1998ರಲ್ಲಿ ತೆರೆಕಂಡ ಶಾರುಕ್ ಖಾನ್, ಮನೀಶಾ ಕೋಯಿರಾಲಾ, ಪ್ರೀತಿ ಜಿಂಟಾ ಜೋಡಿಯ ‘ದಿಲ್ ಸೆ‘ ಸಿನಿಮಾದ ಬಗ್ಗೆ ಕೇಳದವರು, ಈ ಸಿನಿಮಾವನ್ನು ನೋಡದಿರುವವರು ಯಾರಿದ್ದಾರೆ ಹೇಳಿ? ಖ್ಯಾತ ನಿರ್ದೇಶಕ ಮಣಿರತ್ನಂ ಹಾಗೂ ಬಾಲಿವುಡ್ ಬಾದ್ಶಾ ಶಾರುಕ್ ಜೋಡಿ ಮೋಡಿ ಮಾಡಿದ ಸಿನಿಮಾವಿದು. ಮಣಿರತ್ನಂ ಸಿನಿಮಾದ್ದು ಒಂದು ಲೆಕ್ಕವಾದರೆ, ಶಾರುಕ್ ಸಿನಿಮಾದ್ದು ಇನ್ನೊಂದು ಲೆಕ್ಕ ಎಂಬಂತಿದ್ದ ಕಾಲದಲ್ಲಿ, ಇವರಿಬ್ಬರು ಸೇರಿ ಮಾಡಿದ ಸಿನಿಮಾ ಹೇಗಿರಬಹುದು ಎಂದು ತೋರಿಸಿಕೊಟ್ಟಿದ್ದು ‘ದಿಲ್ ಸೆ‘.
