ಕಾಮಗಾರಿ ನಿರ್ವಹಿಸಲು ಕಾರ್ಮಿಕರಿಗೆ ಅನುಕೂಲವಾಗುವಂತೆ ಕೆಲಸ ಪಡೆದ ಗುತ್ತಿಗೆದಾರರು ಕಾಲುವೆಯ ಮಧ್ಯ ಭಾಗದಲ್ಲಿ ದೊಡ್ಡ ಬಲ್ಲೀಸ್ಗಳ ಮೂಲಕ ನಿಲ್ಲುವುದಕ್ಕೆ ಸ್ಥಳಾವಕಾಶ ಮಾಡಿದ್ದಾರೆ. ಈ ಮೊದಲು ಕಾಲುವೆಯಲ್ಲಿ ನೀರಿನ ಹರಿವಿಲ್ಲದೆ ಇರುವುದರಿಂದ ಕೆಲಸ ನಿರ್ವಹಣೆ ಸರಳವಾಗಿ ಮುಂದುವರೆದಿತ್ತು. ಆದರೆ, ಜುಲೈ 21 ರಿಂದ ಕಾಲುವೆಗೆನೀರು ಹರಿದಿದ್ದು ಬುಧವಾರ ಕಾಮಗಾರಿ ನಡೆಯುತ್ತಿದ್ದ ವೇಳೆ ನೀರಿನ ರಭಸಕ್ಕೆ ದಿಢೀರ್ ಕುಸಿತ ಕಂಡ ಬಲ್ಲೀಸ್ ಜೋಡಣೆ ಕೆಲಸ ನಿರ್ವಹಿಸುತ್ತಿದ್ದ ಕಾರ್ಮಿಕರನ್ನು ನೀರಿನಲ್ಲಿ ಕೊಚ್ಚಿ ಹೋಗುವಂತೆ ಮಾಡಿತು. ಅದೃಷ್ಟವಶಾತ್ ನೀರಿನಲ್ಲಿ ಬಿದ್ದ ಮೂರು ಜನ ಕಾರ್ಮಿಕರು ಈಜಿ ದಡ ಸೇರಿದರು.