ಶುಕ್ರವಾರ, ಫೆಬ್ರವರಿ 21, 2020
25 °C

ಏಕ್‌ ಲವ್‌ ಯಾ ಟೀಸರ್‌: ಸಿಗರೇಟ್‌ ಸೇದಿ, ಲಿಪ್‌ ಕಿಸ್‌ನಲ್ಲಿ ಮಿಂದ ರಚಿತಾ ರಾಮ್‌ 

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ‘ಏಕ್‌ ಲವ್‌ ಯಾ’ ಸಿನಿಮಾದ ಟೀಸರ್‌ ಬಿಡುಗಡೆಯಾಗಿದ್ದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. 

‘ಏಕ್‌ ಲವ್‌ ಯಾ’ ಸಿನಿಮಾವನ್ನು ಪ್ರೇಮ್‌ ನಿರ್ದೇಶನ ಮಾಡಿದ್ದಾರೆ. ಖ್ಯಾತ ನಟಿ ರಕ್ಷಿತಾ ಪ್ರೇಮ್‌ ಸಹೋದರ ರಾಣ ನಾಯಕರಾಗಿದ್ದಾರೆ. ಈ ಚಿತ್ರದಲ್ಲಿ ರಚಿತಾ ರಾಮ್‌ ಬೋಲ್ಡ್‌ ಆಗಿ ಕಾಣಿಸಿಕೊಂಡಿರುವುದು ವಿಶೇಷ. 

ಪ್ರೇಮಿಗಳ ದಿನವಾದ ಇಂದು ಟೀಸರ್‌ ಅನ್ನು ಯುಟ್ಯೂಬ್‌ಗೆ ಸೇರಿಸಲಾಗಿದೆ. ಬಿಡುಗಡೆಯಾದ 1 ಗಂಟೆಯಲ್ಲೇ ಸುಮಾರು 37 ಸಾವಿರಕ್ಕೂ ಹೆಚ್ಚು ಜನರು ಟೀಸರ್‌ ವೀಕ್ಷಣೆ ಮಾಡಿದ್ದಾರೆ.

ರಚಿತಾ ರಾಮ್‌ ಸಿಗರೇಟ್‌ ಸೇದುವ ದೃಶ್ಯದ ಮೂಲಕ ಟೀಸರ್‌ ಆರಂಭವಾಗುತ್ತದೆ. ನಾಯಕ ರಾಣಗೆ ರಚಿತಾ ಲಿಪ್‌ ಕಿಸ್‌ ಮಾಡುವ ದೃಶ್ಯದೊಂದಿಗೆ ಟೀಸರ್‌ ಕೊನೆಯಾಗುತ್ತದೆ. 1 ನಿಮಿಷ 40 ಸೆಕೆಂಡ್‌ಗಳ ಟೀಸರ್‌ನಲ್ಲಿ ರಾಣನ ಆ್ಯಕ್ಷನ್‌ ದೃಶ್ಯಗಳು ಮಾಸ್‌ ಪ್ರೇಕ್ಷಕರಿಗೆ ಹೆಚ್ಚು ಆಪ್ತವಾಗುತ್ತವೆ.

‘ವಿಲನ್‌’ ಗುಂಗಿನಿಂದ ಹೊರಬಂದಿರುವ ಪ್ರೇಮ್‌ ಈಗ ‘ಏಕ್‌ ಲವ್‌ ಯಾ’ ಎಂದು ಹೇಳುತ್ತಿದ್ದಾರೆ. ಇತ್ತೀಚೆಗೆ ಚಿತ್ರದ ಫಸ್ಟ್‌ಲುಕ್‌ ಬಿಡುಗಡೆಯಾಗಿ ಸಾಮಾಜಿಕ ಮಾಧ್ಯಮಗಳಲ್ಲಿ ಸಾಕಷ್ಟು ಸದ್ದು ಮಾಡಿತ್ತು. 

ಅರ್ಜುನ್‌ ಜನ್ಯಾ ಏಕ್‌ ಲವ್‌ ಯಾ ಗೆ ಸಂಗೀತ ಸಂಯೋಜನೆ ಮಾಡಿದ್ದಾರೆ.

ಪುಲ್ವಾಮಾದಲ್ಲಿ ಹುತಾತ್ಮರಾದ ಯೋಧರಿಗೆ ಟೀಸರ್‌ನಲ್ಲಿ ಗೌರವ ಅರ್ಪಿಸಲಾಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು