ವಡಗೇರಾ ತಾಲ್ಲೂಕಿನ ವ್ಯಾಪ್ತಿಯಲ್ಲಿ ಬಿಸಿಲಿನ ಉಷ್ಣಾಂಶ ಸರಾಸರಿ 40 ರಿಂದ 44 ಡಿಗ್ರಿ ಸೆಲ್ಸಿಯಸ್ ಇದೆ. ಆಕಳು ಹಾಗೂ ಎಮ್ಮೆಗಳು ಈ ಉಷ್ಣಾಂಶವನ್ನು ಸಹಿಸಿಕೊಳ್ಳುತ್ತವೆ. ಆದರೆ ಸೂಕ್ಷ್ಮ ಪ್ರಾಣಿಯಾದ ಕುರಿಗಳು ಬಿಸಿಲಿನ ತಾಪದಿಂದ ತಲೆ ಸುತ್ತು ಬರುವುದು, ದೇಹದಲ್ಲಿ ಉಷ್ಣಾಂಶ ಹೆಚ್ಚಾಗುವುದು, ಶ್ವಾಸಕೋಶದಲ್ಲಿ ತೊಂದರೆ ಹೀಗೆ ಅನೇಕ ತೊಂದರೆಗಳು ಕಾಣಿಸಿಕೊಳ್ಳುತ್ತಿವೆ. ಉಷ್ಣಾಂಶ ಹೆಚ್ಚಾದರೆ ಕೆಲವೊಮ್ಮೆ ಕುರಿಗಳು ಸಾಯುವ ಸಂಭವಗಳು ಹೆಚ್ಚು ಎನ್ನುತ್ತಾರೆ ಕುರಿಗಾಹಿಗಳು.