ಒಮ್ಮೆಯೂ ಮತದಾನ ತಪ್ಪಿಸದ ಲೋಕಮಾತೆ

ಮೈಸೂರು; ಇದುವರೆಗೆ ಒಮ್ಮೆಯೂ ಮತದಾನವನ್ನು ತಪ್ಪಿಸದ 73 ವರ್ಷದ ವೃದ್ಧೆ ಲೋಕಮಾತೆ ಟಿ.ಟಿ. ಅವರು ತಾಲ್ಲೂಕಿನ ಕೇರ್ಗಳ್ಳಿ ಶಾಲೆಯ ಮತಗಟ್ಟೆಯಲ್ಲಿ ಮೊದಲಿಗರಾಗಿ ಮತದಾನ ಮಾಡಿ ಗಮನ ಸೆಳೆದರು.

ಸುಮಾರು ಎರಡು ಕಿಮೀ ದೂರದ ಮನೆಯಿಂದ

ಬೆಳಿಗ್ಗೆ 6.30ಕ್ಕೇ ತಮ್ಮ ಪುತ್ರನೊಂದಿಗೆ ಬಂದಿದ್ದ ಅವರನ್ನು ಕಂಡು ಸಿಬ್ಬಂದಿಯೂ ಅಚ್ಚರಿಪಟ್ಟರು.

ನಂತರ ಪ್ರತಿಕ್ರಿಯಿಸಿದ ಲೋಕಮಾತೆ, 'ನನ್ನ ಮದುವೆಯಾದ ಬಳಿಕ ನಡೆದ ಪ್ರತಿ ಚುನಾವಣೆಯಲ್ಲೂ ಮತದಾನ ಮಾಡಿದ್ದೇನೆ. ಪ್ರಜಾಪ್ರಭುತ್ವ ವನ್ನು ಬಲಪಡಿಸಲು ಎಲ್ಲರೂ ತಪ್ಪದೆ ಮತದಾನ ಮಾಡಬೇಕು' ಎಂದರು.