ಸಿಜಿಕೆ ಸ್ಮರಣೆಗೆ ‘ಬೀದಿ ರಂಗ ದಿನ’
ಅಕ್ಷರ ಗಾತ್ರ :ಆ |ಆ |ಆ
ಹೋರಾಟ–ಅರಿವು–ಸಂಭ್ರಮದ ಸಾಕ್ಷೀಪ್ರಜ್ಞೆಯೇ ಸಿಜಿಕೆ ಎನ್ನುವ ನಂಬಿಕೆಯೊಂದಿಗೆ ಸಮಾನ ಮನಸ್ಕ ಸಾಂಸ್ಕೃತಿಕ ಮನಸುಗಳು ಸೇರಿ ಜೂನ್ 27ರಂದು ‘ಸಿಜಿಕೆ ಬೀದಿ ರಂಗ ದಿನ’ ಆಯೋಜಿಸುತ್ತಿವೆ. ‘ಮೌಲ್ಯ ಮತ್ತು ಸಿದ್ಧಾಂತಗಳು ಕ್ಲೀಷೆ ಎನ್ನಿಸುತ್ತಿರುವ ಈ ಕಾಲಘಟ್ಟದಲ್ಲಿ ಸಾಮಾಜಿಕ ಚಿಂತನೆಗಳು ಹಾದಿ ತಪ್ಪುತ್ತಿವೆ. ಈ ಸಂದರ್ಭದಲ್ಲಿ ಜನಪರವಾದ ನಿಲುವುಗಳು ಮತ್ತೆ ಗರಿಗೆದರಬೇಕಿದೆ ಎನ್ನುವ ಆಶಯ ಈ ಕಾರ್ಯಕ್ರಮದ್ದು. ಜೂನ್ 27 ಸಿಜಿಕೆ ಹುಟ್ಟು ಹಬ್ಬ. ನಾಡಿನ ಮಹಾನ್‌ ರಂಗಚೇತನ, ಸಂಘಟಕ ಸಿಜಿಕೆ ನೆನಪಿಗೆ ಒಂದು ಹೊಸ ಬೀದಿನಾಟಕದೊಂದಿಗೆ ಈ ಕಾರ್ಯಕ್ರಮ ಹಮ್ಮಿಕೊಂಡಿದ್ದೇವೆ’ ಎಂದು ಕರ್ನಾಟಕ ಬೀದಿ ನಾಟಕ ಅಕಾಡೆಮಿ, ಅವಿರತ ಪುಸ್ತಕ ಮತ್ತು ಬೆಂಗಳೂರು ಆರ್ಟ್‌ ಫೌಂಡೇಶನ್‌ ಸಂಘಟಕರು ತಿಳಿಸಿದ್ದಾರ.
ಉದ್ಘಾಟನೆ: ರಂಗಕರ್ಮಿ ಸಿ.ಕೆ. ಗುಂಡಣ್ಣ, ಅಧ್ಯಕ್ಷತೆ: ಲಲಿತ ಕಲಾ ಅಕಾಡೆಮಿ ನಿಕಟಪೂರ್ವ ಅಧ್ಯಕ್ಷ ಎಂ.ಎಸ್‌. ಮೂರ್ತಿ, ಅಭಿನಂದನಾ ನುಡಿ: ಲೇಖಕ ಎಲ್‌ ಎನ್‌ ಮುಕುಂದರಾಜ್‌, ಅತಿಥಿಗಳು: ಕತೆಗಾರ ಹನಮಂತ ಹಾಲಿಗೇರಿ.
ನಿರ್ವಹಣೆ: ಕಲಾವಿದ ಓ ವೆಂಕಟೇಶ್‌, ಪ್ರದೀಪ್‌ ತಿಪಟೂರು. ಉಪಸ್ಥಿತಿ: ಸಿಜಿಕೆ ರಂಗ ಪುರಸ್ಕಾರ ಪುರಸ್ಕೃತ ಕತೆಗಾರ ಕೇಶವರೆಡ್ಡಿ ಹಂದ್ರಾಳ. ನಮ ತುಳುವೆರ್‌ ಕಲಾ ಸಂಘಟನೆ ಮುದ್ರಾಡಿ ಅಭಿನಯಿಸುವ ಕುವೆಂಪು ರಚಿತ ‘ದಶಾನನ ಸ್ವಪ್ನಸಿದ್ದಿ’ ನಾಟಕ
(ನಿ: ಮಂಜುನಾಥ್‌ ಎಲ್‌ ಬಡಿಗೇರ್‌) ಪ್ರದರ್ಶನ.
ಸ್ಥಳ: ನಯನ ರಂಗಮಂದಿರ, ಕನ್ನಡ ಭವನ, ಜೆ.ಸಿ ರಸ್ತೆ.
ಸಂಜೆ 6ಕ್ಕೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
