ನಮಗೆ ಇಬ್ಬರು ಮಕ್ಕಳು. ಮಗ ಎರಡನೇ ಪಿಯುಸಿ ಮತ್ತು ಮಗಳು ಒಂಬತ್ತನೇ ತರಗತಿಯಲ್ಲಿ ಓದುತ್ತಿದ್ದಾರೆ. ಮಗ ಓದಿನಲ್ಲಿ ಪರವಾಗಿಲ್ಲ. ಆದರೆ ವಿಪರೀತ ಹುಡುಗಾಟಿಕೆಯ ಸ್ವಭಾವ. ಯಾವಾಗಲೂ ಏನಾದರೂ ಕೀಟಲೆ ಮಾಡುತ್ತಾ ಇರುತ್ತಾನೆ. ಇತರರ ಕಾಲೆಳೆಯುವುದೆಂದರೆ ಅವನಿಗೆ ಏನೋ ಮೋಜು. ಎಷ್ಟೇ ಬುದ್ಧಿ ಹೇಳಿದರೂ ಬೈದರೂ ಸರಿಯಾಗುತ್ತಿಲ್ಲ. ತಂಗಿಗೂ ವಿಪರೀತ ಕಿಚಾಯಿಸುತ್ತಾನೆ. ಕಾಲೇಜಿನಿಂದ ದೂರುಗಳು ಬರುತ್ತಿವೆ. ಮಗನಿಗೆ ಬೈದರೆ, ಹೊಡೆದರೆ ಮೈಮೇಲೇರಿ ಬರುತ್ತಾನೆ. ಗೆಳೆಯರೊಟ್ಟಿಗೆ ಊರೆಲ್ಲ ಸುತ್ತುತ್ತಾನೆ. ಸರಿಯಾದ ಸಮಯಕ್ಕೆ ಮನೆಗೆ ಬರುವುದಿಲ್ಲ. ಪರಿಹಾರ ಹೇಗೆ?
