ಪುಷ್ಪಾ ಶೂಟಿಂಗ್‌ಗೆ ಅಲ್ಲು ಅರ್ಜುನ್ ರೆಡಿ: ಆದರೂ ತಪ್ಪದ ತೊಂದರೆ

ಮೊದಲು ಕೇರಳದ ಕಾಡಿನಲ್ಲಿ ಶೂಟಿಂಗ್ ಮಾಡುವುದು ಎಂಬ ಯೋಜನೆ ಹಾಕಿಕೊಂಡಿತ್ತು ಚಿತ್ರತಂಡ. ಆದರೆ ಕೊರೊನಾ ಕಾರಣದಿಂದ ಆಂಧ್ರಪ್ರದೇಶ ಮಾರೇಡುಮಿಲ್ಲಿಗೆ ಚಿತ್ರೀಕರಣದ ಸ್ಥಳವನ್ನು ಸ್ಥಳಾಂತರಿಸಲಾಗಿತ್ತು. ಆದರರೂ ಸಿನಿಮಾ ನಿರ್ಮಾಪಕರು ಇನ್ನೂ ಈ ವಿಷಯದಲ್ಲಿ ಗೊಂದಲದಲ್ಲಿದ್ದಾರೆ. ಸದ್ಯ ಕೇರಳದಲ್ಲಿ ಕೊರೊನಾ ನಿಯಂತ್ರಣದಲ್ಲಿರುವ ಕಾರಣದಿಂದ ಶೂಟಿಂಗ್ ಅಲ್ಲೇ ಮುಂದುವರಿಸುವುದಾ ಅಥವಾ ಮಾರೇಡುಮಿಲ್ಲಿನಲ್ಲಿ ನಡೆಸುವುದಾ? ಎಂಬ ಗೊಂದಲ ಚಿತ್ರತಂಡದ್ದು.

ಅದೇನೇ ಇದ್ದರೂ ನಿರ್ದೇಶಕ ಸುಕುಮಾರ್ ಈ ಸಮಯದಲ್ಲಿ ಶೂಟಿಂಗ್ ಪುನರಾರಂಭಗೊಳಿಸುವ ಬಗ್ಗೆ ಒಲವು ತೋರುತ್ತಿಲ್ಲ. ಅಲ್ಲದೇ ಸಿನಿಮಾಟೊಗ್ರಾಫರ್ ಮೈರೋಲಾ ಬ್ರೋಝೆಕ್ ಲಾಕ್‌ಡೌನ್‌ಗೂ ಮೊದಲು ಪೋಲೆಂಡ್‌ಗೆ ತೆರಳಿದ್ದರು. ಅವರು ಭಾರತಕ್ಕೆ ಬರಬೇಕಾಗಿದೆ. ಶೂಟಿಂಗ್ ಜಾಗವನ್ನು ಅಂತಿಮಗೊಳಿಸುವ ಮೊದಲು ಸಿನಿಮಾಟೊಗ್ರಾಫರ್ ಹಾಗೂ ನಿರ್ದೇಶಕರು ಆ ಜಾಗವನ್ನು ನೋಡಿ ಒಪ್ಪಿಗೆ ಸೂಚಿಸಬೇಕಿದೆ.

ಎಲ್ಲಾ ಪ್ರಕ್ರಿಯೆಗಳು ನಡೆಯಲು ತುಂಬಾ ದಿನಗಳು ಬೇಕು. ಆ ಕಾರಣಕ್ಕೆ ಪುಷ್ಪಾ ಶೂಟಿಂಗ್ ಆರಂಭವಾಗಲು ಇನ್ನೂ ಕೆಲವು ವಾರ ಅಥವಾ ತಿಂಗಳುಗಳು ಮುಂದೆ ಹೋಗಬಹುದು. ಈ ನಡುವೆ ಸಂಗೀತ ನಿರ್ದೇಶಕ ದೇವಿಶ್ರೀ ಪ್ರಸಾದ್ ಸಿನಿಮಾದ ಎಲ್ಲಾ ಹಾಡುಗಳ ಕಂಪೋಸಿಂಗ್ ಕೆಲಸವನ್ನು ಮುಗಿಸಿದ್ದಾರೆ ಎಂಬ ಸುದ್ದಿಯಿದೆ.