<p>ದೇಶದಲ್ಲಿ ಹೆಚ್ಚಿನ ಧರ್ಮದವರಿಗೆ ಅವರದ್ಧೇ ಆದ ವೈಯಕ್ತಿಕ ಕಾನೂನುಗಳಿವೆ. ಕೆಲವು ಕಾನೂನುಗಳು ಕೆಲವು ಪ್ರದೇಶಕ್ಕಷ್ಟೇ ಅನ್ವಯವಾಗುತ್ತವೆ</p><p><strong>ಹಿಂದೂ ವಿವಾಹ ಕಾಯ್ದೆ</strong></p><p>ಇದು ದೇಶದ ಬಹುತೇಕ ಹಿಂದೂಗಳಿಗೆ ಅನ್ವಯಾಗುತ್ತದೆ. ಹೆಸರಿನಲ್ಲಿ ‘ಹಿಂದೂ ವಿವಾಹ ಕಾಯ್ದೆ’ ಎಂದು ಇದೆಯಾದರೂ, ಸಿಖ್, ಜೈನ ಮತ್ತು ಬೌದ್ಧ ಧರ್ಮೀಯರಿಗೂ ಈ ಕಾಯ್ದೆ ಅನ್ವಯವಾಗುತ್ತದೆ. ವಿವಾಹವು ಒಂದು ಪವಿತ್ರ ಸಂಬಂಧ ಎಂದು ಈ ಕಾಯ್ದೆಯು ಪರಿಗಣಿಸುತ್ತದೆ. ವೈವಾಹಿಕ ಸಂಬಂಧ, ವೈವಾಹಿಕ ಸಂಬಂಧದಲ್ಲಿನ ಜವಾಬ್ದಾರಿಗಳು, ವಿಚ್ಛೇದನಕ್ಕೆ ಕಾರಣಗಳು, ವಿಚ್ಛೇದನದ ಪ್ರಕ್ರಿಯೆಗಳು, ವಿಚ್ಛೇದನದ ನಂತರದ ಪರಿಹಾರಗಳು, ಎರಡನೇ ಮದುವೆ ಮೊದಲಾದ ಅಂಶಗಳನ್ನು ಈ ಕಾಯ್ದೆಯು ನಿರ್ದೇಶಿಸುತ್ತದೆ. ಈ ಕಾಯ್ದೆಗೆ ಹಲವು ಬಾರಿ ತಿದ್ದುಪಡಿ ತರಲಾಗಿದೆ.</p><p><strong>ಹಿಂದೂ ಉತ್ತರಾಧಿಕಾರ ಕಾಯ್ದೆ</strong></p><p>ಇದು ದೇಶದ ಬಹುತೇಕ ಹಿಂದೂಗಳಿಗೆ, ಸಿಖ್, ಜೈನ ಮತ್ತು ಬೌದ್ಧ ಧರ್ಮದವರಿಗೆ ಅನ್ವಯಾಗುತ್ತದೆ. ಈ ಧರ್ಮದ ಜನರಲ್ಲಿ ವಿವಾಹ ಮತ್ತು ಕೌಟುಂಬಿಕ ಸಂಬಂಧದಲ್ಲಿ ಆಸ್ತಿಯ ಹಕ್ಕು ಯಾರಿಗೆಲ್ಲಾ ದೊರೆಯುತ್ತದೆ ಎಂಬುದನ್ನು ಈ ಕಾಯ್ದೆಯು ವಿವರಿಸುತ್ತದೆ. ಯಾವ ಸ್ವರೂಪದ ಆಸ್ತಿಗಳ ಮೇಲೆ ಈ ಕಾಯ್ದೆಯ ಅನ್ವಯ ಹಕ್ಕು ಸಾಧಿಸಬಹುದು ಅಥವಾ ವಾರಸುದಾರಿಕೆ ಸಾಧಿಸಬಹುದು ಎಂಬುದನ್ನು ಇದರಲ್ಲಿ ವಿವರಿಸಲಾಗಿದೆ. ಕುಟುಂಬದಲ್ಲಿನ ವ್ಯಕ್ತಿಗಳ ಸಂಬಂಧದ ಸ್ವರೂಪ, ಆ ಸಂಬಂಧದ ಆಧಾರದ ಮೇಲೆ ಅವರಿಗೆ ದೊರೆಯುವ ಆಸ್ತಿ ಮತ್ತು ಉತ್ತರಾಧಿಕಾರದ ಹಕ್ಕುಗಳು ಎಂಥವು ಎಂಬುದನ್ನು ಇದರಲ್ಲಿ ವಿವರಿಸಲಾಗಿದೆ. ಹೀಗಾಗಿ ಹಿಂದೂ, ಸಿಖ್, ಜೈನ, ಬೌದ್ಧ ಧರ್ಮೀಯರಿಗೆ ಇದು ಅತ್ಯಂತ ಮಹತ್ವದ ವೈಯಕ್ತಿಕ ಕಾನೂನಾಗಿದೆ.</p><p><strong>ಹಿಂದೂ ಅಪ್ರಾಪ್ತ ವಯಸ್ಕರು ಮತ್ತು ಪಾಲಕತ್ವ ಕಾಯ್ದೆ</strong></p><p>ಹಿಂದೂ ಕುಟುಂಬದಲ್ಲಿನ ಅಪ್ರಾಪ್ತ ವಯಸ್ಕರ ಹೊಣೆಗಾರಿಕೆಯನ್ನು ವಿವರಿಸುವ ಕಾಯ್ದೆ ಇದಾಗಿದೆ. ಇದು ಜೈನ, ಬೌದ್ಧ ಮತ್ತು ಸಿಖ್ ಧರ್ಮದವರಿಗೂ ಅನ್ವಯವಾಗುತ್ತದೆ. ಒಂದು ಕುಟುಂಬದಲ್ಲಿನ ಅಪ್ರಾಪ್ತ ವಯಸ್ಕರ ಹೊಣೆಗಾರಿಕೆ ಯಾರದ್ದು, ಅವರಿಗೆ 18 ವರ್ಷ ತುಂಬುವವರೆಗೆ ಅವರ ಆಸ್ತಿಯ ಹೊಣೆಗಾರಿಕೆ ಯಾರದು ಎಂಬುದನ್ನು ಈ ಕಾಯ್ದೆ ವಿವರಿಸುತ್ತದೆ. ಇದನ್ನೂ ಒಂದು ವೈಯಕ್ತಿಕ ಕಾನೂನು ಎಂದು ಪರಿಗಣಿಸಲಾಗಿದೆ. </p><p><strong>ಕ್ರೈಸ್ತ ವಿವಾಹ ಕಾಯ್ದೆ</strong></p><p>ಭಾರತದಲ್ಲಿರುವ ಕ್ರೈಸ್ತ ಧರ್ಮೀಯರ ವಿವಾಹ ಮತ್ತು ವಿಚ್ಛೇದನವನ್ನು ಈ ಕಾಯ್ದೆ ವಿವರಿಸುತ್ತದೆ. ವಿವಾಹದ ರೂಪುರೇಷೆಗಳು, ಉತ್ತರಾಧಿಕಾರದ ಹಕ್ಕುಗಳು, ವಿಚ್ಛೇದನಕ್ಕೆ ಕಾರಣಗಳು, ವಿಚ್ಛೇದನದ ಪ್ರಕ್ರಿಯೆಗಳು, ಪರಿಹಾರಗಳನ್ನು ಈ ಕಾಯ್ದೆ ವಿವರಿಸುತ್ತದೆ. ಭಾರತೀಯ ಕ್ರೈಸ್ತರಿಗೆ ಇದು ಅನ್ವಯವಾಗುತ್ತದೆ. ಕ್ರೈಸ್ತ ಧರ್ಮಕ್ಕೆ ಮತಾಂತರವಾದ ಇತರ ಭಾರತೀಯರಿಗೂ ಈ ಕಾಯ್ದೆಯ ನಿಯಮಗಳು ಅನ್ವಯವಾಗುತ್ತವೆ.</p><p><strong>ಪಾರ್ಸಿ ವಿವಾಹ ಕಾಯ್ದೆ</strong></p><p>ಪಾರ್ಸಿ ಧರ್ಮದವರ ವೈವಾಹಿಕ ಸಂಬಂಧ ಮತ್ತು ವಿಚ್ಛೇದನವನ್ನು ನಿರ್ದೇಶಿಸಲು ಪ್ರತ್ಯೇಕ ಕಾನೂನು ರಚಿಸಲಾಗಿದೆ. ಭಾರತದಲ್ಲಿನ ಯಹೂದಿಗಳಿಗೂ ಇದು ಅನ್ವಯವಾಗುತ್ತದೆ.</p><p>ಈಶಾನ್ಯ ಭಾರತದ ರಾಜ್ಯಗಳ ಗುಡ್ಡಗಾಡು ಪ್ರದೇಶ ನಿವಾಸಿಗಳಿಗೆ 371–ಎ, 371–ಬಿ ಮತ್ತು 371–ಐ ವಿಧಿಗಳ ಅಡಿಯಲ್ಲಿ ಸ್ವಾಯತ್ತ ಜಿಲ್ಲೆಗಳ ಅಧಿಕಾರ ನೀಡಲಾಗಿದೆ. ಈ ಜನರು ವಿವಾಹ, ಆಸ್ತಿ, ಉತ್ತರಾಧಿಕಾರಕ್ಕೆ ಸಂಬಂಧಿಸಿದಂತೆ ತಮ್ಮದೇ ಕಾನೂನುಗಳನ್ನು ರಚಿಸಿಕೊಳ್ಳಲು ಮತ್ತು ಅವನ್ನು ಪಾಲಿಸಲು ಅವಕಾಶವಿದೆ<br>ನಂಬೂದಿರಿ ಸಮುದಾಯಕ್ಕೆ ಸಂಬಂಧಿಸಿದಂತೆ ಮದ್ರಾಸ್ ನಂಬೂದಿರಿ ಕಾಯ್ದೆ, ಮದ್ರಾಸ್ ಕಾಯ್ದೆ, ಕೊಚ್ಚಿ ನಂಬೂದಿರಿ ಕಾಯ್ದೆಗಳು ಜಾರಿಯಲ್ಲಿವೆ</p><p><strong>ಮುಸ್ಲಿಂ ವಿವಾಹ ಕಾಯ್ದೆ</strong></p><p>ಸ್ವಾತಂತ್ರ್ಯಾಪೂರ್ವದಲ್ಲೇ ಈ ಕಾನೂನು ಜಾರಿಯಲ್ಲಿತ್ತು. ಆನಂತರ ಈ ಕಾಯ್ದೆಗೆ ಹಲವು ಬಾರಿ ತಿದ್ದುಪಡಿ ತರಲಾಗಿದೆ. ಇದು ಮುಸ್ಲಿಂ ವೈಯಕ್ತಿಕ ಕಾನೂನಿನಲ್ಲೇ ಅತ್ಯಂತ ಮಹತ್ವದ ಕಾಯ್ದೆಯಾಗಿದೆ. ವಿವಾಹವು ಒಂದು ಗಂಡು ಮತ್ತು ಹೆಣ್ಣಿನ ನಡುವಣ ಒಪ್ಪಂದ ಎಂದು ಈ ಕಾನೂನು ಪರಿಗಣಿಸುತ್ತದೆ. ಇಬ್ಬರೂ ಒಪ್ಪಿದರೆ ಮಾತ್ರ ಆ ವಿವಾಹ ಏರ್ಪಡುತ್ತದೆ ಮತ್ತು ಇದಕ್ಕೆ ಇಬ್ಬರು ಸಾಕ್ಷಿಗಳು ಇರಲೇಬೇಕು. ವೈವಾಹಿಕ ಸಂಬಂಧದ ಜವಾಬ್ದಾರಿಗಳು, ವೈವಾಹಿಕ ಒಪ್ಪಂದದ ಹೊಣೆಗಾರಿಕೆಗಳನ್ನು ಈ ಕಾನೂನು ವಿವರಿಸುತ್ತದೆ. ವೈವಾಹಿಕ ಸಂಬಂಧದ ಒಪ್ಪಂದವನ್ನು ಯಾರೇ ಮುರಿದರೂ, ಸಂಬಂಧ ಮುಂದುವರಿಸುವುದು ಅಸಾಧ್ಯ ಎನಿಸಿದಾಗ ವಿಚ್ಛೇದನ ಪಡೆಯುವ ಹಕ್ಕನ್ನು ಗಂಡ–ಹೆಂಡತಿ ಇಬ್ಬರಿಗೂ ಈ ಕಾಯ್ದೆ ನೀಡುತ್ತದೆ. ನ್ಯಾಯಾಲಯದ ಮೊರೆ ಹೋಗದೆಯೇ, ತ್ರಿವಳಿ ತಲಾಖ್ ಅಡಿಯಲ್ಲಿ ವಿಚ್ಛೇದನ ಪಡೆಯುವ ಪದ್ಧತಿ ಜಾರಿಯಲ್ಲಿ ಇತ್ತು. ಅದನ್ನು ಈಚೆಗೆ ರದ್ದುಪಡಿಸಲಾಗಿದೆ. ಆಸ್ತಿಯ ಮತ್ತು ಉತ್ತರಾಧಿಕಾರದ ಹಕ್ಕನ್ನೂ ಮುಸ್ಲಿಂ ವೈಯಕ್ತಿಕ ಕಾನೂನಿನಲ್ಲಿ ವಿವರಿಸಲಾಗಿದೆ.</p><p>ದೇಶದಲ್ಲಿ ಹೆಚ್ಚಿನ ಧರ್ಮದವರಿಗೆ ಅವರದ್ಧೇ ಆದ ವೈಯಕ್ತಿಕ ಕಾನೂನುಗಳಿವೆ. ಕೆಲವು ಕಾನೂನುಗಳು ಕೆಲವು ಪ್ರದೇಶಕ್ಕಷ್ಟೇ ಅನ್ವಯವಾಗುತ್ತವೆ</p><p>ಇದನ್ನೂ ಓದಿ : ಆಳ–ಅಗಲ: <a href="https://www.prajavani.net/explainer/detail/debate-on-uniform-civil-code-what-is-the-status-of-personal-laws-2378934">ಏಕರೂಪ ನಾಗರಿಕ ಸಂಹಿತೆಯ ಚರ್ಚೆ– ವೈಯಕ್ತಿಕ ಕಾನೂನುಗಳ ಗತಿ ಏನು?</a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದೇಶದಲ್ಲಿ ಹೆಚ್ಚಿನ ಧರ್ಮದವರಿಗೆ ಅವರದ್ಧೇ ಆದ ವೈಯಕ್ತಿಕ ಕಾನೂನುಗಳಿವೆ. ಕೆಲವು ಕಾನೂನುಗಳು ಕೆಲವು ಪ್ರದೇಶಕ್ಕಷ್ಟೇ ಅನ್ವಯವಾಗುತ್ತವೆ</p><p><strong>ಹಿಂದೂ ವಿವಾಹ ಕಾಯ್ದೆ</strong></p><p>ಇದು ದೇಶದ ಬಹುತೇಕ ಹಿಂದೂಗಳಿಗೆ ಅನ್ವಯಾಗುತ್ತದೆ. ಹೆಸರಿನಲ್ಲಿ ‘ಹಿಂದೂ ವಿವಾಹ ಕಾಯ್ದೆ’ ಎಂದು ಇದೆಯಾದರೂ, ಸಿಖ್, ಜೈನ ಮತ್ತು ಬೌದ್ಧ ಧರ್ಮೀಯರಿಗೂ ಈ ಕಾಯ್ದೆ ಅನ್ವಯವಾಗುತ್ತದೆ. ವಿವಾಹವು ಒಂದು ಪವಿತ್ರ ಸಂಬಂಧ ಎಂದು ಈ ಕಾಯ್ದೆಯು ಪರಿಗಣಿಸುತ್ತದೆ. ವೈವಾಹಿಕ ಸಂಬಂಧ, ವೈವಾಹಿಕ ಸಂಬಂಧದಲ್ಲಿನ ಜವಾಬ್ದಾರಿಗಳು, ವಿಚ್ಛೇದನಕ್ಕೆ ಕಾರಣಗಳು, ವಿಚ್ಛೇದನದ ಪ್ರಕ್ರಿಯೆಗಳು, ವಿಚ್ಛೇದನದ ನಂತರದ ಪರಿಹಾರಗಳು, ಎರಡನೇ ಮದುವೆ ಮೊದಲಾದ ಅಂಶಗಳನ್ನು ಈ ಕಾಯ್ದೆಯು ನಿರ್ದೇಶಿಸುತ್ತದೆ. ಈ ಕಾಯ್ದೆಗೆ ಹಲವು ಬಾರಿ ತಿದ್ದುಪಡಿ ತರಲಾಗಿದೆ.</p><p><strong>ಹಿಂದೂ ಉತ್ತರಾಧಿಕಾರ ಕಾಯ್ದೆ</strong></p><p>ಇದು ದೇಶದ ಬಹುತೇಕ ಹಿಂದೂಗಳಿಗೆ, ಸಿಖ್, ಜೈನ ಮತ್ತು ಬೌದ್ಧ ಧರ್ಮದವರಿಗೆ ಅನ್ವಯಾಗುತ್ತದೆ. ಈ ಧರ್ಮದ ಜನರಲ್ಲಿ ವಿವಾಹ ಮತ್ತು ಕೌಟುಂಬಿಕ ಸಂಬಂಧದಲ್ಲಿ ಆಸ್ತಿಯ ಹಕ್ಕು ಯಾರಿಗೆಲ್ಲಾ ದೊರೆಯುತ್ತದೆ ಎಂಬುದನ್ನು ಈ ಕಾಯ್ದೆಯು ವಿವರಿಸುತ್ತದೆ. ಯಾವ ಸ್ವರೂಪದ ಆಸ್ತಿಗಳ ಮೇಲೆ ಈ ಕಾಯ್ದೆಯ ಅನ್ವಯ ಹಕ್ಕು ಸಾಧಿಸಬಹುದು ಅಥವಾ ವಾರಸುದಾರಿಕೆ ಸಾಧಿಸಬಹುದು ಎಂಬುದನ್ನು ಇದರಲ್ಲಿ ವಿವರಿಸಲಾಗಿದೆ. ಕುಟುಂಬದಲ್ಲಿನ ವ್ಯಕ್ತಿಗಳ ಸಂಬಂಧದ ಸ್ವರೂಪ, ಆ ಸಂಬಂಧದ ಆಧಾರದ ಮೇಲೆ ಅವರಿಗೆ ದೊರೆಯುವ ಆಸ್ತಿ ಮತ್ತು ಉತ್ತರಾಧಿಕಾರದ ಹಕ್ಕುಗಳು ಎಂಥವು ಎಂಬುದನ್ನು ಇದರಲ್ಲಿ ವಿವರಿಸಲಾಗಿದೆ. ಹೀಗಾಗಿ ಹಿಂದೂ, ಸಿಖ್, ಜೈನ, ಬೌದ್ಧ ಧರ್ಮೀಯರಿಗೆ ಇದು ಅತ್ಯಂತ ಮಹತ್ವದ ವೈಯಕ್ತಿಕ ಕಾನೂನಾಗಿದೆ.</p><p><strong>ಹಿಂದೂ ಅಪ್ರಾಪ್ತ ವಯಸ್ಕರು ಮತ್ತು ಪಾಲಕತ್ವ ಕಾಯ್ದೆ</strong></p><p>ಹಿಂದೂ ಕುಟುಂಬದಲ್ಲಿನ ಅಪ್ರಾಪ್ತ ವಯಸ್ಕರ ಹೊಣೆಗಾರಿಕೆಯನ್ನು ವಿವರಿಸುವ ಕಾಯ್ದೆ ಇದಾಗಿದೆ. ಇದು ಜೈನ, ಬೌದ್ಧ ಮತ್ತು ಸಿಖ್ ಧರ್ಮದವರಿಗೂ ಅನ್ವಯವಾಗುತ್ತದೆ. ಒಂದು ಕುಟುಂಬದಲ್ಲಿನ ಅಪ್ರಾಪ್ತ ವಯಸ್ಕರ ಹೊಣೆಗಾರಿಕೆ ಯಾರದ್ದು, ಅವರಿಗೆ 18 ವರ್ಷ ತುಂಬುವವರೆಗೆ ಅವರ ಆಸ್ತಿಯ ಹೊಣೆಗಾರಿಕೆ ಯಾರದು ಎಂಬುದನ್ನು ಈ ಕಾಯ್ದೆ ವಿವರಿಸುತ್ತದೆ. ಇದನ್ನೂ ಒಂದು ವೈಯಕ್ತಿಕ ಕಾನೂನು ಎಂದು ಪರಿಗಣಿಸಲಾಗಿದೆ. </p><p><strong>ಕ್ರೈಸ್ತ ವಿವಾಹ ಕಾಯ್ದೆ</strong></p><p>ಭಾರತದಲ್ಲಿರುವ ಕ್ರೈಸ್ತ ಧರ್ಮೀಯರ ವಿವಾಹ ಮತ್ತು ವಿಚ್ಛೇದನವನ್ನು ಈ ಕಾಯ್ದೆ ವಿವರಿಸುತ್ತದೆ. ವಿವಾಹದ ರೂಪುರೇಷೆಗಳು, ಉತ್ತರಾಧಿಕಾರದ ಹಕ್ಕುಗಳು, ವಿಚ್ಛೇದನಕ್ಕೆ ಕಾರಣಗಳು, ವಿಚ್ಛೇದನದ ಪ್ರಕ್ರಿಯೆಗಳು, ಪರಿಹಾರಗಳನ್ನು ಈ ಕಾಯ್ದೆ ವಿವರಿಸುತ್ತದೆ. ಭಾರತೀಯ ಕ್ರೈಸ್ತರಿಗೆ ಇದು ಅನ್ವಯವಾಗುತ್ತದೆ. ಕ್ರೈಸ್ತ ಧರ್ಮಕ್ಕೆ ಮತಾಂತರವಾದ ಇತರ ಭಾರತೀಯರಿಗೂ ಈ ಕಾಯ್ದೆಯ ನಿಯಮಗಳು ಅನ್ವಯವಾಗುತ್ತವೆ.</p><p><strong>ಪಾರ್ಸಿ ವಿವಾಹ ಕಾಯ್ದೆ</strong></p><p>ಪಾರ್ಸಿ ಧರ್ಮದವರ ವೈವಾಹಿಕ ಸಂಬಂಧ ಮತ್ತು ವಿಚ್ಛೇದನವನ್ನು ನಿರ್ದೇಶಿಸಲು ಪ್ರತ್ಯೇಕ ಕಾನೂನು ರಚಿಸಲಾಗಿದೆ. ಭಾರತದಲ್ಲಿನ ಯಹೂದಿಗಳಿಗೂ ಇದು ಅನ್ವಯವಾಗುತ್ತದೆ.</p><p>ಈಶಾನ್ಯ ಭಾರತದ ರಾಜ್ಯಗಳ ಗುಡ್ಡಗಾಡು ಪ್ರದೇಶ ನಿವಾಸಿಗಳಿಗೆ 371–ಎ, 371–ಬಿ ಮತ್ತು 371–ಐ ವಿಧಿಗಳ ಅಡಿಯಲ್ಲಿ ಸ್ವಾಯತ್ತ ಜಿಲ್ಲೆಗಳ ಅಧಿಕಾರ ನೀಡಲಾಗಿದೆ. ಈ ಜನರು ವಿವಾಹ, ಆಸ್ತಿ, ಉತ್ತರಾಧಿಕಾರಕ್ಕೆ ಸಂಬಂಧಿಸಿದಂತೆ ತಮ್ಮದೇ ಕಾನೂನುಗಳನ್ನು ರಚಿಸಿಕೊಳ್ಳಲು ಮತ್ತು ಅವನ್ನು ಪಾಲಿಸಲು ಅವಕಾಶವಿದೆ<br>ನಂಬೂದಿರಿ ಸಮುದಾಯಕ್ಕೆ ಸಂಬಂಧಿಸಿದಂತೆ ಮದ್ರಾಸ್ ನಂಬೂದಿರಿ ಕಾಯ್ದೆ, ಮದ್ರಾಸ್ ಕಾಯ್ದೆ, ಕೊಚ್ಚಿ ನಂಬೂದಿರಿ ಕಾಯ್ದೆಗಳು ಜಾರಿಯಲ್ಲಿವೆ</p><p><strong>ಮುಸ್ಲಿಂ ವಿವಾಹ ಕಾಯ್ದೆ</strong></p><p>ಸ್ವಾತಂತ್ರ್ಯಾಪೂರ್ವದಲ್ಲೇ ಈ ಕಾನೂನು ಜಾರಿಯಲ್ಲಿತ್ತು. ಆನಂತರ ಈ ಕಾಯ್ದೆಗೆ ಹಲವು ಬಾರಿ ತಿದ್ದುಪಡಿ ತರಲಾಗಿದೆ. ಇದು ಮುಸ್ಲಿಂ ವೈಯಕ್ತಿಕ ಕಾನೂನಿನಲ್ಲೇ ಅತ್ಯಂತ ಮಹತ್ವದ ಕಾಯ್ದೆಯಾಗಿದೆ. ವಿವಾಹವು ಒಂದು ಗಂಡು ಮತ್ತು ಹೆಣ್ಣಿನ ನಡುವಣ ಒಪ್ಪಂದ ಎಂದು ಈ ಕಾನೂನು ಪರಿಗಣಿಸುತ್ತದೆ. ಇಬ್ಬರೂ ಒಪ್ಪಿದರೆ ಮಾತ್ರ ಆ ವಿವಾಹ ಏರ್ಪಡುತ್ತದೆ ಮತ್ತು ಇದಕ್ಕೆ ಇಬ್ಬರು ಸಾಕ್ಷಿಗಳು ಇರಲೇಬೇಕು. ವೈವಾಹಿಕ ಸಂಬಂಧದ ಜವಾಬ್ದಾರಿಗಳು, ವೈವಾಹಿಕ ಒಪ್ಪಂದದ ಹೊಣೆಗಾರಿಕೆಗಳನ್ನು ಈ ಕಾನೂನು ವಿವರಿಸುತ್ತದೆ. ವೈವಾಹಿಕ ಸಂಬಂಧದ ಒಪ್ಪಂದವನ್ನು ಯಾರೇ ಮುರಿದರೂ, ಸಂಬಂಧ ಮುಂದುವರಿಸುವುದು ಅಸಾಧ್ಯ ಎನಿಸಿದಾಗ ವಿಚ್ಛೇದನ ಪಡೆಯುವ ಹಕ್ಕನ್ನು ಗಂಡ–ಹೆಂಡತಿ ಇಬ್ಬರಿಗೂ ಈ ಕಾಯ್ದೆ ನೀಡುತ್ತದೆ. ನ್ಯಾಯಾಲಯದ ಮೊರೆ ಹೋಗದೆಯೇ, ತ್ರಿವಳಿ ತಲಾಖ್ ಅಡಿಯಲ್ಲಿ ವಿಚ್ಛೇದನ ಪಡೆಯುವ ಪದ್ಧತಿ ಜಾರಿಯಲ್ಲಿ ಇತ್ತು. ಅದನ್ನು ಈಚೆಗೆ ರದ್ದುಪಡಿಸಲಾಗಿದೆ. ಆಸ್ತಿಯ ಮತ್ತು ಉತ್ತರಾಧಿಕಾರದ ಹಕ್ಕನ್ನೂ ಮುಸ್ಲಿಂ ವೈಯಕ್ತಿಕ ಕಾನೂನಿನಲ್ಲಿ ವಿವರಿಸಲಾಗಿದೆ.</p><p>ದೇಶದಲ್ಲಿ ಹೆಚ್ಚಿನ ಧರ್ಮದವರಿಗೆ ಅವರದ್ಧೇ ಆದ ವೈಯಕ್ತಿಕ ಕಾನೂನುಗಳಿವೆ. ಕೆಲವು ಕಾನೂನುಗಳು ಕೆಲವು ಪ್ರದೇಶಕ್ಕಷ್ಟೇ ಅನ್ವಯವಾಗುತ್ತವೆ</p><p>ಇದನ್ನೂ ಓದಿ : ಆಳ–ಅಗಲ: <a href="https://www.prajavani.net/explainer/detail/debate-on-uniform-civil-code-what-is-the-status-of-personal-laws-2378934">ಏಕರೂಪ ನಾಗರಿಕ ಸಂಹಿತೆಯ ಚರ್ಚೆ– ವೈಯಕ್ತಿಕ ಕಾನೂನುಗಳ ಗತಿ ಏನು?</a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
