ಕೆಜಿಎಫ್–2: ತಾಯಿ ಸಮಾಧಿ ಸ್ಥಳಾಂತರ ದೃಶ್ಯದ ಹಿನ್ನೆಲೆ ಬಿಚ್ಚಿಟ್ಟ ನೀಲ್

ತಾಯಿ ಬಗ್ಗೆ ಅಪಾರ ಗೌರವ ಮತ್ತು ಪ್ರೀತಿ ಹೊಂದಿರುವ ನಾಯಕ ರಾಕಿ ತಮ್ಮ ಹುಟ್ಟೂರಿನಲ್ಲಿದ್ದ ತಾಯಿಯ ಸಮಾಧಿಯನ್ನು ತಂದು ಕೆಜಿಎಫ್‌ನಲ್ಲಿ ಪ್ರತಿಷ್ಠಾಪಿಸುತ್ತಾರೆ. ಬದುಕಿದ್ದಾಗ ತನ್ನ ತಾಯಿಯನ್ನು ಸರಿಯಾಗಿ ನೋಡಿಕೊಳ್ಳದ ತಂದೆಯನ್ನೇ ಅದರ ಕಾವಲಿಗೆ ಹಾಕುತ್ತಾನೆ. ಈ ದೃಶ್ಯ ಅಕ್ಷರಶಃ ಚಿತ್ರ ಪ್ರೇಮಿಗಳ ಮೈಜುಮ್ಮೆನಿಸುವಂತಿದೆ. ಚಿತ್ರದಲ್ಲಿ ಈ ದೃಶ್ಯ ಸೇರಿಸಿದ್ದರ ಹಿಂದೆ ತಮ್ಮ ನಿಜ ಜೀವನದ ಹಿನ್ನೆಲೆ ಇದೆ ಎಂದು ನಿರ್ದೇಶಕ ಪ್ರಶಾಂತ್ ನೀಲ್ ಯೂಟ್ಯೂಬ್ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.

ಅಜ್ಜಿ ಎಂದರೆ ನೀಲ್‌ಗೆ ಪಂಚಪ್ರಾಣ

ಹೌದು, ಚಿಕ್ಕಂದಿನಿಂದ ಪ್ರೀತಿ ಕೊಟ್ಟು ಬೆಳೆಸಿದ್ದ ಅಜ್ಜಿ ಬಗ್ಗೆ ನಿರ್ದೇಶಕ ನೀಲ್ ಅಪಾರ ಪ್ರೀತಿ ಇಟ್ಟುಕೊಂಡಿದ್ದಾರೆ. ಆಂಧ್ರ ಪ್ರದೇಶದ ತಮ್ಮ ಹುಟ್ಟೂರಿನಲ್ಲಿ ಅಜ್ಜಿ ನಿಧನರಾದಾಗ ಅಲ್ಲಿನ ಸ್ಮಶಾನದಲ್ಲೇ ಅವರ ಅಂತ್ಯ ಸಂಸ್ಕಾರ ನೆರವೇರಿಸಲಾಗಿತ್ತು. ಆಗ ನನಗೆ ಅಂತ ಒಂದು ಸ್ವಂತ ಮನೆ ಇರಲಿಲ್ಲ. ಈಗ ಎಲ್ಲವೂ ಇದೆ. ಅಜ್ಜಿಯ ಸಮಾಧಿಯನ್ನು ತಂದು ಮನೆಯಲ್ಲಿ ಇಟ್ಟುಕೊಳ್ಳೋಣ ಎನಿಸುತ್ತಿರುತ್ತದೆ. ಈ ಚಿಂತನೆಯೇ ಚಿತ್ರದ ಆ ದೃಶ್ಯಕ್ಕೆ ದಾರಿಮಾಡಿಕೊಟ್ಟಿತು ಎಂದು ಅವರು ಹೇಳಿದ್ದಾರೆ.

ನಾನು ಎಷ್ಟೇ ಬೈದರೂ ನನ್ನಜ್ಜಿ ನನಗೆ ಊಟ, ಪ್ರೀತಿ ಕೊಟ್ಟು ನೋಡಿಕೊಂಡರು ಎಂದು ನೀಲ್ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ.. ಪುನೀತ್ ಸಿನಿಮಾ ಮಾಡಬೇಕಿದ್ದ ಪ್ರಶಾಂತ್ ನೀಲ್ ಕೆಜಿಎಫ್ ಮಾಡಿದ್ದು ಹೇಗೆ?

ಇದನ್ನೂ ಓದಿ..ನಾಲ್ಕೇ ದಿನಕ್ಕೆ ₹ 551 ಕೋಟಿ ದಾಟಿದ ಕೆಜಿಎಫ್–2 ಗಳಿಕೆ?