ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ವಿಡಿಯೊ ತಿರುಚಿದ್ದು ಎಂದು ‘ಇಂಡಿಯಾಟುಡೇ’ ವರದಿ ಮಾಡಿದೆ. ಬಾಂಗ್ಲಾದೇಶದ ಢಾಕಾ ವಲಯದ ಮದರಿಪುರ ಬಾಲಕಿಯರ ಪ್ರೌಢಶಾಲೆಯ ವಾರ್ಷಿಕೋತ್ಸವದ ವೇಳೆ ಹುಡುಗಿಯರು ನೃತ್ಯ ಮಾಡಿದ ವಿಡಿಯೊ ಇದಾಗಿದೆ. ಆದರೆ ಮೂಲ ವಿಡಿಯೊದಲ್ಲಿ ‘ಅಮರ್ ಮೊಂಟಾ ಜೆ ಆಜ್ ಎಮೊಲೆಲೊ’ ಎಂಬ ಬಂಗಾಳಿ ಗೀತೆಯನ್ನು ಬಳಸಲಾಗಿದೆ. ಮೂಲ ವಿಡಿಯೊದ ಗೀತೆಯನ್ನು ಮ್ಯೂಟ್ ಮಾಡಿ, ಬೇರೊಂದು ಗೀತೆಯನ್ನು ಸೇರಿಸಿ ತಿರುಚಲಾಗಿದೆ ಎಂದು ವೆಬ್ಸೈಟ್ ವರದಿ ಮಾಡಿದೆ.
