ಫ್ಯಾಕ್ಟ್‌ ಚೆಕ್‌ | ಕೋವಿಡ್‌ ತಡೆಯುವಲ್ಲಿ ಹೋಮಿಯೊಪಥಿ ಔಷಧ ಕೆಲಸ ಮಾಡುತ್ತದೆಯೇ?

‘ಕೊರೊನಾ ವೈರಸ್‌ ತಡೆಯುವಲ್ಲಿ ಹೋಮಿಯೊಪಥಿ ಔಷಧ  ‘ಅರ್ಸೇನಿಕಂ ಅಲ್ಬುಂ 30’ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ’ ಎಂದು ಆಯುಷ್‌ ಇಲಾಖೆ ಮಾಡಿರುವ ಟ್ವೀಟ್‌ ಬಹಳ ದಿನಗಳಿಂದ ಸಾಮಾಜಿಕ ಮಾಧ್ಯಮಗಳಲ್ಲಿ ಓಡಾಡುತ್ತಿದೆ.

‘ಈ ಸುದ್ದಿಯನ್ನು ಸಾಧ್ಯವಾದಷ್ಟು ಹಂಚಿಕೊಳ್ಳಿ’ ಎಂದು ಲಿಂಕ್‌ ಸಹಿತವಾದ ಸಂದೇಶ ವಾಟ್ಸ್‌ ಆ್ಯಪ್‌ನಲ್ಲಿ ಈಗ ಹೆಚ್ಚು ಪ್ರಸಾರವಾಗುತ್ತಿದೆ.

ಆಯುಷ್‌ ಇಲಾಖೆಯು ಜನವರಿ ತಿಂಗಳ ಅಂತ್ಯದಲ್ಲಿ ಇಂಥ ಒಂದು ಟ್ವೀಟ್‌ ಮಾಡಿತ್ತು. ಆ ಕುರಿತ ಸುದ್ದಿಯೂ ಮಾಧ್ಯಮಗಳಲ್ಲಿ ಪ್ರಸಾರವಾಗಿತ್ತು. ಆದರೆ ಈ ಔಷಧದ ಪರಿಣಾಮಗಳ ಬಗ್ಗೆ ಯಾವುದೇ ಹೋಮಿಯೋಪಥಿ ವೈದ್ಯರು ವೈಜ್ಞಾನಿಕ ಅಧ್ಯಯನ ನಡೆಸಿರುವ ದಾಖಲೆಗಳಿಲ್ಲ. ಮಾತ್ರವಲ್ಲ, ಈ ಔಷಧದಿಂದ ಸೋಂಕಿತರು ಗುಣಮುಖರಾದ ಉದಾಹರಣೆಯೂ ಇಲ್ಲ.