ತಮ್ಮ ಪಾತ್ರದ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಪೂಜಾ, ‘ದಂಡುಪಾಳ್ಯ ಚಿತ್ರದ ಬಳಿಕ ಒಳ್ಳೆಯ ಕಥೆಗಾಗಿ ಕಾಯುತ್ತಿದ್ದೆ. ಸಂಹಾರಿಣಿ ಮನಸ್ಸಿಗೆ ಹತ್ತಿರವಾದ ಪಾತ್ರವಾಗಿದೆ. ಹೆಣ್ಣು ಮಕ್ಕಳ ಭಾವನೆಯನ್ನು ಈ ಚಿತ್ರದಲ್ಲಿ ತೋರಿಸಿದ್ದಾರೆ. ಸಂಹಾರಿಣಿ ಭಾವನಾತ್ಮಕ, ಆ್ಯಕ್ಷನ್ ಚಿತ್ರ. ಪ್ರತೀಕಾರ ಆಧರಿತ ಸಿನಿಮಾ ಇದಾಗಿದ್ದು, ನಾಲ್ಕು ಫೈಟ್ಸ್ ಇವೆ. ಇದು ನನಗೆ ಅತ್ಯಂತ ಸವಾಲಾಗಿತ್ತು. ಮಾಲಾಶ್ರಿ ಅವರ ಸಾಧನೆಗೆ ಮೆಚ್ಚಬೇಕು. ಎಷ್ಟೊಂದು ಚಿತ್ರದಲ್ಲಿ ಸಾಹಸ ದೃಶ್ಯಗಳನ್ನು ಮಾಡಿದ್ದಾರೆ. ನಾನು ನನ್ನ ಕೈಲಾದ ಪ್ರಯತ್ನವನ್ನು ಮಾಡಿದ್ದೇನೆ’ ಎಂದರು.