ಎರಡೂ ತಂಡಗಳ ಸದಸ್ಯರು ಬಿಗ್ ಬಾಸ್ ಟಾಯ್ ಫ್ಯಾಕ್ಟರಿ ಮೆಶಿನ್ನ ಎರಡೂ ಬದಿಯಲ್ಲಿ ನಿಂತು ಗೊಂಬೆ ತಯಾರಿಸಲು ಸಾಮಗ್ರಿ ಸಂಗ್ರಹಿಸುತ್ತಿದ್ದರೆ, ಸಂಬರಗಿ ಮಾತ್ರ ಎದುರಾಳಿ ತಂಡದವರ ಕೈಯಿಂದ ಅವುಗಳನ್ನು ಕಸಿಯುವ ಮತ್ತು ಸ್ಪರ್ಧಿ ಮೇಲೆ ಎಗರುವ ಮೂಲಕ ಕಿರಿಕಿರಿ ಉಂಟುಮಾಡುತ್ತಿದ್ದರು. ಈ ಸಂದರ್ಭ ವಿನೋದ್ ಗೊಬ್ಬರಗಾಲ ಮತ್ತು ರೂಪೇಶ್ ಶೆಟ್ಟಿ, ಸಂಬರಗಿ ಅವರನ್ನು ತಡೆಯುವ ಯತ್ನ ನಡೆಸಿದರು. ಇದರಿಂದ ಕೋಪಗೊಂಡ ಸಂಬರಗಿ, ರೂಪೇಶ್ ಶೆಟ್ಟಿ ಟೀಶರ್ಟ್ ಹಿಡಿದು ಎಳೆದಾಡಿದರು. ರೂಪೇಶ್ ಎಷ್ಟೇ ಕಿರುಚಿದರೂ ಬಿಡಲಿಲ್ಲ. ಕೊನೆಗೆ ಟೀಶರ್ಟ್ ಬಿಟ್ಟೆ ಬಂದುಬಿಟ್ಟರು. ಆ ಬಳಿಕ ಟೀಶರ್ಟ್ ಹರಿದಿರವುದು ಗಮನಕ್ಕೆ ಬಂದಿದೆ.