ಗುರುವಾರ , ಜೂಲೈ 2, 2020
23 °C

ಕಾರ್ಮಿಕರಿಗೆ ಹಸಿವಿದ್ದರೂ 65 ಲಕ್ಷ ಟನ್ ಆಹಾರ ಧಾನ್ಯಗಳನ್ನು ಸರ್ಕಾರ ನಾಶಪಡಿಸಿತೇ?

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

prajavani

‘ಒಂದೆಡೆ ಲಾಕ್‌ಡೌನ್‌ನಿಂದಾಗಿ ಕೆಲಸ ಕಳೆದುಕೊಂಡು ಲಕ್ಷಾಂತರ ಕಾರ್ಮಿಕರು ಉಪವಾಸದಿಂದ ನರಳುತ್ತಿದ್ದಾರೆ. ಇನ್ನೊಂದೆಡೆ 2020ರ ಜನವರಿ– ಮೇ ತಿಂಗಳ ಅವಧಿಯಲ್ಲಿ ಸರ್ಕಾರವು 65 ಲಕ್ಷ ಟನ್‌ ಆಹಾರ ಧಾನ್ಯಗಳನ್ನು ನಾಶಪಡಿಸಿದೆ. ಉಪವಾಸದಿಂದ ನರಳುತ್ತಿದ್ದವರಿಗೆ ಆ ಧಾನ್ಯವನ್ನು ಹಂಚಿದ್ದರೆ ಆಗುತ್ತಿರಲಿಲ್ಲವೇ’ ಎಂದು ಮಾಧ್ಯಮ ಸಂಸ್ಥೆಯೊಂದು ಪ್ರಕಟಿಸಿದ್ದ ಲೇಖನದ ಲಿಂಕ್‌ ಸಾಮಾಜಿಕ ಜಾಲತಾಣಗಳಲ್ಲಿ ಓಡಾಡಿದೆ. ಭಾರತೀಯ ಆಹಾರ ನಿಗಮದ ವಿರುದ್ಧ ಸಾರ್ವಜನಿಕರ ಆಕ್ರೋಶ ತಿರುಗಲೂ ಈ ವರದಿ ಕಾರಣವಾಗಿದೆ.

‘ಭಾರತೀಯ ಆಹಾರ ನಿಗಮವು ಇಷ್ಟೊಂದು ಪ್ರಮಾಣದ ಧಾನ್ಯವನ್ನು ಎಂದಿಗೂ ನಾಶಗೊಳಿಸಿಲ್ಲ. ವರದಿಯು ಆಧಾರರಹಿತ ಮತ್ತು ತಪ್ಪು ಮಾಹಿತಿಗಳಿಂದ ಕೂಡಿದೆ. ವರದಿಯಲ್ಲಿರುವ ಅಂಕಿ ಅಂಶವು ಭಾರತೀಯ ಆಹಾರ ನಿಗಮದಲ್ಲಿ ಇರುವ ಸಂಗ್ರಹದ ಪ್ರಮಾಣವನ್ನು ಸೂಚಿಸುತ್ತದೆ. ಅದನ್ನೇ ಆಹಾರ ನಿಗಮದಿಂದ ನಾಶಪಡಿಸಲಾದ ಧಾನ್ಯಗಳ ಪ್ರಮಾಣ ಎಂದು ವರದಿಯಲ್ಲಿ ತೋರಿಸಲಾಗಿದೆ’ ಎಂದು ಪಿಐಬಿ ಹೇಳಿದೆ. ‘ವಾಸ್ತವದ ಬಗೆಗಿನ ಅಜ್ಞಾನ ಈ ವರದಿಯಲ್ಲಿ ವ್ಯಕ್ತವಾಗುತ್ತಿದೆ’ ಎಂದು ಕೇಂದ್ರದ ಆಹಾರ ಮತ್ತು ನಾಗರಿಕ ಸರಬರಾಜು ಸಚಿವ ರಾಮ್‌ವಿಲಾಸ್‌ ಪಾಸ್ವಾನ್‌ ಸಹ ಟ್ವೀಟ್‌ ಮಾಡಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು