<p><strong>ಬೆಂಗಳೂರು:</strong> ಟೀಂ ಇಂಡಿಯಾ ಮಾಜಿ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಅವರು 'ಅಥರ್ವ'ನಾಗಿ ಪ್ರತ್ಯಕ್ಷರಾಗಿದ್ದಾರೆ. ಸೈನ್ಸ್-ಫಿಕ್ಷನ್ ಗ್ರಾಫಿಕ್ ನೋವೆಲ್ 'ಅಥರ್ವ: ದಿ ಒರಿಜಿನ್' ವೆಬ್ ಸರಣಿಯಲ್ಲಿ ಕಾಣಿಸಿಕೊಂಡಿದ್ದಾರೆ.</p>.<p>ವೆಬ್ ಸರಣಿ ಮೂಲಕ ಹೊಸ ಇನ್ನಿಂಗ್ಸ್ ಆರಂಭಿಸಿರುವ ಎಂಎಸ್ ಧೋನಿ ದುಷ್ಟಶಕ್ತಿಯ ವಿರುದ್ಧ ಹೋರಾಡುವ ಶಿಷ್ಟಪಾಲಕನ ಅವತಾರದಲ್ಲಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ 'ಅಥರ್ವ' ಚಿತ್ರದ ಟೀಸರ್ ಅನ್ನು ಹಂಚಿಕೊಂಡಿದ್ದು, 'ನನ್ನ ಹೊಸ ಅವತಾರವನ್ನು ಅನಾವರಣಗೊಳಿಸಲು ಖುಷಿಯಾಗುತ್ತಿದೆ...' ಎಂದಿದ್ದಾರೆ.</p>.<p>ಲೇಖಕ ರಮೇಶ್ ತಮಿಳ್ಮಣಿ ಅವರ 'ಅಥರ್ವ' ಹೆಸರಿನ ಪ್ರಕಟಗೊಂಡಿರದ ಕೃತಿ ಆಧಾರಿತ ವೆಬ್ ಸರಣಿ ಇದಾಗಿದೆ. 'ಧೋನಿ ಎಂಟರ್ಟೈನ್ಮೆಂಟ್' ಮೂಲಕ ವೆಬ್ ಸರಣಿ ನಿರ್ಮಾಣಗೊಳ್ಳುತ್ತಿದೆ.</p>.<p>ಫೆಬ್ರುವರಿ 12 ಮತ್ತು 13ರಂದು ಬೆಂಗಳೂರಿನಲ್ಲಿ ನಡೆಯಲಿರುವ ಐಪಿಎಲ್ ಹರಾಜು ಪ್ರಕ್ರಿಯೆಯಲ್ಲಿ ಎಂಎಸ್ ಧೋನಿ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್ಕೆ) ಪರ ಹಾಜರಾಗಲಿದ್ದಾರೆ. ಎಂಎಸ್ ಧೋನಿ ಸೇರಿದಂತೆ ನಾಲ್ವರನ್ನು ಸಿಎಸ್ಕೆ ತಂಡದಲ್ಲಿ ಉಳಿಸಿಕೊಂಡಿದೆ. ರವೀಂದ್ರ ಜಡೇಜಾ ಅವರನ್ನು ₹ 16 ಕೋಟಿಗೆ, ಧೋನಿ ಅವರನ್ನು ₹ 12 ಕೋಟಿಗೆ, ಮೊಯೀನ್ ಅಲಿ ಅವರನ್ನು ₹ 8 ಕೋಟಿಗೆ ಮತ್ತು ಋತುರಾಜ್ ಗಾಯಕ್ವಾಡ್ ಅವರನ್ನು ₹ 6 ಕೋಟಿಗೆ ಸಿಎಸ್ಕೆ ಉಳಿಸಿಕೊಂಡಿದೆ.</p>.<p><a href="https://www.prajavani.net/sports/cricket/ipl-auction-2022-shikar-dhawan-shreyas-iyer-r-ashwin-in-top-bracket-907167.html" itemprop="url">ಫೆ 12ರಿಂದ ಐಪಿಎಲ್ ಮೆಗಾ ಹರಾಜು: ಶಿಖರ್, ಶ್ರೇಯಸ್ಗೆ ಗರಿಷ್ಠ ಮೂಲಬೆಲೆ </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಟೀಂ ಇಂಡಿಯಾ ಮಾಜಿ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಅವರು 'ಅಥರ್ವ'ನಾಗಿ ಪ್ರತ್ಯಕ್ಷರಾಗಿದ್ದಾರೆ. ಸೈನ್ಸ್-ಫಿಕ್ಷನ್ ಗ್ರಾಫಿಕ್ ನೋವೆಲ್ 'ಅಥರ್ವ: ದಿ ಒರಿಜಿನ್' ವೆಬ್ ಸರಣಿಯಲ್ಲಿ ಕಾಣಿಸಿಕೊಂಡಿದ್ದಾರೆ.</p>.<p>ವೆಬ್ ಸರಣಿ ಮೂಲಕ ಹೊಸ ಇನ್ನಿಂಗ್ಸ್ ಆರಂಭಿಸಿರುವ ಎಂಎಸ್ ಧೋನಿ ದುಷ್ಟಶಕ್ತಿಯ ವಿರುದ್ಧ ಹೋರಾಡುವ ಶಿಷ್ಟಪಾಲಕನ ಅವತಾರದಲ್ಲಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ 'ಅಥರ್ವ' ಚಿತ್ರದ ಟೀಸರ್ ಅನ್ನು ಹಂಚಿಕೊಂಡಿದ್ದು, 'ನನ್ನ ಹೊಸ ಅವತಾರವನ್ನು ಅನಾವರಣಗೊಳಿಸಲು ಖುಷಿಯಾಗುತ್ತಿದೆ...' ಎಂದಿದ್ದಾರೆ.</p>.<p>ಲೇಖಕ ರಮೇಶ್ ತಮಿಳ್ಮಣಿ ಅವರ 'ಅಥರ್ವ' ಹೆಸರಿನ ಪ್ರಕಟಗೊಂಡಿರದ ಕೃತಿ ಆಧಾರಿತ ವೆಬ್ ಸರಣಿ ಇದಾಗಿದೆ. 'ಧೋನಿ ಎಂಟರ್ಟೈನ್ಮೆಂಟ್' ಮೂಲಕ ವೆಬ್ ಸರಣಿ ನಿರ್ಮಾಣಗೊಳ್ಳುತ್ತಿದೆ.</p>.<p>ಫೆಬ್ರುವರಿ 12 ಮತ್ತು 13ರಂದು ಬೆಂಗಳೂರಿನಲ್ಲಿ ನಡೆಯಲಿರುವ ಐಪಿಎಲ್ ಹರಾಜು ಪ್ರಕ್ರಿಯೆಯಲ್ಲಿ ಎಂಎಸ್ ಧೋನಿ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್ಕೆ) ಪರ ಹಾಜರಾಗಲಿದ್ದಾರೆ. ಎಂಎಸ್ ಧೋನಿ ಸೇರಿದಂತೆ ನಾಲ್ವರನ್ನು ಸಿಎಸ್ಕೆ ತಂಡದಲ್ಲಿ ಉಳಿಸಿಕೊಂಡಿದೆ. ರವೀಂದ್ರ ಜಡೇಜಾ ಅವರನ್ನು ₹ 16 ಕೋಟಿಗೆ, ಧೋನಿ ಅವರನ್ನು ₹ 12 ಕೋಟಿಗೆ, ಮೊಯೀನ್ ಅಲಿ ಅವರನ್ನು ₹ 8 ಕೋಟಿಗೆ ಮತ್ತು ಋತುರಾಜ್ ಗಾಯಕ್ವಾಡ್ ಅವರನ್ನು ₹ 6 ಕೋಟಿಗೆ ಸಿಎಸ್ಕೆ ಉಳಿಸಿಕೊಂಡಿದೆ.</p>.<p><a href="https://www.prajavani.net/sports/cricket/ipl-auction-2022-shikar-dhawan-shreyas-iyer-r-ashwin-in-top-bracket-907167.html" itemprop="url">ಫೆ 12ರಿಂದ ಐಪಿಎಲ್ ಮೆಗಾ ಹರಾಜು: ಶಿಖರ್, ಶ್ರೇಯಸ್ಗೆ ಗರಿಷ್ಠ ಮೂಲಬೆಲೆ </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>