ನಕಲಿ ಸಹಿ ಮಾಡಿ ₹22,31,350 ವಂಚನೆ: ಪಿಡಿಒ ದೂರು

‘2023ರ ಮಾ. 24 ರಿಂದ ಜು. 13ರವರೆಗೆ ನಂದಿಹಳ್ಳಿ ಗ್ರಾ.ಪಂ. ಪಿಡಿಒ ಆಗಿ ಕರ್ತವ್ಯ ನಿರ್ವಹಿಸಿದ್ದು, ನನಗೆ ಅಧಿಕಾರ ಹಸ್ತಾಂತರಿಸುವಾಗ 14-15ನೇ ಹಣಕಾಸು ಯೋಜನೆಯ ಚೆಕ್ ಪುಸ್ತಕ ನೀಡಿರಲಿಲ್ಲ. ಹೊಸದಾಗಿಯೂ ಯಾವುದೇ ಚೆಕ್ ಪುಸ್ತಕ ಪಡೆದಿಲ್ಲ. ಸೋಗಿ ಗ್ರಾಮದ ಕರ್ನಾಟಕ ಗ್ರಾಮೀಣ ಬ್ಯಾಂಕ್ ಖಾತೆಯಲ್ಲಿದ್ದ ಪಂಚಾಯಿತಿಯ 15ನೇ ಹಣಕಾಸು ಯೋಜನೆಯ ಹಣವನ್ನು ‘ದೈವಿಕ ಎಂಟರ್ ಪ್ರೈಸಸ್ ಆಂಡ್ ಕಂಪೆನಿ’ ಹೆಸರಿಗೆ ವಿವಿಧ ಮೊತ್ತದ ಎಂಟು ಚೆಕ್ ಗಳ ಮೂಲಕ ನನ್ನ ಸಹಿ ನಕಲು ಮಾಡಿ ₹22.31 ಲಕ್ಷ ಬಿಡಿಸಿಕೊಳ್ಳಲಾಗಿದೆ. ಮೇಲಧಿಕಾರಿಗಳ ನಿರ್ದೇಶನದಂತೆ ದೂರು ನೀಡುತ್ತಿದ್ದು, ನಕಲಿ ಸಹಿ ಮೂಲಕ ಮೋಸಗೊಳಿಸಿದವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಮನವಿ ಮಾಡಿದ್ದಾರೆ.

ಗ್ರಾಮ ವಿಕಾಸ ಯೋಜನೆಯ ₹3.26 ಲಕ್ಷ ಮತ್ತು 15ನೇ ಹಣಕಾಸು ಯೋಜನೆಯ ₹22.31 ಲಕ್ಷಗಳನ್ನು ನಕಲಿ ಸಹಿ ಮೂಲಕ ಬಿಡಿಸಿಕೊಳ್ಳಲಾಗಿದೆ. ಈ ಕುರಿತು ತನಿಖೆ ನಡೆಸುವಂತೆ ಗ್ರಾಮ ಪಂಚಾಯ್ತಿ ಆಡಳಿತ ಮಂಡಳಿಯವರು ತಾಲ್ಲೂಕು ಪಂಚಾಯ್ತಿ ಇಒ ಅವರಿಗೆ ದೂರು ನೀಡಿದ್ದಾರೆ.