ಶುಕ್ರವಾರ, ಸೆಪ್ಟೆಂಬರ್ 25, 2020
28 °C

ಅನುಪಮಾ ಬೇಡವೆಂದ ಪಾತ್ರಕ್ಕೆ ಸಮಂತಾ ಆಯ್ಕೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

‘ರಂಗಸ್ಥಲಂ’ ತೆಲುಗು ಸಿನಿಮಾ ಕಳೆದ ವರ್ಷ ಮಾರ್ಚ್‌ನಲ್ಲಿ ತೆರೆಕಂಡು ₹210ಕೋಟಿ ಗಳಿಕೆ ಮಾಡಿತ್ತು. 2018ರ ಅತಿ ಹೆಚ್ಚು ಗಳಿಕೆ ಮಾಡಿದ ಸಿನಿಮಾ ಪಟ್ಟಿಗೂ ಸೇರಿಕೊಂಡಿತ್ತು. ಸಮಂತಾ ಈ ಚಿತ್ರದಲ್ಲಿ ಅಭಿನಯಿಸಿ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರರಾಗಿದ್ದರು.

ನಿರ್ದೇಶಕ ಸುಕುಮಾರ್‌ ನಾಯಕಿ ಪಾತ್ರಕ್ಕೆ ನಟಿ ಅನುಪಮಾ ಪರಮೇಶ್ವರನ್‌ ಅವರನ್ನು ಆಯ್ಕೆ ಮಾಡಿದ್ದರಂತೆ. ‘ಡೇಟ್ಸ್‌ ತೊಂದರೆಯಿಂದ ನಾನು ಆ ಸಿನಿಮಾ ನಿರಾಕರಿಸಿದೆ’ ಎಂದು ಅನುಪಮಾ ಪರಮೇಶ್ವರನ್‌ ಈಚೆಗೆ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ. 

‘ರಾಮ್‌ ಚರಣ್‌ ತೇಜ ಅವರ ನಾಯಕಿಯಾಗಿ ನಾನು ಆಯ್ಕೆಯಾಗಿದ್ದೆ. ಆನಂತರ ಸಮಂತಾ ಆ ಪಾತ್ರ ಮಾಡುವಂತಾಯಿತು. ರಾಮ್‌ ಚರಣ್‌ ಜೊತೆಗೆ ಅಭಿನಯಿಸುವ ಅವಕಾಶ ಮಿಸ್‌ ಆಗಿದ್ದಕ್ಕೆ ಈಗಲೂ ಪಶ್ಚಾತ್ತಾಪವಿದೆ’ ಎಂದು ಹೇಳಿಕೊಂಡಿದ್ದಾರೆ. 

ಅನುಪಮಾ ನಟಿಸಲು ನಿರಾಕರಿಸಿದ್ದರಿಂದ ಸುಕುಮಾರ್‌, ಸಮಂತಾ ಅಕ್ಕಿನೇನಿ ಅವರನ್ನು ಕೇಳಿಕೊಂಡರು. ಸಿನಿಮಾ ವಿಶ್ವದಾದ್ಯಂತ ಹಿಟ್‌ ಆಗಿ ಅತಿ ಹೆಚ್ಚು ಗಳಿಕೆಯ ಸಿನಿಮಾಗಳ ಪಟ್ಟಿ ಸೇರಿತು.

2015ರಲ್ಲಿ ‘ಪ್ರೇಮಂ’ ಸಿನಿಮಾ ಮೂಲಕ ಮಾಲಿವುಡ್‌ಗೆ ಕಾಲಿರಿಸಿದ ಅನುಪಮಾ ಪರಮೇಶ್ವರನ್‌ 2016ಕ್ಕೆ ಟಾಲಿವುಡ್‌ಗೆ ಪದಾರ್ಪಣೆ ಮಾಡಿದರು. ತಮಿಳು, ಕನ್ನಡ ಸಿನಿಮಾಗಳು ಸೇರಿದಂತೆ ಐದು ವರ್ಷಗಳಲ್ಲಿ 10ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು