ನ್ಯೂ ನಾರ್ಮಲ್‌ನಲ್ಲಿ ಕಚೇರಿಯತ್ತ ಸುರಕ್ಷತೆಯತ್ತ ಇರಲಿ ಚಿತ್ತ

ಕೋವಿಡ್ – 19ನಿಂದಾಗಿ ಕಳೆದ ಕೆಲವು ತಿಂಗಳುಗಳಿಂದ ಹಲವು ಕಂಪನಿಗಳು ತಮ್ಮ ಉದ್ಯೋಗಿಗಳಿಗೆ ಮನೆಯಿಂದಲೇ ಕೆಲಸ ಮಾಡುವುದಕ್ಕೆ ಅವಕಾಶ ನೀಡಿದ್ದವು. ಈಗ ಎಲ್ಲವೂ ಸಹಜಸ್ಥಿತಿಗೆ ಮರಳುತ್ತಿವೆ. ಮೆಟ್ರೊ, ಬಸ್ಗಳು ತಿರುಗಾಡಲು ಆರಂಭಿಸಿವೆ. ಕಚೇರಿಗಳು ಆರಂಭವಾಗುತ್ತಿವೆ. ಆದರೆ ಕೊರೊನಾ ಸೋಂಕು ಇನ್ನೂ ಇರುವ ಕಾರಣಕ್ಕೆ ಕಚೇರಿಗಳಲ್ಲಿ ‘ನ್ಯೂ ನಾರ್ಮಲ್’ ಅಥವಾ ನೂತನ ಸಾಮಾನ್ಯ ಬದುಕಿಗೆ ಹೊಂದಿಕೊಳ್ಳುವುದು ಅನಿವಾರ್ಯವಾಗಿದೆ. ಆ ನಿಟ್ಟಿನಲ್ಲಿ ಕಚೇರಿಗಳು ಎಲ್ಲಾ ರೀತಿ ಕ್ರಮಗಳನ್ನು ವ್ಯವಸ್ಥಿತವಾಗಿ ಮಾಡಿಕೊಳ್ಳುತ್ತಿವೆ.

. ಮಾಸ್ಕ್ ಅಥವಾ ಮುಖಗವಸು ಧರಿಸುವುದು, ಸ್ಯಾನಿಟೈಸರ್ ಬಳಕೆ, ಕೈ ತೊಳೆಯುವುದು ಇವೆಲ್ಲ ಎಂದಿನಂತೆ ಮುಂದುವರಿಯಲಿದ್ದು ಮರೆಯುವ ಹಾಗಿಲ್ಲ. ಜೊತೆಗೆ ಇನ್ನಷ್ಟು ಜಾಗರೂಕರಾಗಿರಬೇಕಾಗುತ್ತದೆ. ಏಕೆಂದರೆ ಕಚೇರಿಯಲ್ಲಿ ಕೆಲವೊಂದು ಸ್ಥಳ ಹಾಗೂ ವಸ್ತುಗಳನ್ನು ಸ್ಪರ್ಶಿಸಬೇಕಾಗುತ್ತದೆ. ಈ ನಿಟ್ಟಿನಲ್ಲಿ ಹೆಚ್ಚುವರಿ ಸುರಕ್ಷತಾ ಕ್ರಮಗಳನ್ನು ಕಡ್ಡಾಯವಾಗಿ ಅನುಸರಿಸುವುದು ಅಗತ್ಯ.

. ಪಾರ್ಕಿಂಗ್ನಲ್ಲೂ ಇರಲಿ ಎಚ್ಚರ

. ನಿಮ್ಮ ಸ್ವಂತ ವಾಹನದಲ್ಲಿ ಕಚೇರಿಗೆ ತೆರಳುವುದಾದರೂ ಎಚ್ಚರಿಕೆ ಇರಲೇಬೇಕು. ವಾಹನ ಚಲಾಯಿಸುವಾಗ ಕೈಗವಸು ಧರಿಸುವುದು ಉತ್ತಮ. ಕಾರಿನ ಬಾಗಿಲು ಮುಚ್ಚಿದ ಮೇಲೆ ಸ್ಯಾನಿಟೈಸರ್ ಬಳಕೆ ಮಾಡಿ. ಸ್ನೇಹಿತರು ಹಾಗೂ ಸಹೋದ್ಯೋಗಿಗಳನ್ನು ಕಾರಿನಲ್ಲಿ ಕೂರಿಸಿಕೊಂಡಿದ್ದರೆ ಕಾರನ್ನೂ ಸಾನಿಟೈಸ್ ಮಾಡಿ.

. ಲಿಫ್ಟ್ ಬಳಸುವ ಮುನ್ನ..

. ಬಹುಮಹಡಿ ಕಟ್ಟಡದಲ್ಲಿರುವ ಕಚೇರಿಗಳಲ್ಲಿ ಲಿಫ್ಟ್ ಬಳಕೆ ಸಾಮಾನ್ಯ. ಆದರೆ ಲಿಫ್ಟ್ನಲ್ಲಿ ಹೆಚ್ಚು ಜಾಗರೂಕರಾಗಿರಬೇಕು. ಮೊದಲೆಲ್ಲಾ ಲಿಫ್ಟ್ನಲ್ಲಿ 4– 10 ವ್ಯಕ್ತಿಗಳವರೆಗೂ ಒಟ್ಟಾಗಿ ಹೋಗುವುದು ಅಭ್ಯಾಸ. ಆದರೆ ಈಗ ಈ ಅಭ್ಯಾಸಕ್ಕೆ ಕಡಿವಾಣಕ್ಕೆ ಹಾಕಿ. ಲಿಫ್ಟ್ 6 ಮಂದಿ ಸಾಮರ್ಥ್ಯದ್ದಾದರೆ ಒಮ್ಮೆ 2–3 ಮಂದಿ ಪಯಣಿಸುವುದು ಉತ್ತಮ. ಲಿಫ್ಟ್ ಗುಂಡಿ ಒತ್ತುವಾಗಲೂ ಟಿಶ್ಯೂ ಪೇಪರ್ ಬಳಸಿ. ಒಮ್ಮೆ ಬಳಸಿದ ಟಿಶ್ಯೂವನ್ನು ಮತ್ತೆ ಬಳಸಬೇಡಿ. ಟಿಶ್ಯೂ ಇಲ್ಲದಿದ್ದರೆ ಗುಂಡಿ ಒತ್ತಿದ ಬಳಿಕ ಹಾಗೂ ಲಿಫ್ಟ್ನಿಂದ ಕೆಳಗಿಳಿದ ಮೇಲೆ ಸ್ಯಾನಿಟೈಸರ್ ಅಥವಾ ತಕ್ಷಣಕ್ಕೆ ಸೋಪ್ ಬಳಸಿ ಕೈ ತೊಳೆದುಕೊಳ್ಳಿ. ಲಿಫ್ಟ್ಗಿಂತ ಮೆಟ್ಟಿಲು ಬಳಸುವುದು ಸೂಕ್ತ. ಆದರೆ ಮೆಟ್ಟಿಲಿನ ಬದಿಯ ರಾಡ್ ಅಥವಾ ರೇಲಿಂಗ್ ಅನ್ನು ಸ್ಪರ್ಶಿಸದಂತೆ ಎಚ್ಚರಿಕೆ ವಹಿಸಿ.

. ಬಾಗಿಲು ಹಿಡಿಕೆ

. ಕಚೇರಿ ಅಥವಾ ರೆಸ್ಟ್ ರೂಮ್ನ ಬಾಗಿಲನ್ನು ಆದಷ್ಟು ಮುಟ್ಟದೇ ಇರುವುದು ಒಳ್ಳೆಯದು. ಕಚೇರಿಯ ಬಾಗಿಲನ್ನು ತೆಗೆದೇ ಇಡಬಹುದು. ಒಂದು ವೇಳೆ ತೆಗೆದಿಲ್ಲದಿದ್ದರೆ ಟಿಶ್ಯೂ ಬಳಸಿಯೇ ಬಾಗಿಲ ಹಿಡಿಕೆಯನ್ನು ಮುಟ್ಟಿ ಅಥವಾ ಮುಟ್ಟಿದ ಮೇಲೆ ಸ್ಯಾನಿಟೈಸರ್ ಹಚ್ಚಿಕೊಳ್ಳಿ.

. ಕಂಪ್ಯೂಟರ್ ಹಾಗೂ ಕೀ ಬೋರ್ಡ್

. ಸಿಬ್ಬಂದಿ ಶಿಫ್ಟ್ಗಳಲ್ಲಿ ಕೆಲಸ ಮಾಡುವಾಗ ಒಬ್ಬರ ಕಂಪ್ಯೂಟರ್ ಇನ್ನೊಬ್ಬರು ಬಳಸುವುದು ಸಾಮಾನ್ಯ. ಆದರೆ ಕೊರೊನಾ ಸಮಯದಲ್ಲಿ ಒಬ್ಬರು ಬಳಸಿದ ಕಂಪ್ಯೂಟರ್, ಕೀ ಬೋರ್ಡ್ ಹಾಗೂ ಮೌಸ್ ಅನ್ನು ಇನ್ನೊಬ್ಬರು ನೇರವಾಗಿ ಬಳಸುವುದು ಸರಿಯಲ್ಲ. ಬಳಕೆಗೆ ಮುನ್ನ ಎಲ್ಲವನ್ನೂ ಟಿಶ್ಯೂವಿನ ಸಹಾಯದಿಂದ ನೀಟಾಗಿ ಒರೆಸಿಕೊಳ್ಳಿ. ಸೋಂಕು ನಿವಾರಕದಿಂದ ಸ್ವಚ್ಛಗೊಳಿಸಿ. ಕೈಗಳಿಗೆ ಸ್ಯಾನಿಟೈಸರ್ ಹಚ್ಚಿಕೊಂಡು ಕೆಲಸ ಆರಂಭಿಸಿ.

. ತಬ್ಬಿಕೊಳ್ಳುವುದುಕೈ ಕುಲುಕುವುದು ಬೇಡ

. ಬಹಳ ದಿನಗಳ ನಂತರ ಸಹೋದ್ಯೋಗಿಗಳನ್ನು ಕಂಡ ಖುಷಿಯಲ್ಲಿ ತಬ್ಬಿಕೊಳ್ಳುವುದು, ಕೈ ಕುಲುಕುವುದು ಮಾಡುವುದು ಬೇಡ. ಇದರಿಂದ ನಿಮ್ಮೊಂದಿಗೆ ಸಹೋದ್ಯೋಗಿಗಳ ಆರೋಗ್ಯಕ್ಕೂ ಕುತ್ತು ಬರಬಹುದು. ಸನ್ನೆ ಹಾಗೂ ಶಬ್ದಗಳ ಮೂಲಕವೇ ಸಹೋದ್ಯೋಗಿಗಳನ್ನು ಸ್ವಾಗತಿಸಿ.

. ದೈಹಿಕ ಅಂತರವಿರಲಿ

. ಅನೇಕ ದಿನಗಳ ನಂತರ ಎಲ್ಲರನ್ನೂ ಒಂದೇ ಸೂರಿನಡಿ ಕಂಡು ಆನಂದವಾಗುವುದು ಸಹಜ. ಆದರೆ ಹತ್ತಿರ ಕುಳಿತುಕೊಳ್ಳುವುದು, ಗುಂಪಾಗಿ ಚರ್ಚಿಸುವುದು ಮಾಡಬೇಡಿ. ಕೊರೊನಾದ ಅಪಾಯ ಇರುವುದರಿಂದ ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವುದು ಅವಶ್ಯ. ಕೆಲಸದ ಸಮಯದಲ್ಲೂ ದೂರ ದೂರ ಕುಳಿತು ಕೆಲಸ ಮಾಡುವುದು ಉತ್ತಮ.

. ಅಗತ್ಯ ವಸ್ತುಗಳನ್ನುತೆಗೆದುಕೊಂಡು ಹೋಗಿ

. ಮೊದಲೆಲ್ಲಾ ಕಚೇರಿಗೆ ಹೋಗುವಾಗ ಮೊಬೈಲ್ ಹಾಗೂ ಪರ್ಸ್ ನಿಮ್ಮ ಅಗತ್ಯ ವಸ್ತುಗಳಾಗಿದ್ದವು. ಆದರೆ ಈ ದಿನಗಳಲ್ಲಿ ಚಿಕ್ಕ ಗಾತ್ರದ ಸ್ಯಾನಿಟೈಸರ್, ನಿಮ್ಮದೇ ಕಾಫಿ ಮಗ್, ಚಮಚ, ಲೋಟ, ನೀರಿನ ಬಾಟಲ್, ಹೋಟೆಲ್ ಅಥವಾ ಕ್ಯಾಂಟೀನ್ಗೆ ಹೋಗುವುದನ್ನು ತಪ್ಪಿಸಲು ಊಟದ ಡಬ್ಬಿ ಒಯ್ಯುವುದು ಉತ್ತಮ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನ್ಯೂ ನಾರ್ಮಲ್‌ನಲ್ಲಿ ಕಚೇರಿಯತ್ತ ಸುರಕ್ಷತೆಯತ್ತ ಇರಲಿ ಚಿತ್ತ

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಫಿಡೆ ಮಹಿಳಾ ವಿಶ್ವಕಪ್‌ ಚೆಸ್‌: ಪ್ರಿಕ್ವಾರ್ಟರ್‌ಗೆ ದಿವ್ಯಾ, ಹಂಪಿ, ವೈಶಾಲಿ

Lords Test: ಹೋರಾಡಿ ಸೋತ ಗಿಲ್‌ ಬಳಗ; ಫಲ ನೀಡದ ಬಾಲಗೋಂಚಿಗಳ ಹೋರಾಟ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ