ನವದೆಹಲಿ:ಅತಿ ಹೆಚ್ಚು ಕ್ಯಾಮೆರಾಗಳನ್ನು ಬಳಸಿ ಭಾರತದಲ್ಲಿ 2018ರಲ್ಲಿ ನಡೆಸಲಾದ ಹುಲಿಗಣತಿ ಗಿನ್ನಿಸ್ ವಿಶ್ವದಾಖಲೆಗೆಸೇರ್ಪಡೆಯಾಗಿದೆ.
ವಿಶ್ವ ಹುಲಿ ದಿನದಂದು ಪ್ರಧಾನಿ ನರೇಂದ್ರ ಮೋದಿ ಅವರು2018 ನೇ ಅಖಿಲ ಭಾರತ ಹುಲಿ ಗಣತಿಯ ನಾಲ್ಕನೇ ಆವೃತ್ತಿ ಫಲಿತಾಂಶವನ್ನು ಪ್ರಕಟಿಸಿದ್ದರು. ಭಾರತದಲ್ಲಿ ಒಟ್ಟು 2,967 ಹುಲಿಗಳು ಇರುವುದು ಸರ್ವೆಯಲ್ಲಿ ತಿಳಿದುಬಂದಿದೆ. ಇದು ಜಗತ್ತಿನಲ್ಲಿರುವ ಶೇಕಡಾ 75 ರಷ್ಟು ಹುಲಿಗಳ ಸಂತತಿಯಾಗಿದೆ.
‘ಅಖಿಲ ಭಾರತ ಹುಲಿಗಳ ಗಣತಿಯು ಗಿನ್ನಿಸ್ ವಿಶ್ವದಾಖಲೆಗೆ ಸೇರ್ಪಡೆಯಾಗಿದೆ. ಇದೊಂದು ಅದ್ಭುತ ಕ್ಷಣ. ಇದು ಆತ್ಮನಿರ್ಭರ್ ಭಾರತಕ್ಕೆ ಉತ್ತಮ ಉದಾಹರಣೆಯಾಗಿದೆ’ ಎಂದು ಕೇಂದ್ರ ಪರಿಸರ ಸಚಿವ ಪ್ರಕಾಶ್‌ ಜಾವೇಡ್ಕರ್‌ ಅವರು ಟ್ವೀಟ್‌ ಮಾಡಿದ್ದಾರೆ.
