ಬೆಂಗಳೂರು: ಬಾಲಿವುಡ್ ತಾರಾ ದಂಪತಿ ಕತ್ರೀನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ಮದುವೆ ಬಳಿಕ ಹೊಸ ಮನೆಗೆ ಶಿಫ್ಟ್ ಆಗಿದ್ದಾರೆ.
ಮುಂಬೈನ ಮನೆಯಲ್ಲಿ ಕತ್ರೀನಾ, ಮೊದಲ ಬಾರಿಗೆ ಸಿಹಿತಿನಿಸು ತಯಾರಿಸಿದ್ದು, ಅದರ ಫೋಟೊವನ್ನು ಇನ್ಸ್ಟಾಗ್ರಾಂ ಸ್ಟೋರೀಸ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ನಾನೇ ಮಾಡಿದ್ದು ಎಂಬ ಅಡಿಬರಹ ಜತೆಗೆ ಕತ್ರೀನಾ ಫೋಟೊ ಪೋಸ್ಟ್ ಮಾಡಿದ್ದಾರೆ.
ಪಂಜಾಬಿ ಸಂಪ್ರದಾಯದಂತೆ ಮದುವೆಯ ಬಳಿಕ ವಧು ತಯಾರಿಸುವ ಮೊದಲ ಸಿಹಿ ತಿನಿಸು ‘ಚೌಖಾ ಚಂದನಾ‘ ಎಂದು ಕರೆಯಲ್ಪಡುತ್ತದೆ. ಅದರಂತೆ ಕತ್ರೀನಾ ವಿಶೇಷವಾಗಿ ಗೋಡಂಬಿ, ಒಣದ್ರಾಕ್ಷಿ ಸೇರಿಸಿ ಸಿಹಿತಿನಿಸು ಮಾಡಿದ್ದಾರೆ.