸಮೀಪದಲ್ಲಿ ಮೌಲಾನಾ ಒಬ್ಬರು ನಡೆಸುವ ತರಗತಿಗೆ ಹೋಗುತ್ತಿದ್ದ ಸಿಮ್ರಾನ್ ಅಲ್ಲಿ ಹೊಸ ಭಾಷೆಯನ್ನು ಕಲಿತು, ಈಗ ಮನೆಯಲ್ಲಿ ಓದಲು ಆರಂಭಿಸಿದ್ದಾಳೆ. ರಂಜಾನ್ ತಿಂಗಳಿನಲ್ಲಿ ರೋಜಾವನ್ನು ಸಹ ಮಾಡುತ್ತಾಳೆ’ ಎನ್ನುತ್ತಾರೆ ಆಕೆಯ ಅಜ್ಜ ಅಂಚೆ ಕಚೇರಿಯಲ್ಲಿ ಕೆಲಸ ಮಾಡುತ್ತಿರುವ ಎಂ.ಎ.ಮಿಟೇಗಾರ್.