ತೆಲುಗಿನ ಹೊಸ ಚಿತ್ರ: ’ಸರ್’ ಆದ ತಮಿಳು ನಟ ಧನುಷ್
ಚೆನ್ನೈ:ದಕ್ಷಿಣ ಭಾರತದಖ್ಯಾತ ನಟ ಧನುಷ್ ಹೊಸ ತಮಿಳು ಹಾಗೂ ತೆಲುಗು ಭಾಷೆಸಿನಿಮಾದಲ್ಲಿ ನಟಿಸುವ ಘೋಷಣೆ ಮಾಡಿದ್ದಾರೆ.
ತಮಿಳು ಹಾಗೂ ತೆಲುಗು ಭಾಷೆಗಳಲ್ಲಿ ಈ ಚಿತ್ರನಿರ್ಮಾಣವಾಗುತ್ತಿದೆ. ಇದಕ್ಕೆ ತಮಿಳಿನಲ್ಲಿ ‘ವಾತಿ’ ಹಾಗೂ ತೆಲುಗಿನಲ್ಲಿ ‘ಸರ್’ ಎಂದು ಹೆಸರಿಡಲಾಗಿದೆ. ಧನುಷ್ ಅವರು ಸಿನಿಮಾದ ಪೋಸ್ಟರ್ಗಳು ಹಾಗೂ ಟೈಟಲ್‌ ಟೀಸರ್‌ ಅನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.
My next .. a Tamil , telugu bilingual #Vaathi #sir pic.twitter.com/QAnfs9P9yC
— Dhanush (@dhanushkraja) December 23, 2021
ಧನುಷ್ ಅವರ ನೂತನ ಸಿನಿಮಾಗೆ ಅಭಿಮಾನಿಗಳು, ಗೆಳೆಯರು, ಉದ್ಯಮಿಗಳು ಹಾಗೂ ಸಿನಿರಂಗದ ಗಣ್ಯರು ಶುಭ ಹಾರೈಸಿದ್ದಾರೆ.
An ambitious & heartwarming journey of a common man❤️
— Naga Vamsi (@vamsi84) December 23, 2021
Presenting you @dhanushkraja in & as #Vaathi / #Sir 🤩
Title Reveal▶️https://t.co/2GXr3qJQ4V#SIRMovie @iamsamyuktha_ #VenkyAtluri @gvprakash @dineshkrishnanb @NavinNooli @vamsi84 #SaiSoujanya @Fortune4Cinemas @SitharaEnts
ಸೂರ್ಯದೇವ ನಾಗ ವಂಶಿ ಹಾಗೂ ಸೌಜನ್ಯ ಈ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಖ್ಯಾತನಿರ್ದೇಶಕ ವೆಂಕಿ ಅಟ್ಲುರಿ ಈ ಚಿತ್ರವನ್ನುನಿರ್ದೇಶನ ಮಾಡುತ್ತಿದ್ದಾರೆ. ಶಿಕ್ಷಣ ಕುರಿತಾದ ಈ ಸಿನಿಮಾ ಸಾಮಾನ್ಯ ವ್ಯಕ್ತಿಯ ಮಹತ್ವಾಕಾಂಕ್ಷೆಯನ್ನು ಹೇಳುತ್ತದೆ ಎಂದು ಚಿತ್ರತಂಡ ಹೇಳಿದೆ.
ಧನುಷ್‌ಗೆ ನಾಯಕಿಯಾಗಿ ಸಂಯುಕ್ತಾ ಮೆನನ್ ನಟಿಸುತ್ತಿದ್ದಾರೆ. ಜಿವಿ ಪ್ರಕಾಶ್ ಕುಮಾರ್ ಸಂಗೀತ ಸಂಯೋಜನೆ ಮಾಡುತ್ತಿದ್ದು, ದಿನೇಶ್ ಕೃಷ್ಣನ್ ಕ್ಯಾಮೆರಾ ವರ್ಕ್‌ ಮಾಡುತ್ತಿದ್ದಾರೆ. ಈ ಸಿನಿಮಾದ ಶೂಟಿಂಗ್‌ ಜನವರಿಯಲ್ಲಿ ನಡೆಯಲಿದೆ.
ಧನುಷ್ ನಟಿಸಿರುವ ‘ಅತರಂಗಿ ರೇ’ ಬಾಲಿವುಡ್‌ ಸಿನಿಮಾ ಕ್ರಿಸ್‌ಮಸ್‌ಗೆ ಬಿಡುಗಡೆಯಾಗಲಿದೆ. ಈಗಾಗಲೇ ಧನುಷ್ ಮಲಯಾಳಂ, ಬಾಲಿವುಡ್‌ ಹಾಗೂ ಹಾಲಿವುಡ್‌ ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.