ಕತ್ರಿನಾ ಹೇಳುತ್ತಿದ್ದಾರೆ ‘ದೇಸಿ ನಾ’!

ಕತ್ರಿನಾ ಕೈಫ್ ಎಂಬ ಹೆಸರಿನ ಪಕ್ಕ ಬಾರ್ಬಿ ಡಾಲ್ ಎನ್ನುವ ಗುಣವಿಶೇಷಣ ಅಂಟಿಕೊಂಡಿದೆ. ವರ್ಷಗಳು ಉರುಳಿದರೂ ಅದು ಹೋಗುತ್ತಿಲ್ಲ. ಆ ಮುದ್ದುಬೊಂಬೆಯನ್ನು ಹೆಸರಿಗೆ ಅಂಟಿಸಿಕೊಂಡೇ ಇರುವ ಅವರಿಗೆ ಆ ಕುರಿತು ಮುಜುಗರವೇನೂ ಇಲ್ಲ. ‘ನಿಂದಕರು ಇರಬೇಕು’ ಎಂಬ ದಾಸವಾಣಿಯನ್ನು ಕಣ್ಣಿಗೊತ್ತಿಕೊಂಡವರು ಕತ್ರಿನಾ. ಹಾಗಾಗಿಯೇ ಟೀಕೆ-ಟಿಪ್ಪಣಿಗಳ ಮೇಲೆ ಎಷ್ಟು ಬೇಕೋ ಅಷ್ಟು ಕಣ್ಣಾಡಿಸುತ್ತಾರೆ. ಯಾವುದೂ ಮನಸ್ಸಿಗೆ ಗಾಸಿ ಮಾಡಕೂಡದು ಎಂದು ನಿಗಾ ವಹಿಸುತ್ತಾರೆ.

. ಬಾಲಿವುಡ್ ಗಲ್ಲಿಗಳಿಗೆ ಕತ್ರಿನಾ ಏಕಾಏಕಿ ಕಾಲಿಡಲಿಲ್ಲ. ಕಾಶ್ಮೀರಿ ಆದರೂ ಬೇರೆ ದೇಶಗಳಲ್ಲಿ ಬೆಳೆದ ಮಗಳಾದದ್ದರಿಂದ ಹಿಂದಿ ಬರುತ್ತಿರಲಿಲ್ಲ. ಮೊದಮೊದಲು ಮಾಡೆಲಿಂಗ್ ಮಾಡಿದರು. ಒಂದೊಂದೇ ಮೆಟ್ಟಿಲು ಏರುತ್ತಾ ಮೂರು ವರ್ಷ ಅಲ್ಲಿ ಮುದ್ದು ಚಹರೆಗೆ ಅಸ್ಮಿತೆಯ ಮೊಹರು ಬೀಳುವಂತೆ ನೋಡಿಕೊಂಡರು. ಆಮೇಲೆ ದಕ್ಷಿಣ ಭಾರತೀಯ ಚಿತ್ರರಂಗದ ಗಾಳಿ ಬೀಸಿದ್ದೇ ಅಲ್ಲಿ ತೂರಿಕೊಂಡರು. ಈ ಬಾರ್ಬಿ ಡಾಲ್ ಕೊನೆಗೂ ಬಾಲಿವುಡ್ ಗೆ ಬೇಕಾಯಿತು. ಆಡಿಷನ್ ಗಳು, ವೈಫಲ್ಯಗಳು, ಹಿಂದಿ ತೊದಲುವ ಹುಡುಗಿ ಎಂಬ ಟೀಕೆ ಎಲ್ಲವನ್ನೂ ನುಂಗಿಕೊಂಡೇ ಅವರು ಅಭಿನಯದ ಲೋಕದ ಗಂಧ ಸವರಿಕೊಂಡಿದ್ದು.

. ನೃತ್ಯದಲ್ಲಿ ಕತ್ರಿನಾ ಸದಾ ಸೈ. ಸೌಂದರ್ಯದಲ್ಲಿ ಎರಡು ಮಾತಿಲ್ಲ. ದೇಸಿತನಕ್ಕೆ ಪೂರ್ಣ ಹೊರತಾದ ಮುಖವರ್ಣ. ಹೀಗಾಗಿ ಕತ್ರಿನಾ ಇಲ್ಲಿನವರಾಗಲು ಹೆಚ್ಚೇ ಶ್ರಮ ಪಡಬೇಕಾಯಿತು. ಅವರ ಸಹನಟರಲ್ಲಿ ಒಬ್ಬರು, ‘ಬಹುಶಃ ನಾವೆಲ್ಲ ಎಷ್ಟು ಕಷ್ಟ ಪಟ್ಟಿರುತ್ತೇವೆಯೋ ಅದಕ್ಕಿಂತ ಇಪ್ಪತ್ತೈದು ಪಟ್ಟು ಹೆಚ್ಚು ಕಷ್ಟ ಪಟ್ಟಿರಬಹುದಲ್ಲವೇ’ ಎಂಬ ಪ್ರಶ್ನೆ ಹಾಕಿದ್ದರು.

. ಕತ್ರಿನಾ ಮಿತಿ ಅರಿತ ನಟಿ. ಸಣ್ಣದೊಂದು ಐಟಂ ಸಾಂಗ್ ಡಾನ್ಸ್ ನಿಂದ ದೀರ್ಘ ಕಾಲ ನೋಡುಗರು ಕಣ್ಣು ಕೀಲಿಸುವಂತೆ ಮಾಡಬಲ್ಲ ಅವರಿಗೆ ಇಲ್ಲಿನ ಭಾಷೆ, ಭಾವ ಜೀರ್ಣಿಸಿಕೊಳ್ಳಲು ಹೆಚ್ಚೇ ಸಮಯ ಹಿಡಿಯಿತು. ತಮಾಷೆಯಾಗಿ ಕೆಲವರು ಕಾಲೆಳೆದರೂ ಅರ್ಥವಾಗದ ಕಾಲವಿತ್ತು. ಅದೀಗ ಮಾಯ.

. ಸಿನಿಮಾ ಮಕಾಡೆಯಾದರೆ ಸಹಜವಾಗಿಯೇ ಅವರಿಗೂ ಸಂಕಟವಾಗುತ್ತದೆ. ಆಗೆಲ್ಲ ಅವರು ಕೆಲವು ನಿಮಿಷ ಕಣ್ಮುಚ್ಚಿ ಒಳ್ಳೆಯದನ್ನು ನೆನಪಿಸಿಕೊಳ್ಳುವರಂತೆ. ಹಳೆಯ ಯಾವುದೋ ಫೋಟೊ ನೋಡಿ, ‘ಆಗ ಸಣ್ಣಗಿದ್ದ ಮಚ್ಚೆ ಈಗ ಸ್ವಲ್ಪ ದಪ್ಪ ಆಗಿದೆಯಲ್ಲ’ ಎಂದೋ, ‘ಒಂದಿಂಚು ಆಗ ದಪ್ಪಗೆ ಇದ್ದಿದ್ದರೆ ನನಗೂ ಇಂಡಿಯನ್ ಲುಕ್ ಬರುತ್ತಿತ್ತೇನೋ’ ಎಂದೋ ಅವರು ಅಂದುಕೊಂಡು ಸುಮ್ಮನಾಗುತ್ತಾರೆ. ಅವರ ಪ್ರಕಾರ ಅದು ಹಳಹಳಿಕೆ ಅಲ್ಲ; ನೆನಪನ್ನು ಕೆದಕಿ, ಭವಿಷ್ಯಕ್ಕೆ ಸಜ್ಜಾಗುವ ರೀತಿ.

. ಸಲ್ಮಾನ್ ಖಾನ್, ಕತ್ರಿನಾ ಅವರ ಬಳಿಗೆ ಪದೇ ಪದೇ ಅವಕಾಶದ ಏಣಿ ಹೊತ್ತೊಯ್ದು ಇರಿಸಿದ್ದಾರೆ. ಅದನ್ನು ಚಕಚಕನೆ ಅಲ್ಲದಿದ್ದರೂ, ನಿಧ ನಿಧಾನವಾಗಿ ಏರಿದವರು ಈ ನಟಿ. ‘ಭಾರತ್’ ಹಿಂದಿ ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಆವರಿಸಿಕೊಂಡಿದ್ದರೂ, ತೂಕದ ಪಾತ್ರದಲ್ಲಿ ಕತ್ರಿನಾ ಛಾಪು ಮೂಡಿಸಿದ್ದಾರೆ. ಅಭಿನಯ, ಟೈಮಿಂಗ್ ಮೂಲಕ ದೇಸಿ ಆಗಬಹುದಾದ ಛಾತಿ ತಮಗೂ ಇದೆ ಎನ್ನುವುದನ್ನು ರುಜುವಾತುಪಡಿಸಿದ್ದಾರೆ.

. ಕತ್ರಿನಾ ಹೆಚ್ಚು ಹೊತ್ತು ಕನ್ನಡಿ ಮುಂದೆ ನಿಂತ ದಿನಗಳು ಹಲವು. ಈಗ ಅವರು ಕಣ್ಮುಚ್ಚಿದರೆ ಸಾಕು, ಮಾಯಾಕನ್ನಡಿಯೊಂದು ತೆರೆದುಕೊಳ್ಳುವುದಂತೆ. ಅದರಲ್ಲಿ ಅವರದ್ದೇ ಚೆಂದದ ಹಳೆಯ ಫೋಟೊಗಳು, ದೃಶ್ಯಗಳು, ಹಾಡುಗಳು, ನೃತ್ಯ, ಫೋಟೊಶೂಟ್ ಎಲ್ಲ ಬಿಚ್ಚಿಕೊಳ್ಳುತ್ತವೆಯಂತೆ. ಆಗ ‘ನಾನು ಇಷ್ಟು ವರ್ಷ ಏನೆಲ್ಲ ಕೆಲಸ ಮಾಡಿದ್ದೇನೆ’ ಎಂಬ ಧನ್ಯತಾಭಾವ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕತ್ರಿನಾ ಹೇಳುತ್ತಿದ್ದಾರೆ ‘ದೇಸಿ ನಾ’!

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ತುಮಕೂರಿನಲ್ಲಿ ದಾವಣಗೆರೆ ಪಿಎಸ್‌ಐ ಬಿ.ಆರ್‌.ನಾಗರಾಜಪ್ಪ ಆತ್ಮಹತ್ಯೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ತುಮಕೂರಿನಲ್ಲಿ ದಾವಣಗೆರೆ ಪಿಎಸ್‌ಐ ಬಿ.ಆರ್‌.ನಾಗರಾಜಪ್ಪ ಆತ್ಮಹತ್ಯೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ