ಹಂಪಿಯಲ್ಲಿ ಮರುಕಳಿಸಿದ ಜನಪದ ವೈಭವ‌‌‌‌‌‌‌‌‌‌‌

ಹಂಪಿ: ಆಗ ತಾನೆ ಸೂರ್ಯ ಮುಳಗಲು ಅಣಿಯಾಗಿದ್ದ, ಆಗ ಹಂಪಿ ವಿರೂಪಾಕ್ಷನ ದೇಗುಲದ ಎದುರಿನಲ್ಲಿ ಜಾನಪದ ಲೋಕವೇ ಇಳಿಯಿತು..

. ಸ್ಥಳೀಯ ಕಲಾತಂಡಗಳು ಮುಳುಗು ಸೂರ್ಯನ ಕೆಂಪಾದ ಕಿರಣಗಳು ಮತ್ತೆ ಮರುಪೂರಣದ ಪ್ರಜ್ವಲದ ಬೆಳಕು ನೀಡುವಂತೆ ತಮ್ಮ ಕಲಾ ಹಿರಿಮೆಯನ್ನು ಪ್ರದರ್ಶಿಸಿದವು. ರಾಮಸಾಗರದ ಐವತ್ತಕ್ಕೂ ಹೆಚ್ಚು ಕಲಾವಿದರು ನುಡಿಸಿದ ಕಹಳೆ ವಾದನವಂತೂ ವಿಜಯನಗರ ಸಾಮ್ರಾಜ್ಯದ ಆಡಳಿತವನ್ನು ಪುನರ್ ನಿರ್ಮಿಸುವುದನ್ನು ಅಧಿಕೃತವಾಗಿ ಸ್ವಾಗತ ಮಾಡುವಂತ್ತಿತ್ತು.

. ಇದು ಕರ್ನಾಟಕ ಸಂಭ್ರಮ-50 ಕಾರ್ಯಕ್ರಮದ ಗುರುವಾರ ಜಾನಪದ ಕಲಾತಂಡಗಳ ಮೆರುಗು, ಹಂಪಿ ವಿರೂಪಾಕ್ಷನ ರಥಬೀದಿಯಲ್ಲಿ ಜಿಲ್ಲೆಯ ವಿವಿಧ ಗ್ರಾಮಗಳಿಂದ ಬಂದಿದ್ದ ಸಾವಿರಾರು ಮಹಿಳೆಯರು ಕೆಂಪು ರವಿಕೆ, ಹಳದಿ ಸೀರೆ ಧರಸಿ ಕನ್ನಡ ಧ್ವಜದಂತೆ ಉಡುಗೆ ಮೂಲಕ ಪೂರ್ಣಕುಂಭಗಳೊಂದಿಗೆ ನಾಡದೊರೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರನ್ನು ಸ್ವಾಗತಿಸಿದರು. ವಿರೂಪಾಕ್ಷೇಶ್ವರ ದೇವಸ್ಥಾನದ ಗಜರಾಜ ತನ್ನ ಎಂದಿನ ಶೈಲಿಯಲ್ಲಿ ರಾಜಗಾಂಭೀರ್ಯತೆಯ ಮೂಲಕ ದೇವರಸ್ಥಾನದ ಮುಖ್ಯ ದ್ವಾರದಲ್ಲಿ ಸ್ವಾಗತ ಮಾಡಿದ.

. ಕೂಡ್ಲಿಗಿ ತಾಲ್ಲೂಕಿನ ಇಮಡಾಪುರದ ಮಹಿಳೆಯರು ಉರುಮೆ ವಾದನ, ಡೊಳ್ಳುವಾದನ, ನಂದಿಬೇವೂರಿನ ಸಮಾಳ, ಹೊಸಪೇಟೆಯ ಸೋಮಲಾಪುರದ ಮರಗಾಲು ಕುಣಿತ, ಬಸವನ ದುರ್ಗದ ಕೋಲಾಟ, ಕಂಪ್ಲಿಯ ತಾಷಾರದಂಡೋಲ, ಹೊಸಪೇಟೆ ಬಾಲಕಿಯರ ಯಕ್ಷಗಾನ, ಸುಡುಗಾಡ ಸಿದ್ದರು, ಗೊಂದಳಿ ಕಲೆಯನ್ನು ಪ್ರದರ್ಶಿಸಿ ಗಮನ ಸೆಳೆದರು.

. ಬಳ್ಳಾರಿ ಮತ್ತು ವಿಜಯನಗರ ಜಿಲ್ಲೆಗಳ ವಿವಿಧ ಗ್ರಾಮಗಳಿಂದ ಬಂದಿದ್ದ ಸಾವಿರಾರು ಕಲಾವಿದರು ತಮ್ಮ ಕಲಾ ನೈಪುಣ್ಯತೆಯನ್ನು ಪ್ರದರ್ಶಿಸಿ ಕಾರ್ಯಕ್ರಮಕ್ಕೆ ಮೆರಗು ನೀಡಿದರು. ಹಂಪಿಯ ರಂಜು ಯೋಗ ಆರ್ಟ್ಸ್ನ ತಂಡದ ಬಾಲಕ ಮತ್ತು ಬಾಲಕಿಯರು ಮುಖದ ಮೇಲೆ ಚಿತ್ರಸಿಕೊಂಡಿದ್ದ ಕರ್ನಾಟಕದ ನಕ್ಷೆ ಗಮನ ಸೆಳೆಯಿತು. ವಿದೇಶಿ ಪ್ರವಾಸಿಗರು ಸೇರಿದಂತೆ ರಾಜ್ಯದ ವಿವಿಧ ಕಡೆಗಳಿಂದ ಬಂದಿದ್ದ ಅನೇಕ ಪ್ರವಾಸಿಗರು ಮೆರವಣಿಗೆ ವೀಕ್ಷಿಸುವಲ್ಲಿ ತಲ್ಲೀನರಾಗಿದ್ದರು. ಡೊಳ್ಳು, ಸಮಾಳ, ತಾಷಾರದಾಂಡೋಲ ನಿನಾದಕ್ಕೆ ಹೆಜ್ಜೆ ಹಾಕಿದರು.

. ದೇವಸ್ಥಾನದಿಂದ ಎದುರು ಬಸವಣ್ಣ ಮಂಟಪದ ಸನಿಹದ ಮುಕ್ಕಾಲು ಕಿಲೋ ಮೀಟರ್ ದೂರದಷ್ಟು ಸಾಗಿಬಂದ ಮೆರವಣಿಗೆಯ ಎರಡೂ ಬದಿಯಲ್ಲಿ ಶಿಲಾ ಮಂಟಪಗಳನ್ನು ಕನ್ನಡ ಧ್ವಜಗಳಿಂದ ಅಲಂಕರಿಸಿದ್ದು ಶಿಲೆಗಳ ಅಂದವನ್ನು ಮತ್ತಷ್ಟು ಹೆಚ್ಚಿಸಿತು.

. ಈಗ ತಾನೆ ಸೂರ್ಯ ಮುಳಗಲು ಅಣಿಯಾಗಿದ್ದ ಆಗ ಹಂಪಿ ವಿರೂಪಾಕ್ಷನ ದೇಗುಲದ ಎದುರಿನಲ್ಲಿ ಜಾನಪದ ಲೋಕವೇ ಇಳಿಯಿತು.. ಸ್ಥಳೀಯ ಕಲಾತಂಡಗಳು ಮುಳುಗು ಸೂರ್ಯನ ಕೆಂಪಾದ ಕಿರಣಗಳು ಮತ್ತೆ ಮರುಪೂರಣದ ಪ್ರಜ್ವಲನದ ಬೆಳಕು ನೀಡುವಂತೆ ತಮ್ಮ ಕಲಾ ಹಿರಿಮೆಯನ್ನು ಪ್ರದರ್ಶಿಸಿದವು. ರಾಮಸಾಗರದ ಐವತ್ತಕ್ಕೂ ಹೆಚ್ಚು ಕಲಾವಿದರು ನುಡಿಸಿದ ಕಹಳೆ ವಾದನವಂತೂ ವಿಜಯನಗರ ಸಾಮ್ರಾಜ್ಯದ ಆಡಳಿತವನ್ನು ಪುನರ್ ನಿರ್ಮಿಸುವುದನ್ನು ಅಧಿಕೃತವಾಗಿ ಸ್ವಾಗತ ಮಾಡುವಂತಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹಂಪಿಯಲ್ಲಿ ಮರುಕಳಿಸಿದ ಜನಪದ ವೈಭವ‌‌‌‌‌‌‌‌‌‌‌

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌