ಆಂಧ್ರಪ್ರದೇಶ: ಇದೇ ಮೊದಲ ಬಾರಿಗೆ ಶೇ 81.86ರಷ್ಟು ದಾಖಲೆಯ ಮತದಾನ

ಇವಿಎಂ ಮೂಲಕ ಶೇ 80.66 ಹಾಗೂ ಅಂಚೆ ಮೂಲಕ ಶೇ 1.2 ಮತದಾನ ನಡೆದಿದೆ ಎಂದು ಮುಖ್ಯ ಚುನಾವಣಾ ಅಧಿಕಾರಿ ಬುಧವಾರ ಮಾಹಿತಿ ನೀಡಿದ್ದಾರೆ. 

ಆಂಧ್ರಪ್ರದೇಶದಲ್ಲಿ ಲೋಕಸಭೆಯ 25 ಮತ್ತು ವಿಧಾನಸಭೆಯ 175 ಸ್ಥಾನಗಳಿಗೆ ಮತದಾನ ನಡೆದಿತ್ತು. ಒಟ್ಟು 4.13 ಕೋಟಿ ಮತದಾರರಲ್ಲಿ 3.33 ಕೋಟಿ ಮಂದಿ ತಮ್ಮ ಹಕ್ಕು ಚಲಾಯಿಸಿದ್ದಾರೆ.

ಆಂಧ್ರಪ್ರದೇಶದಲ್ಲಿ ಮತದಾನ ಪ್ರಮಾಣ ಶೇ 80 ದಾಟಿದ್ದು ಇದೇ ಮೊದಲು. 2014 ರಲ್ಲಿ ಶೇ 78.41 ಹಾಗೂ 2019 ರಲ್ಲಿ ಶೇ 79.77 ಮತದಾನ ನಡೆದಿತ್ತು.