<figcaption>""</figcaption>.<p>ದೇಶವನ್ನು ಮೆಲ್ಲನೆ ಆವರಿಸುತ್ತಿರುವ ಕೊರೊನಾ ವೈರಸ್ ಸೋಂಕನ್ನು ಆರಂಭದಲ್ಲೇ ತಡೆಯಬೇಕು ಎಂಬ ಉದ್ದೇಶದೊಂದಿಗೆ ಇಡೀ ದೇಶವೇ 21 ದಿನಗಳ ಸ್ತಬ್ಧತೆಯ ಹಾದಿ ಹಿಡಿದಿದೆ. ಹೀಗಿರುವಾಗಲೇ ಕೊರೊನಾ ವೈರಸ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಹಲವು ಔಷಧಿಗಳು ತಯಾರಾಗಿವೆ. ಅವುಗಳಲ್ಲೊಂದು 'ಒಂದು ಕಪ್ ಟೀ’</p>.<p>ಟೀ ಕುಡಿಯುವುದರಿಂದ ಕೊರೊನಾ ವೈರಸ್ ಸೋಂಕು ವಾಸಿಯಾಗುತ್ತದೆ ಎಂಬ ಸಂದೇಶವೊಂದು ಸಾಮಾಜಿಕ ತಾಣಗಳಲ್ಲಿ ಹರಿದಾಡುತ್ತಿದೆ. ಅಷ್ಟೇ ಅಲ್ಲ, ಅದು ಜನರನ್ನು ಮನವೊಲಿಸುವ ಮಟ್ಟಕ್ಕೆ ತಲುಪಿದೆ.</p>.<p>ಚೀನಾದಲ್ಲಿ ಕೊರೊನಾ ವೈರಸ್ ಎಂಬ ಮಾರಕ ಕಾಯಿಲೆಯನ್ನು ಮೊದಲ ಬಾರಿಗೆ ಪತ್ತೆ ಹಚ್ಚಿದ್ದ ಡಾ. ಲೀ ವೆನ್ಲಿಯಾಂಗ್ ಅವರೇ ಕೊರೊನಾ ವೈರಸ್ಗೆ ಟೀ ಮದ್ದು ಎಂದು ಹೇಳಿದ್ದಾಗಿ ವೈರಲ್ ಸಂದೇಶದಲ್ಲಿ ವಿವರಿಸಲಾಗಿದೆ.</p>.<p>ಕೊರೊನಾ ವೈರಸ್ ಮೊದಲ ಬಾರಿಗೆ ಪತ್ತೆಯಾಗುತ್ತಲೇ ವೈದ್ಯ ಲೀ ತಾವೇ ಅದರ ಬಗ್ಗೆ ಸಂಶೋಧನೆ ಕೈಗೊಂಡಿದ್ದರು. ಮದ್ದನ್ನೂ ಕಂಡು ಹಿಡಿದಿದ್ದರು. ಮೀಥೈಲ್ಕ್ಸಾಂಥೈನ್, ಥಿಯೋಬ್ರೊಮಿನ್ ಮತ್ತು ಥಿಯೋಫಿಲಿನ್ ಎಂಬ ಔಷಧ ಸಂಯೋಜನೆಗಳು ಕಾಯಿಲೆಗೆ ಮದ್ದು ಎಂದು ಅವರು ಕಂಡುಕೊಂಡಿದ್ದರು. ಆಶ್ಚರ್ಯವೆಂದರೆ ಈ ಮೂರು ಸಂಯುಕ್ತಗಳು ಭಾರತೀಯರು ಹೆಚ್ಚಾಗಿ ಸೇವಿಸುವ ಟೀನಲ್ಲಿ ಇವೆ ಎಂದು ಸಂದೇಶದಲ್ಲಿ ವಿವರಿಸಲಾಗಿದೆ.</p>.<p>ಇದನ್ನು ಕಂಡುಕೊಂಡಿರುವ ಚೀನಿಯರು ವುಹಾನ್ನಲ್ಲಿ ಕೊರೊನಾ ವೈರಸ್ ರೋಗಿಗಳಿಗೆ ದಿನಕ್ಕೆ ಮೂರು ಬಾರಿ ಟೀ ವಿತರಿಸುತ್ತಿದ್ದಾರೆ. ರೋಗಿಗಳು ಗುಣಮುಖರಾಗುತ್ತಿದ್ದಾರೆ. ವುಹಾನ್ನಲ್ಲಿ ವೈರಸ್ ನಿಯಂತ್ರಣಕ್ಕೆ ಬಂದಿದೆ ಎಂದು ಸಿಎನ್ಎನ್ ವರದಿ ಮಾಡಿದೆ ಎಂದು ಸಂದೇಶದಲ್ಲಿ ಉಲ್ಲೇಖಿಸಲಾಗಿತ್ತು.</p>.<p><strong>ಹಾಗಿದ್ದರೆ ಟೀ ಮದ್ದೇ?</strong></p>.<p>ಮೊದಲಿಗೆ ಸಿಎನ್ಎನ್ ವೆಬ್ಸೈಟ್ ಇಂಥ ಸುದ್ದಿಯನ್ನು ಪ್ರಸಾರ ಮಾಡಿತ್ತೆ ಎಂಬುದಕ್ಕೆ ಇಲ್ಲಿ ಉತ್ತರಗಳಿಲ್ಲ. ಸಿಎನ್ಎನ್ ಅಂಥ ಯಾವುದೇ ಸುದ್ದಿಗಳನ್ನು ಹಂಚಿಕೊಂಡಿಲ್ಲ. ಇನ್ನು ಚೀನಾದ ವೈದ್ಯ ಲೀ ಬಗ್ಗೆ ಸಿಎನ್ಎನ್ ಯಾವುದೇ ವರದಿಗಳನ್ನು ಪ್ರಕಟಿಸಿಯೂ ಇರಲಿಲ್ಲ.</p>.<p>ಒಂದು ಕಪ್ ಬಿಸಿ ಬಿಸಿಯಾದ ಟೀ ಕುಡಿದರೆ ನೆಗಡಿ ಒಂದು ಕ್ಷಣ ಮಾಯವಾಗಬಹುದು. ಆದರೆ, ಅದು ಮಾರಕ ವೈರಸ್ಗಳಿಗೆ ಮದ್ದಲ್ಲವೇ ಅಲ್ಲ ಎಂದು ಸಂಶೋಧಕರು ವಿವರಿಸಿದ್ದಾರೆ.</p>.<p>ಇನ್ನೊಂದು ಗಮನಿಸಬೇಕಾದ ವಿಷಯವೇನೆಂದರೆ, ವೈದ್ಯ ಲೀ ಕಣ್ಣಿನ ಚಿಕಿತ್ಸಕ. ಅವರು ಕೊರೊನಾ ವೈರಸ್ ಮೇಲೆ ಅಧ್ಯಯನ ಮಾಡಿದ್ದರ ಬಗ್ಗೆ ಯಾವುದೇ ಉಲ್ಲೇಖಗಳಿಲ್ಲ.</p>.<p>ಆದರೆ ಟೀನಲ್ಲಿ ಕೊರೊನಾ ವೈರಸ್ಗೆ ಮದ್ದಾಗಬಲ್ಲ ರಾಸಾಯನಿಕಗಳಿವೆ ಎಂಬುದಾಗಿ ಚೀನಾದ ‘ಜಿಜಿಯಾಂಗ್ ಪ್ರೊವಿನಿಕಲ್ ಸೆಂಟರ್ ಫಾರ್ ಡಿಸೀಸ್’ ತನ್ನ ವೆಬ್ಸೈಟ್ನಲ್ಲಿ ಬರೆದುಕೊಂಡಿದ್ದಾಗಿಯೂ, ನಂತರ ಫೆ. 26ರಂದು ಅದನ್ನು ಡಿಲಿಟ್ ಮಾಡಿರುವುದಾಗಿಯೂ ಚೀನಾ ಡೈಲಿ ವರದಿ ಮಾಡಿದೆ.</p>.<p>ಹೀಗಾಗಿ, ಟೀ ಕೊರೊನಾ ವೈರಸ್ಗೆ ಮದ್ದಾಗಬಲ್ಲದು ಎಂಬುದಕ್ಕೆ ಯಾವುದೇ ಪುರಾವೆಗಳು ಇಲ್ಲವಾಗಿವೆ. ಅಷ್ಟರ ಮಟ್ಟಿಗೆ ಅದು ಸುಳ್ಳು ಸುದ್ದಿ ಎಂಬುದು ಸಾಬೀತಾಗಿದೆ.</p>.<p>ಸದ್ಯ ಕೊರೊನಾ ವೈರಸ್ಗೆ ಮದ್ದು ಕಂಡುಕೊಳ್ಳಲು ತಜ್ಞರು, ವಿಜ್ಙಾನಿಗಳು, ಸಂಶೋಧಕರು ಪ್ರಯೋಗ ನಿರತರಾಗಿದ್ದಾರೆ. ಈ ಮಧ್ಯೆ ಕೊರೊನಾ ವೈರಸ್ಗೆ ತಾತ್ಕಾಲಿಕವಾಗಿ ಹಲವು ಔಷಧೋಪಚಾರಗಳನ್ನು ನೀಡಲಾಗುತ್ತಿದೆ. ಅದರಿಂದ ಹಲವರು ಗುಣಮುಖರೂ ಆಗಿದ್ದಾರೆ. ಅದು ಮನುಷ್ಯನ ರೋಗ ನಿರೋಧಕ ಶಕ್ತಿಯ ಮೇಲೂ ನಿರ್ಧರಿತವಾಗಿದೆ. ಆದರೆ, ಇಂಥದ್ದೇ ಮದ್ದು ಎಂದು ಇವರೆಗೆ ಸಿಕ್ಕಿಲ್ಲ.</p>.<p>ವಿಶ್ವ ಆರೋಗ್ಯ ಸಂಸ್ಥೆಯೂ ಕೊರೊನಾ ವೈರಸ್ಗೆ ಮದ್ದು ಸಿಕ್ಕಿದೆ ಎಂದೂ ಎಲ್ಲಿಯೂ ಯಾವಾಗಲೂ ಹೇಳಿಲ್ಲ ಎಂಬುದು ಇಲ್ಲಿ ಗಮನಿಸಬೇಕಾದ ವಿಷಯ. </p>.<p>ಇದೆಲ್ಲದರ ಹಿನ್ನೆಲೆಯಲ್ಲಿ ಕೊರೊನಾ ವೈರಸ್ಗೆ ಟೀ ಮದ್ದು ಎಂಬುದು ಸಾಮಾಜಿಕ ಮಾಧ್ಯಮಗಳಲ್ಲಿ ಸೃಷ್ಟಿಯಾದ ಸುಳ್ಳು ಸುದ್ದಿ ಎನ್ನಲಡ್ಡಿ ಇಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<figcaption>""</figcaption>.<p>ದೇಶವನ್ನು ಮೆಲ್ಲನೆ ಆವರಿಸುತ್ತಿರುವ ಕೊರೊನಾ ವೈರಸ್ ಸೋಂಕನ್ನು ಆರಂಭದಲ್ಲೇ ತಡೆಯಬೇಕು ಎಂಬ ಉದ್ದೇಶದೊಂದಿಗೆ ಇಡೀ ದೇಶವೇ 21 ದಿನಗಳ ಸ್ತಬ್ಧತೆಯ ಹಾದಿ ಹಿಡಿದಿದೆ. ಹೀಗಿರುವಾಗಲೇ ಕೊರೊನಾ ವೈರಸ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಹಲವು ಔಷಧಿಗಳು ತಯಾರಾಗಿವೆ. ಅವುಗಳಲ್ಲೊಂದು 'ಒಂದು ಕಪ್ ಟೀ’</p>.<p>ಟೀ ಕುಡಿಯುವುದರಿಂದ ಕೊರೊನಾ ವೈರಸ್ ಸೋಂಕು ವಾಸಿಯಾಗುತ್ತದೆ ಎಂಬ ಸಂದೇಶವೊಂದು ಸಾಮಾಜಿಕ ತಾಣಗಳಲ್ಲಿ ಹರಿದಾಡುತ್ತಿದೆ. ಅಷ್ಟೇ ಅಲ್ಲ, ಅದು ಜನರನ್ನು ಮನವೊಲಿಸುವ ಮಟ್ಟಕ್ಕೆ ತಲುಪಿದೆ.</p>.<p>ಚೀನಾದಲ್ಲಿ ಕೊರೊನಾ ವೈರಸ್ ಎಂಬ ಮಾರಕ ಕಾಯಿಲೆಯನ್ನು ಮೊದಲ ಬಾರಿಗೆ ಪತ್ತೆ ಹಚ್ಚಿದ್ದ ಡಾ. ಲೀ ವೆನ್ಲಿಯಾಂಗ್ ಅವರೇ ಕೊರೊನಾ ವೈರಸ್ಗೆ ಟೀ ಮದ್ದು ಎಂದು ಹೇಳಿದ್ದಾಗಿ ವೈರಲ್ ಸಂದೇಶದಲ್ಲಿ ವಿವರಿಸಲಾಗಿದೆ.</p>.<p>ಕೊರೊನಾ ವೈರಸ್ ಮೊದಲ ಬಾರಿಗೆ ಪತ್ತೆಯಾಗುತ್ತಲೇ ವೈದ್ಯ ಲೀ ತಾವೇ ಅದರ ಬಗ್ಗೆ ಸಂಶೋಧನೆ ಕೈಗೊಂಡಿದ್ದರು. ಮದ್ದನ್ನೂ ಕಂಡು ಹಿಡಿದಿದ್ದರು. ಮೀಥೈಲ್ಕ್ಸಾಂಥೈನ್, ಥಿಯೋಬ್ರೊಮಿನ್ ಮತ್ತು ಥಿಯೋಫಿಲಿನ್ ಎಂಬ ಔಷಧ ಸಂಯೋಜನೆಗಳು ಕಾಯಿಲೆಗೆ ಮದ್ದು ಎಂದು ಅವರು ಕಂಡುಕೊಂಡಿದ್ದರು. ಆಶ್ಚರ್ಯವೆಂದರೆ ಈ ಮೂರು ಸಂಯುಕ್ತಗಳು ಭಾರತೀಯರು ಹೆಚ್ಚಾಗಿ ಸೇವಿಸುವ ಟೀನಲ್ಲಿ ಇವೆ ಎಂದು ಸಂದೇಶದಲ್ಲಿ ವಿವರಿಸಲಾಗಿದೆ.</p>.<p>ಇದನ್ನು ಕಂಡುಕೊಂಡಿರುವ ಚೀನಿಯರು ವುಹಾನ್ನಲ್ಲಿ ಕೊರೊನಾ ವೈರಸ್ ರೋಗಿಗಳಿಗೆ ದಿನಕ್ಕೆ ಮೂರು ಬಾರಿ ಟೀ ವಿತರಿಸುತ್ತಿದ್ದಾರೆ. ರೋಗಿಗಳು ಗುಣಮುಖರಾಗುತ್ತಿದ್ದಾರೆ. ವುಹಾನ್ನಲ್ಲಿ ವೈರಸ್ ನಿಯಂತ್ರಣಕ್ಕೆ ಬಂದಿದೆ ಎಂದು ಸಿಎನ್ಎನ್ ವರದಿ ಮಾಡಿದೆ ಎಂದು ಸಂದೇಶದಲ್ಲಿ ಉಲ್ಲೇಖಿಸಲಾಗಿತ್ತು.</p>.<p><strong>ಹಾಗಿದ್ದರೆ ಟೀ ಮದ್ದೇ?</strong></p>.<p>ಮೊದಲಿಗೆ ಸಿಎನ್ಎನ್ ವೆಬ್ಸೈಟ್ ಇಂಥ ಸುದ್ದಿಯನ್ನು ಪ್ರಸಾರ ಮಾಡಿತ್ತೆ ಎಂಬುದಕ್ಕೆ ಇಲ್ಲಿ ಉತ್ತರಗಳಿಲ್ಲ. ಸಿಎನ್ಎನ್ ಅಂಥ ಯಾವುದೇ ಸುದ್ದಿಗಳನ್ನು ಹಂಚಿಕೊಂಡಿಲ್ಲ. ಇನ್ನು ಚೀನಾದ ವೈದ್ಯ ಲೀ ಬಗ್ಗೆ ಸಿಎನ್ಎನ್ ಯಾವುದೇ ವರದಿಗಳನ್ನು ಪ್ರಕಟಿಸಿಯೂ ಇರಲಿಲ್ಲ.</p>.<p>ಒಂದು ಕಪ್ ಬಿಸಿ ಬಿಸಿಯಾದ ಟೀ ಕುಡಿದರೆ ನೆಗಡಿ ಒಂದು ಕ್ಷಣ ಮಾಯವಾಗಬಹುದು. ಆದರೆ, ಅದು ಮಾರಕ ವೈರಸ್ಗಳಿಗೆ ಮದ್ದಲ್ಲವೇ ಅಲ್ಲ ಎಂದು ಸಂಶೋಧಕರು ವಿವರಿಸಿದ್ದಾರೆ.</p>.<p>ಇನ್ನೊಂದು ಗಮನಿಸಬೇಕಾದ ವಿಷಯವೇನೆಂದರೆ, ವೈದ್ಯ ಲೀ ಕಣ್ಣಿನ ಚಿಕಿತ್ಸಕ. ಅವರು ಕೊರೊನಾ ವೈರಸ್ ಮೇಲೆ ಅಧ್ಯಯನ ಮಾಡಿದ್ದರ ಬಗ್ಗೆ ಯಾವುದೇ ಉಲ್ಲೇಖಗಳಿಲ್ಲ.</p>.<p>ಆದರೆ ಟೀನಲ್ಲಿ ಕೊರೊನಾ ವೈರಸ್ಗೆ ಮದ್ದಾಗಬಲ್ಲ ರಾಸಾಯನಿಕಗಳಿವೆ ಎಂಬುದಾಗಿ ಚೀನಾದ ‘ಜಿಜಿಯಾಂಗ್ ಪ್ರೊವಿನಿಕಲ್ ಸೆಂಟರ್ ಫಾರ್ ಡಿಸೀಸ್’ ತನ್ನ ವೆಬ್ಸೈಟ್ನಲ್ಲಿ ಬರೆದುಕೊಂಡಿದ್ದಾಗಿಯೂ, ನಂತರ ಫೆ. 26ರಂದು ಅದನ್ನು ಡಿಲಿಟ್ ಮಾಡಿರುವುದಾಗಿಯೂ ಚೀನಾ ಡೈಲಿ ವರದಿ ಮಾಡಿದೆ.</p>.<p>ಹೀಗಾಗಿ, ಟೀ ಕೊರೊನಾ ವೈರಸ್ಗೆ ಮದ್ದಾಗಬಲ್ಲದು ಎಂಬುದಕ್ಕೆ ಯಾವುದೇ ಪುರಾವೆಗಳು ಇಲ್ಲವಾಗಿವೆ. ಅಷ್ಟರ ಮಟ್ಟಿಗೆ ಅದು ಸುಳ್ಳು ಸುದ್ದಿ ಎಂಬುದು ಸಾಬೀತಾಗಿದೆ.</p>.<p>ಸದ್ಯ ಕೊರೊನಾ ವೈರಸ್ಗೆ ಮದ್ದು ಕಂಡುಕೊಳ್ಳಲು ತಜ್ಞರು, ವಿಜ್ಙಾನಿಗಳು, ಸಂಶೋಧಕರು ಪ್ರಯೋಗ ನಿರತರಾಗಿದ್ದಾರೆ. ಈ ಮಧ್ಯೆ ಕೊರೊನಾ ವೈರಸ್ಗೆ ತಾತ್ಕಾಲಿಕವಾಗಿ ಹಲವು ಔಷಧೋಪಚಾರಗಳನ್ನು ನೀಡಲಾಗುತ್ತಿದೆ. ಅದರಿಂದ ಹಲವರು ಗುಣಮುಖರೂ ಆಗಿದ್ದಾರೆ. ಅದು ಮನುಷ್ಯನ ರೋಗ ನಿರೋಧಕ ಶಕ್ತಿಯ ಮೇಲೂ ನಿರ್ಧರಿತವಾಗಿದೆ. ಆದರೆ, ಇಂಥದ್ದೇ ಮದ್ದು ಎಂದು ಇವರೆಗೆ ಸಿಕ್ಕಿಲ್ಲ.</p>.<p>ವಿಶ್ವ ಆರೋಗ್ಯ ಸಂಸ್ಥೆಯೂ ಕೊರೊನಾ ವೈರಸ್ಗೆ ಮದ್ದು ಸಿಕ್ಕಿದೆ ಎಂದೂ ಎಲ್ಲಿಯೂ ಯಾವಾಗಲೂ ಹೇಳಿಲ್ಲ ಎಂಬುದು ಇಲ್ಲಿ ಗಮನಿಸಬೇಕಾದ ವಿಷಯ. </p>.<p>ಇದೆಲ್ಲದರ ಹಿನ್ನೆಲೆಯಲ್ಲಿ ಕೊರೊನಾ ವೈರಸ್ಗೆ ಟೀ ಮದ್ದು ಎಂಬುದು ಸಾಮಾಜಿಕ ಮಾಧ್ಯಮಗಳಲ್ಲಿ ಸೃಷ್ಟಿಯಾದ ಸುಳ್ಳು ಸುದ್ದಿ ಎನ್ನಲಡ್ಡಿ ಇಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>