ಹೃತಿಕ್ ಮತ್ತೆ ಈ ಹಾಡಿಗೆ ಹೆಜ್ಜೆ ಹಾಕಿದರು. ಈ ಬಾರಿ ನಟಿ ಯಾಮಿ ಗೌತಮಿ ಜೊತೆಯಾದರು. ಅದೂ ಚೀನಾ ದೇಶದಲ್ಲಿ. ಯಾಮಿ ಹಾಗೂ ಹೃತಿಕ್ 2017ರಲ್ಲಿ ‘ಕಾಬಿಲ್’ ಸಿನಿಮಾ ಮೂಲಕ ಪರಿಚಿತರಾದರು. ಇವರಿಬ್ಬರಿಗೆ ಚೀನಾದಲ್ಲೂ ಅಭಿಮಾನಿಗಳಿದ್ದಾರೆ ಎಂಬುದು ಮೊನ್ನೆ ಸಾಬೀತಾಯಿತು. ಕಾಬಿಲ್ ಚಿತ್ರ ಚೀನಾದಲ್ಲಿ ಬುಧವಾರ (ಜೂನ್ 5) ಬಿಡುಗಡೆಯಾಗುತ್ತಿದೆ. ಇದಕ್ಕೂ ಮುನ್ನ ಪ್ರೀಮಿಯರ್ ಶೋ ಏರ್ಪಡಿಸಲಾಗಿತ್ತು. ಇಲ್ಲಿ ಇಬ್ಬರೂ ಏಕ್ ಪಲ್ ಕಾ ಜೀನಾ ಗೀತೆಗೆ ಹೆಜ್ಜೆ ಹಾಕಿದರು.

ಚೀನಾದ ತಮ್ಮ ಅಭಿಮಾನಿಗಳಿಗೆ ಒಂದಿಷ್ಟು ಅಚ್ಚರಿ ನೀಡಲು ಇಬ್ಬರೂ ಯೋಜನೆ ರೂಪಿಸಿಕೊಂಡಿದ್ದರು. ಬಾಲಿವುಡ್ ಹಾಡುಗಳ ಜೊತೆ ಒಂದಿಷ್ಟು ಚೀನೀ ಹಾಡುಗಳಿಗೂ ಸ್ಟೆಪ್ ಹಾಕಿ ರಂಜಿಸಿದರು. ಇದಕ್ಕಾಗಿ ಚೀನೀ ನೃತ್ಯವನ್ನೂ ಕೊಂಚ ಅಭ್ಯಾಸ ಮಾಡಿಕೊಂಡಿದ್ದರು.

‘ಸೂಪರ್ 30‘ ಪೋಸ್ಟರ್
ಜುಲೈ 12ರಂದು ಬಿಡುಗಡೆಗೆ ಸಿದ್ಧವಾಗಿರುವ ಹೃತಿಕ್ ಅಭಿನಯದ ‘ಸೂಪರ್ 30’ ಸಿನಿಮಾದ ಪೋಸ್ಟರ್ ಬಿಡುಗಡೆಯಾಗಿದೆ. ಬಿಹಾರದ ಗಣಿತ ಶಿಕ್ಷಕ ಆನಂದ್ ಕುಮಾರ್ ಅವರನ್ನು ಕುರಿತ ಸಿನಿಮಾ ಇದು. ಬಡತನದಲ್ಲಿರುವ ಪ್ರತಿಭಾವಂತ 30 ಮಕ್ಕಳನ್ನು ಆರಿಸಿಕೊಂಡು ಅವರನ್ನು ಐಐಟಿ ಪರೀಕ್ಷೆಗೆ ಸಿದ್ಧಪಡಿಸುವಾಗ ಆನಂದ್ ಕುಮಾರ್ ಎದುರಿಸಿದ ಸವಾಲುಗಳೇ ಚಿತ್ರದ ಹೂರಣ. ಮಕ್ಕಳಿಗೆ ತಮ್ಮ ಸ್ವಂತ ಖರ್ಚಿನಲ್ಲಿ ಊಟ–ವಸತಿ ಒದಗಿಸಿದ್ದು ಅವರ ಹೆಗ್ಗಳಿಕೆ. ಅವರ ಯಶೋಗಾಂಥೆಯು ‘ಸೂಪರ್ 30’ ಹೆಸರಿನಲ್ಲಿ ಸಿನಿಮಾ ಆಗಿ ತೆರೆಗೆ ಬರುತ್ತಿದೆ. ಹೃತಿಕ್ ಇದರಲ್ಲಿ ಆನಂದ್ ಕುಮಾರ್ ಅವರ ಪಾತ್ರ ನಿರ್ವಹಿಸಿದ್ದಾರೆ.