‘ಕೋವಿಡ್ ದೃಢಪಟ್ಟ ಮೇಲೆ ಮನೆಯವರಿಂದ ಪ್ರತ್ಯೇಕವಾಗಿ ಹೋಂ ಕ್ವಾರಂಟೈನ್ ಆಗಿದ್ದೆ. ಈ ವೇಳೆ ನಮ್ಮ ಮೇಲಧಿಕಾರಿಗಳು, ಸಹದ್ಯೋಗಿಗಳು, ಸಂಬಂಧಿಕರು ಕರೆ ಧೈರ್ಯ ತುಂಬಿದರು. ಕೌನ್ಸೆಲಿಂಗ್ ಮಾಡಿದರು. ನನಗೂ ಆತ್ಮಸ್ಥೈರ್ಯ ಇದ್ದುದ್ದರಿಂದ ಕೋವಿಡ್ ಗೆದ್ದು ಬಂದೆ. ಪ್ರತಿ ಒಂದು ತಾಸಿಗೂ ಕೈಗಳನ್ನು ತೊಳೆದುಕೊಳ್ಳುತ್ತಿದ್ದೆ. ಉಸಿರಾಟ ಸರಾಗವಾಗಿ ಆಡಲು ಪ್ರಾಣಯಾಮ ಸಹಕಾರಿಯಾಗಿದೆ. ಇದರ ಮೂಲಕವಾಗಿ ಈಗ ಎರಡು ಮಾಸ್ಕ್ ಹಾಕಿಕೊಂಡು ಉಸಿರಾಡಲು ಕಷ್ಟವಾಗುತ್ತಿಲ್ಲ. ಕೆಲವರು ಮಾಸ್ಕ್ ಹಾಕಿಕೊಂಡರೆ ಉಸಿರಾಟ ಸಮಸ್ಯೆ ಆಗುತ್ತದೆ ಎಂದು ಹೇಳುತ್ತಾರೆ. ಆದರೆ, ನನಗೆ ಯಾವುದೇ ಸಮಸ್ಯೆ ಆಗಿಲ್ಲ’ ಎಂದು ತಿಳಿಸುತ್ತಾರೆ.