ಲಂಡನ್‌: ಬ್ರಿಟನ್‌ ಮೂಲದ ಈಸ್ಟರ್ನ್‌ ಐ ವಾರಪತ್ರಿಕೆಯು‘ಬಾಹುಬಾಲಿ’ ಖ್ಯಾತಿಯ ತೆಲುಗು ನಟ ಪ್ರಭಾಸ್‌ ಅವರನ್ನು 2021ನೇ ಸಾಲಿನಲ್ಲಿ ದಕ್ಷಿಣ ಏಷ್ಯಾದಲ್ಲೇ ಮೊದಲ ಸ್ಥಾನದಲ್ಲಿರುವ ಗಣ್ಯ ವ್ಯಕ್ತಿ ಎಂದು ಹೆಸರಿಸಿದೆ.
‘ಬಿಲ್ಲಾ’, ‘ಡಾರ್ಲಿಂಗ್‌’ ಮತ್ತು ‘ಬಾಹುಬಲಿ’ ಸಿನಿಮಾಗಳಲ್ಲಿನ ತಮ್ಮ ಅಭಿನಯಕ್ಕೆ ಹೆಸರಾದ ಪ್ರಭಾಸ್‌ ಅವರು ಏಷ್ಯಾದ 50 ಗಣ್ಯರ ಪಟ್ಟಿಗೆ ಆಯ್ಕೆಯಾಗಿದ್ದು, ಈ ಪಟ್ಟಿ ‘ಈಸ್ಟರ್ನ್‌ ಐ’ ಪತ್ರಿಕೆಯಲ್ಲಿ ಶುಕ್ರವಾರ ಪ್ರಕಟವಾಗಲಿದೆ.
ಸಿನಿಮಾ, ಕಿರುತೆರೆ, ಸಾಹಿತ್ಯ, ಸಂಗೀತ ಮತ್ತು ಸಾಮಾಜಿಕ ಜಾಲತಾಣಗಳ ಜಾಗತಿಕ ತಾರೆಗಳ ಪೈಕಿ ಪ್ರಭಾಸ್‌ ಉನ್ನತ ಸ್ಥಾನಗಳಿಸಿದ್ದಾರೆ.
ಈ ಪಟ್ಟಿಯಲ್ಲಿಬ್ರಿಟಿಷ್‌ ಪಾಕಿಸ್ತಾನಿ ನಟ, ಸಂಗೀತಕಾರ ರಿಜ್‌ ಅಹಮದ್‌ ಅವರು ದ್ವಿತೀಯ, ನಟಿ ಪ್ರಿಯಾಂಕಾ ಚೋಪ್ರಾ ಅವರು ಮೂರನೇ ಸ್ಥಾನ ಹಾಗೂ ಭಾರತೀಯ–ಅಮೆರಿಕನ್‌ ಮಿಂಡಿ ಕಲಿಂಗ್‌ ಅವರು ನಾಲ್ಕನೇ ಸ್ಥಾನ, ಗಾಯಕಿ ಶ್ರೇಯಾ ಘೋಷಾಲ್ ಅವರು ಐದನೇ ಸ್ಥಾನ ಪಡೆದಿದ್ದಾರೆ.
