ಗಲಭೆಯ ಪ್ರಕ್ಷುಬ್ದ ಚಿತ್ರಿಕೆಗಳು, ಪುಟಾಣಿ ಸಮೀರನ ಓಟದ ಆಟ, ಓಡಿಹೋದ ಭಾನುವಿನ ಕುರಿತ ಆತಂಕ ಹೀಗೆ ಹಲವು ಕುತೂಹಲದ ಬೀಜಗಳನ್ನು ಟ್ರೇಲರ್ ಮೂಲಕ ಬಿತ್ತಿದ್ದಾರೆ. ಜತೆಗೆ ಪುಟಾಣಿ ಹುಡುಗಿಯ ಧ್ವನಿಯಲ್ಲಿ ಬಂದಿರುವ ‘ಒಂದೂರಲ್ಲಿ ಹೀಗೆ ಒಂದೂರ ಕಥೆಯಿದು...’ ಎಂಬ ಹಾಡೂ ಮನಸೆಳೆಯುವಂತಿದೆ. ಈ ಧ್ವನಿಯಲ್ಲಿನ ಮುಗ್ಧತೆಗೆ ಪೂರ್ತಿ ವಿರುದ್ಧವಾದ ಇನ್ನೊಂದು ಧ್ವನಿ ‘ಕಾಡು ನುಂಗಿದ ಕಳ್ಳ ಊರಲಿ ಬಂದು ನಿಂತನು ಸಮೀರ’ ಎಂದು ಹೇಳುವುದೂ ಮುಗ್ಧತೆ ಮತ್ತು ದುರುಳತನದ ಮುಖಾಮುಖಿಯ ಕಥೆ ಇದು ಎಂಬ ಸುಳಿವು ನೀಡುವಂತಿದೆ. ವಿಶೇಷವಾಗಿ ಹಿನ್ನೆಲೆ ಸಂಗೀತ ಗಮನ ಸೆಳೆಯುವಂತಿದೆ.