ಕೀಲು, ಮೂಳೆ ಸದೃಢವಾಗಿರಲು ಈ ವ್ಯಾಯಾಮ ಮಾಡಿ

ಆಧುನಿಕ ಜೀವನಶೈಲಿಯ ಒತ್ತಡದಿಂದಾಗಿ ಯುವಕರಲ್ಲಿ ಕೂಡಾ ಕೀಲುಗಳ ಬಿಗಿತ ಹಾಗೂ ಮೂಳೆಗಳಲ್ಲಿ ಶಕ್ತಿ ಹೀನತೆ ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯವಾಗಿದೆ. ಈ ಸಮಸ್ಯೆಗೆ ಮನೆಯಲ್ಲಿಯೇ ಪರಿಹಾರವಿದೆ ಎಂದು ಫಿಜಿಯೋಥೆರಪಿಸ್ಟ್ ವೈದ್ಯರಾದ ಡಾ. ಆರ್. ಶ್ರೀಜಿತ್ ಅವರು ತಿಳಿಸಿದ್ದಾರೆ.

ಕೀಲು ಮತ್ತು ಮೂಳೆಗಳ ಆರೋಗ್ಯವು ಪ್ರಮುಖವಾಗಿ 4 ಅಂಶಗಳನ್ನು ಒಳಗೊಂಡಿದೆ. ಅವುಗಳೆಂದರೆ, ಹೊಂದಿಕೊಳ್ಳುವಿಕೆ, ಸ್ಥಿರತೆ, ಶಕ್ತಿ ಮತ್ತು ಸಹಿಷ್ಣುತೆ. ಇವುಗಳನ್ನು ಗಮನದಲ್ಲಿಟ್ಟುಕೊಂಡು ಈ ಕೆಳಗಿನ ವ್ಯಾಯಾಮಗಳನ್ನು ಮಾಡಬೇಕು ಎಂದು ವೈದ್ಯರು ಸಲಹೆ ನೀಡುತ್ತಾರೆ.

ನಿಧಾನಗತಿಯ ನಡಿಗೆ ಮಾಡುವುದರಿಂದ ಕೀಲು ಮತ್ತು ಸ್ನಾಯುಗಳಿಗೆ ರಕ್ತದ ಹರಿವು ಸುಗಮವಾಗುತ್ತದೆ. ಇದರ ಜೊತೆಗೆ ಗಾಯದ ಅಪಾಯ ಕಡಿಮೆಯಾಗುತ್ತದೆ. ಪ್ರತಿ ದಿನ 5 ರಿಂದ 10 ನಿಮಿಷ ಸೌಮ್ಯವಾಗಿ ನಡೆಯುವುದು ಸೂಕ್ತ.

ಇದರ ಜೊತೆ ಜೊತೆಗೆ ಭುಜಗಳ ವ್ಯಾಯಾಮ, ಕುತ್ತಿಗೆ ತಿರುಗಿಸುವುದು, ಹಿಮ್ಮಡಿ (ಕಣಕಾಲು) ವ್ಯಾಯಾಮ ಮತ್ತು ನಿಂತ ಸ್ಥಳದಲ್ಲೇ ಕಾಲುಗಳ ಕಸರತ್ತು ಮಾಡುವುದರಿಂದ ಕೀಲುಗಳೊಳಗಿನ ನೈಸರ್ಗಿಕ ‘ಲೂಬ್ರಿಕೆಂಟ್’ ಆಗಿರುವ ‘ಸೈನೋವಿಯಲ್’ ದ್ರವವನ್ನು ಸಕ್ರಿಯಗೊಳಿಸಬಹುದು.

ಮೂಳೆಯ ಸಾಂದ್ರತೆ ಕಾಪಾಡಿಕೊಳ್ಳಲು ತೂಕ ಎತ್ತುವ ವ್ಯಾಯಾಮಗಳು ಅತ್ಯಗತ್ಯ. ಚುರುಕಾದ ನಡಿಗೆ, ಮೆಟ್ಟಿಲು ಹತ್ತುವುದು, ಲಘು ನಡಿಗೆ ಅಥವಾ ನೃತ್ಯದಂತಹ ಚಟುವಟಿಕೆಗಳು ಮೂಳೆಗಳ ಆರೋಗ್ಯಕ್ಕೆ ಸಹಕಾರಿಯಾಗಿವೆ.

ನಡಿಗೆಯನ್ನು 20 ನಿಮಿಷಗಳಿಂದ ಪ್ರಾರಂಭಿಸಿ, ಕ್ರಮೇಣ 30 ನಿಮಿಷಗಳವರೆಗೆ ಹೆಚ್ಚಿಸಿ. ಇದು ಸೊಂಟ, ಕಾಲುಗಳು ಮತ್ತು ಬೆನ್ನುಮೂಳೆಯನ್ನು ಬಲಪಡಿಸುತ್ತದೆ.

ಯೋಗ ಅಥವಾ ಜಿಮ್ನಲ್ಲಿ ಮಾಡುವ ವ್ಯಾಯಾಮದ ಅಭ್ಯಾಸವು ಕೀಲುಗಳ ಜೋಡಣೆ ಮತ್ತು ಸ್ನಾಯು ಸಮತೋಲನವನ್ನು ಸುಧಾರಿಸಲು ಅತ್ಯುತ್ತಮವಾಗಿವೆ.

ಒಂಟಿ ಕಾಲಿನ ಮೇಲೆ ನಿಲ್ಲುವುದು, ಹಿಮ್ಮಡಿಗೆ ಭಾರ ಹಾಕಿ ನಡೆಯುವುದು ಅಥವಾ ಬ್ಯಾಲೆನ್ಸ್ ಬೋರ್ಡ್ ಮೇಲೆ ಕಸರತ್ತು ಮಾಡುವುದರಿಂದ ದೇಹದ ಸ್ಥಾನ ಮತ್ತು ಚಲನೆ(ಪ್ರೊಪ್ರಿಯೋಸೆಪ್ಷನ್)ಯನ್ನು ಸುಧಾರಿಸುತ್ತದೆ.

ನಿಧಾನವಾಗಿ ವ್ಯಾಯಾಮ ಪ್ರಾರಂಭಿಸಿ, ಕ್ರಮೇಣ ಪ್ರಗತಿ ಸಾಧಿಸಿ ಎಂಬ ತತ್ವವನ್ನು ಅನುಸರಿಸಿ ಎಂದು ವೈದ್ಯರು ಹೇಳುತ್ತಾರೆ.

ಕ್ಯಾಲ್ಸಿಯಂ ಸಮೃದ್ಧ ಆಹಾರ, ವಿಟಮಿನ್ ಡಿ ಹಾಗೂ ಸಾಕಷ್ಟು ನೀರು ಕುಡಿಯಿರಿ.

ಲೇಖಕರು: ಶ್ರೀ ಜಿತ್ ಆರ್, ಸಮಾಲೋಚಕರು, ಫಿಜಿಯೋಥೆರಪಿಸ್ಟ್, ಫೋರ್ಟಿಸ್ ಆಸ್ಪತ್ರೆ, ಬೆಂಗಳೂರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೀಲು, ಮೂಳೆ ಸದೃಢವಾಗಿರಲು ಈ ವ್ಯಾಯಾಮ ಮಾಡಿ

ಚಿನಕುರುಳಿ: ಗುರುವಾರ, 06 ನವೆಂಬರ್, 2025

ಚುರುಮುರಿ | ಕ್ರಿಕೆಟರ್ ಸಿಎಂ!

‘ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್’ ಶೋ ತೀರ್ಪುಗಾರರಾಗಿ ನಟಿ ರಚಿತಾ ರಾಮ್‌

Gold Silver Rate: ಚಿನ್ನದ ದರ ₹600, ಬೆಳ್ಳಿ ₹1,800 ಏರಿಕೆ

ಸ್ಫೋಟಕ ಶತಕ ಸಿಡಿಸಿದ ಡಿ ಕಾಕ್: ಪಾಕ್ ವಿರುದ್ಧ ದಾಖಲೆಯ ಜಯ ದಾಖಲಿಸಿದ ದ.ಆಫ್ರಿಕಾ

WPL 2026: ವಿಶ್ವಕಪ್ ವಿಜೇತ ಭಾರತ ತಂಡದಲ್ಲಿದ್ದ ಪ್ರಮುಖರನ್ನೇ ಹೊರಗಿಟ್ಟ ತಂಡಗಳು

ಆಫ್ರಿಕಾ ಎ ವಿರುದ್ಧ 255 ರನ್ ಕಲೆಹಾಕಿದ ಭಾರತ ಎ: ಧ್ರುವ ಜುರೇಲ್ ದಿಟ್ಟ ಶತಕ

ವಿಶ್ವಕಪ್ ಚೆಸ್‌: 3ನೇ ಸುತ್ತಿಗೆ ಪ್ರಜ್ಞಾನಂದ, ವಿದಿತ್‌

ಒಳನೋಟ | ತೋಟಕ್ಕೆ ಕಾಡುಪ್ರಾಣಿಗಳ ದಾಳಿ: ಕೃಷಿಕರಿಗೆ ಕೋತಿ, ನವಿಲು, ಹಂದಿಗಳ ಒಳೇಟು

ಒಳನೋಟ: ಪೌಷ್ಠಿಕ ಯೋಜನೆಯಡಿ ಬುಡಕಟ್ಟು ಜನರಿಗೆ ‘ಕಳಪೆ’ ಆಹಾರ ಪೂರೈಕೆ

ಆಧುನಿಕತೆ ಮಧ್ಯೆ ನಲುಗಿದ ಕುಲಕಸುಬು: ಕತ್ತಲಲ್ಲಿ ಕುಂಬಾರರ ಬದುಕು

Firecracker Scam | ಹೆಸರಿಗೆ ಹಸಿರು: ಒಳಗೆ ‘ವಿಷ’

ಚಿನಕುರುಳಿ: ಗುರುವಾರ, 06 ನವೆಂಬರ್, 2025

ಚುರುಮುರಿ | ಕ್ರಿಕೆಟರ್ ಸಿಎಂ!

‘ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್’ ಶೋ ತೀರ್ಪುಗಾರರಾಗಿ ನಟಿ ರಚಿತಾ ರಾಮ್‌

Gold Silver Rate: ಚಿನ್ನದ ದರ ₹600, ಬೆಳ್ಳಿ ₹1,800 ಏರಿಕೆ