ಮಲಯಾಳದ ಜನಪ್ರಿಯ ನಟ ಮೋಹನ್‌ ಲಾಲ್‌, ಜಲ್ಲಿಕಟ್ಟು ಖ್ಯಾತಿಯ ನಿರ್ದೇಶಕ ಲಿಜೋ ಜೋಸ್‌ ಪೆಲಿಶೆರಿ ಜೊತೆ ತಮ್ಮ ಮುಂದಿನ ಸಿನಿಮಾ ಎಂದು ಘೋಷಿಸಿದ್ದಾರೆ.
I'm delighted to announce that my next project will be with one of the most exciting and immensely talented directors in Indian cinema - Lijo Jose Pellissery. The project will be produced by John and Mary Creative, Max Labs and Century Films.#LijoJosePellissery@shibu_babyjohnpic.twitter.com/d7XYnkYOzk
ಲಿಜೋ ಜೋಸ್‌ ವಿಭಿನ್ನ ಸಿನಿಮಾಗಳಿಗೆ ಹೆಸರಾದವರು. ಅಂಗಮಾಲಿ ಡೈರೀಸ್‌, ಇ.ಮಾ.ಯು, ಜಲ್ಲಿಕಟ್ಟು, ಚುರುಲಿ ಮೊದಲಾದ ವಿಭಿನ್ನ ನೆಲೆಯ ಸಿನಿಮಾಗಳಿಂದ ಜನಪ್ರಿಯವಾದ ನಿರ್ದೇಶಕ. ಇವರ ಜೊತೆ ಮೋಹನ್‌ ಲಾಲ್‌ ಸಿನಿಮಾ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಿಸಿದೆ.
ಭಾರತೀಯ ಸಿನಿಮಾ ರಂಗದಲ್ಲೇ ಅತ್ಯಂತ ಪ್ರತಿಭಾನ್ವಿತ, ಅಚ್ಚರಿಯ ನಿರ್ದೇಶಕ ಲಿಜೋ ಜೋಸ್‌ ಜೊತೆ ನನ್ನ ಮುಂದಿನ ಸಿನಿಮಾ ಘೋಷಿಸಲು ಹೆಮ್ಮೆಯಾಗುತ್ತಿದೆ. ಜಾನ್‌ ಆಂಡ್‌ ಮೇರಿ, ಮ್ಯಾಕ್ಸ್‌ ಲ್ಯಾಬ್ಸ್‌ ಒಟ್ಟಾಗಿ ಈ ಸಿನಿಮಾ ನಿರ್ಮಾಣ ಮಾಡುತ್ತಿದೆ ಎಂದು ಮೋಹನ್‌ಲಾಲ್‌ ಟ್ವೀಟ್‌ ಮಾಡಿದ್ದಾರೆ. ತಂಡದ ಜೊತೆಗಿನ ಚಿತ್ರವನ್ನೂ ಹಂಚಿಕೊಂಡಿದ್ದಾರೆ.
ಮಲಯಾಳದಲ್ಲಿ ಲಾಲೇಟನ್‌ ಎಂದೇ ಪ್ರಸಿದ್ಧರಾದ ಮೋಹನ್‌ ಲಾಲ್‌ ಸಿನಿಮಾವೆಂದರೆ ಅಭಿಮಾನಿಗಳ ಪಾಲಿಗೆ ಹಬ್ಬ. ಅವರ ಇತ್ತೀಚಿನ ಲೂಸಿಫರ್‌, ದೃಶ್ಯಂ–2 ಸಿನಿಮಾಗಳು ಸೂಪರ್‌ ಹಿಟ್‌ ಆಗಿದ್ದವು.
