ಬುಧವಾರ, 21 ಫೆಬ್ರುವರಿ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

Bigg Boss Kannada-8| ಈ ಬಾರಿಯ ಬಿಗ್‌ಬಾಸ್‌ನ ಸ್ಪರ್ಧಿಗಳಿವರು

ಸೀಸನ್‌ -08
Last Updated 28 ಫೆಬ್ರುವರಿ 2021, 17:59 IST
ಅಕ್ಷರ ಗಾತ್ರ

ಬೆಂಗಳೂರು: ಬಿಗ್‌ಬಾಸ್‌ 8ನೇ ಆವೃತ್ತಿಯ ಬಹುನಿರೀಕ್ಷಿತ ಸರಣಿ ಭಾನುವಾರ ಆರಂಭಗೊಂಡಿದೆ. ನಟ ಕಿಚ್ಚ ಸುದೀಪ್‌ ನಿರೂಪಣೆಯಲ್ಲಿ ಬಿಗ್‌ಬಾಸ್‌ ಸರಣಿ ಭರ್ಜರಿಯಾಗಿ ಆರಂಭಗೊಂಡಿದೆ.

ಬಿಗ್‌ಬಾಸ್‌ ತಂಡ ಈಗಾಗಲೇ ಪ್ರಕಟಿಸಿರುವಂತೆ ಈ ಆವೃತ್ತಿಯಲ್ಲಿ ಸೆಲೆಬ್ರಿಟಿಗಳೇ ಇದ್ದಾರೆ. ನಟಿಯರಾದ ಶುಭಾ ಪೂಂಜಾ, ನಿಧಿ ಸುಬ್ಬಯ್ಯ, ಮಜಾಭಾರತ ಖ್ಯಾತಿಯ ಮಂಜು ಪಾವಗಡ, ಯುಟ್ಯೂಬರ್‌ ಶಮಂತ್‌ ಗೌಡ (ಬ್ರೋ ಗೌಡ), ಬ್ರಹ್ಮಗಂಟು ಧಾರಾವಾಹಿಯ ನಟಿ ಗೀತಾ ಭಾರತಿ ಭಟ್‌, ಹಾಸ್ಯಮಯ ವಿಡಿಯೋ ತುಣುಕುಗಳಿಂದ ಖ್ಯಾತರಾಗಿರುವ ರಾಘು (ರಘು ವೈನ್‌ ಸ್ಟೋರ್‌), ಟಿಕ್‌ಟಾಕ್‌ ನಟಿ ಧನುಶ್ರೀ, ಪುಟ್ಟಗೌರಿ ಮದುವೆಯ ‘ಅಜ್ಜಮ್ಮ’ ಖ್ಯಾತಿಯ ಚಂದ್ರಕಲಾ ಮೋಹನ್‌, ಚಿತ್ರರಂಗದಲ್ಲಿ ಸಾಕಷ್ಟು ಸುದ್ದಿ ಮಾಡಿದ, ಡ್ರಗ್ಸ್‌ ಪ್ರಕರಣದ ಹಲವು ಸುಳಿವುಗಳನ್ನು ಹೊರಹಾಕಿದ ಪ್ರಶಾಂತ್‌ ಸಂಬರಗಿ,‘ತಲ್ಲಣ’ ಖ್ಯಾತಿಯ ನಟಿ ನಿರ್ಮಲಾ ಚನ್ನಪ್ಪ, ಕ್ರಿಕೆಟ್‌ ಲೀಗ್‌ ಪ್ಲೇಯರ್‌ ರಾಜೀವ್‌, ಹಿರಿಯ ನಟ ಶಂಕರ್‌ ಅಶ್ವತ್ಥ್‌ ಭಾಗವಹಿಸಲಿದ್ದಾರೆ.

ನಟಿ ಶುಭಾ ಪೂಂಜಾ ಪ್ರವೇಶಿಸುವ ವೇಳೆ ಶುಭಾ ಅವರ ಭಾವೀ ಪತಿ ಸುಮಂತ್‌ ಮಹಾಬಲ ಮತ್ತು ತಾಯಿ ಇದ್ದರು. ‘ದಾಲ ವರಿ ಮಲ್ಪೊಡ್ಚಿ’ ಆರಾಮಡ್‌ ಇಪ್ಪುಲೆ ಎಂದು ಶುಭಾ ಅವರು ತುಳುವಿನಲ್ಲಿ ತಾಯಿಗೆ ಶುಭ ಹಾರೈಸಿದರು.

ಶಂಕರ್‌ ಅಶ್ವಥ್‌ ಅವರು ಕೂಡಾ ಬಿಗ್‌ಬಾಸ್‌ ಮನೆ ಪ್ರವೇಶಿಸಿದ್ದಾರೆ. ಅವರು ಟ್ಯಾಕ್ಸಿ ಓಡಿಸುವ ದೃಶ್ಯಾವಳಿಗಳು ಮತ್ತು ಜೀವನ ಪರಿಚಯಿಸುವ ವಿಡಿಯೋ ಭಿತ್ತರಗೊಂಡಿದೆ.

***

ನಾನು ಊಬರ್‌ ಚಾಲಕ ಎಂದು ಹೇಳಿಕೊಳ್ಳಲು ಹೆಮ್ಮೆ ಎನಿಸುತ್ತದೆ. ಟ್ಯಾಕ್ಸಿ ಹತ್ತಿ ಇಳಿದಾಗ ನಾನು ಯಾರು ಎಂದು ಗೊತ್ತಾದಾಗ ಕಾಲಿಗೆ ನಮಸ್ಕರಿಸಿ ಹೋದವರಿದ್ದಾರೆ. ನನಗಾಗಲೇ ಲಕ್ಷ ರೂಪಾಯಿ ಬಂದಂತಾಯಿತು.

- ಬಿಗ್‌ಬಾಸ್‌ ವೇದಿಕೆಯಲ್ಲಿ ಭಾವುಕರಾದ ಶಂಕರ್‌ ಅಶ್ವತ್ಥ್‌

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT