ಆ್ಯಸಿಡ್‌ ದಾಳಿ ಸಂತ್ರಸ್ತೆಯಾಗಿ ದೀಪಿಕಾ ಪಡುಕೋಣೆ: ಛಪಾಕ್‌ ಟ್ರೇಲರ್ ಬಿಡುಗಡೆ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಬಾರಿ ಕುತೂಹಲ ಮೂಡಿಸಿದ್ದ ಗುಳಿಕೆನ್ನೆ ಚೆಲುವೆ, ನಟಿ ದೀಪಿಕಾ ಪಡುಕೋಣೆ ನಟಿಸಿರುವ ಛಪಾಕ್‌ ಸಿನಿಮಾದ ಟ್ರೇಲರ್ ಬಿಡುಗಡೆಯಾಗಿದ್ದು ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ.
ಆ್ಯಸಿಡ್‌ ದಾಳಿ ಸಂತ್ರಸ್ತೆ ಪಾತ್ರದಲ್ಲಿ ನಟಿಸಿರುವ ದೀಪಿಕಾ ಪಡುಕೋಣೆ ಅವರನ್ನು ನೋಡಿದವರಿಗೆ ಈ ಪಾತ್ರದಾರಿ ದೀಪಿಕಾ ಪಡುಕೋಣೆ ಅವರೇ ಎಂಬ ಪ್ರಶ್ನೆ ಮೂಡದೇ ಇರದು. ಆ್ಯಸಿಡ್‌ ದಾಳಿಗೆ ತುತ್ತಾಗಿರುವ ಯುವತಿಯಂತೆಯೇ ದೀಪಿಕಾ ಛಪಾಕ್‌ ಸಿನಿಮಾದಲ್ಲಿ ಕಾಣುತ್ತಾರೆ.
2005ರಲ್ಲಿ ದೆಹಲಿಯಲ್ಲಿ ಯುವತಿ ಲಕ್ಷ್ಮೀ ಅಗರವಾಲ್‌ ಮೇಲೆ ನಡೆದ ಆ್ಯಸಿಡ್‌ ದಾಳಿ ನಡೆದಿತ್ತು. ಈ ನೈಜ ಘಟನೆಯನ್ನು ಆಧಾರವಾಗಿಟ್ಟುಕೊಂಡು ಛಪಾಕ್‌ ಸಿನಿಮಾವನ್ನು ನಿರ್ಮಾಣ ಮಾಡಲಾಗಿದೆ.
ಆ್ಯಸಿಡ್‌ ದಾಳಿಯ ನಂತರ ಯುವತಿ ಅನುಭವಿಸುವ ಮಾನಸಿಕ ಯಾತನೆ, ಸಾಮಾಜಿಕ ಮತ್ತು ಕೌಟುಂಬಿಕ ಪರಿಣಾಮಗಳು, ಪೊಲೀಸ್‌ ವ್ಯವಸ್ಥೆ ಕುರಿತಾದ ಒಳತೋಟಿಗಳನ್ನು ಈ ಸಿನಿಮಾ ಬಿಚ್ಚಿಡಲಿದೆ ಎಂದು ನಿರ್ದೇಶಕಿ ಮೇಘನಾ ಗುಲ್ಜಾರ್‌ ಹೇಳಿದ್ದಾರೆ. ಛಪ್ಪಾಕ್‌ ಸಿನಿಮಾಗೆ ದೀಪಿಕಾ ಪಡುಕೋಣೆ ಕೂಡ ಸಹ ನಿರ್ಮಾಪಕಿಯಾಗಿದ್ದಾರೆ.
ಮಾಲ್ತಿ ಪಾತ್ರದಾರಿಯಾಗಿ ದೀಪಿಕಾ ಪಡುಕೋಣೆ ಅವರ ಅಭಿನಯ ಮನೋಜ್ಞವಾಗಿದೆ ಎಂದು ಮೇಘನಾ ಹೇಳಿದ್ದಾರೆ. ಈ ಸಿನಿಮಾದ ಟ್ರೇಲರ್ ಅನ್ನು ದೀಪಿಕಾ ಪಡುಕೋಣೆ ಬಿಡುಗಡೆ ಮಾಡಿದ್ದು ವಿಶೇಷ. ಈ ಚಿತ್ರದಲ್ಲಿ ವಿಕ್ರಾಂತ್‌ ಮ್ಯಾಸಿ ಕೂಡ ನಟಿಸಿದ್ದಾರೆ.
ಜನವರಿ 10 ಈ ಸಿನಿಮಾ ವಿಶ್ವದಾದ್ಯಂತ ಬಿಡುಗಡೆಯಾಗಲಿದೆ. ಆ್ಯಸಿಡ್‌ ದಾಳಿ ಸಂತ್ರಸ್ತೆಯಾಗಿ ದೀಪಿಕಾರನ್ನು ನೋಡಲು ಅವರು ಅಭಿಮಾನಿಗಳು ಇಷ್ಟುಪಡುತ್ತಿಲ್ಲ ಎಂಬ ಮಾತುಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಯುಟ್ಯೂಬ್‌ನಲ್ಲಿ ಲೈಕ್‌ಗಳಿಗಿಂತ ಡಿಸ್‌ಲೈಕ್‌ಗಳೇ ಹೆಚ್ಚಾಗಿ ಬಂದಿವೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
