ಗೀತಾ ಗೋವಿಂದಂ, ಡಿಯರ್ ಕಾಮ್ರೆಡ್ ಚಿತ್ರಗಳಲ್ಲಿ ಒಟ್ಟಿಗೆ ನಟಿಸಿರುವ ರಶ್ಮಿಕಾ ಹಾಗೂ ವಿಜಯ್ ದೇವರಕೊಂಡ ಪ್ರೀತಿಯ ಬಲೆಗೆ ಬಿದ್ದಿದ್ದಾರೆ ಎಂಬ ವದಂತಿ ಬಹಳ ಕಾಲದಿಂದಲೂ ಇದೆ. ನಟ ರಕ್ಷಿತ್ ಶೆಟ್ಟಿಯಿಂದ ಬೇರೆಯಾದ ಬಳಿಕ ರಶ್ಮಿಕಾ ಸಾಕಷ್ಟು ಸಲ ದೇವರಕೊಂಡ ಜೊತೆಗೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿರುವುದು ವದಂತಿ ಹರಡಲು ಮುಖ್ಯ ಕಾರಣ. ಆದಾಗ್ಯೂ ಇಬ್ಬರೂ ಗುಟ್ಟು ಬಿಟ್ಟುಕೊಡುತ್ತಿಲ್ಲ. ಇತ್ತೀಚೆಗಷ್ಟೆ ‘ಕಾಫಿ ವಿತ್ ಕರಣ್’ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ವಿಜಯ್, ತಾವು ಸಿಂಗಲ್ ಎಂದುಕೊಂಡಿದ್ದರು.