ಮತದಾರರ ಪಟ್ಟಿಗೆ ‘ಆಧಾರ್‌’ ಜೋಡಣೆ, ನಾಳೆ ಮಸೂದೆ ಮಂಡನೆ

ಮತದಾರರ ಪಟ್ಟಿಯಲ್ಲಿ ಈಗಾಗಲೇ ನೋಂದಣಿಯಾಗಿರುವ ಜನರ ಹೆಸರಿನ ದೃಢೀಕರಣಕ್ಕಾಗಿ ಮತ್ತು ಹೆಚ್ಚಿನ ಮತ ಕ್ಷೇತ್ರಗಳಲ್ಲಿ ನೋಂದಣಿಯಾಗಿರುವ ಮತದಾರರನ್ನು ಗುರುತಿಸಲೂ ಚುನಾವಣಾ ನೋಂದಣಿ ಅಧಿಕಾರಿಗಳು ಆಧಾರ್ ಸಂಖ್ಯೆ ಪಡೆಯಲಾಗುತ್ತದೆ.

ಆಧಾರ್‌ ಸಂಖ್ಯೆಯನ್ನು ಒದಗಿಸಲಾಗದವರ ಹೆಸರನ್ನು ಮತದಾರರ ಪಟ್ಟಿಯಿಂದ ಕೈಬಿಡುವುದಿಲ್ಲ. ಅನಿವಾರ್ಯ ಕಾರಣಗಳಿಂದ ಆಧಾರ್‌ ಒದಗಿಸಲಾಗದವರು ಇತರ ದಾಖಲೆಗಳನ್ನು ನೀಡಬಹುದು ಎಂದು ಮಸೂದೆಯು ಸ್ಪಷ್ಟಪಡಿಸಿದೆ.

ಈ ಮಸೂದೆಯನ್ನು ಮಂಡಿಸುವುದಕ್ಕೆ ಮೊದಲಾಗಿ ಜನಪ್ರತಿನಿಧಿ ಕಾಯ್ದೆಯ ವಿವಿಧ ಸೆಕ್ಷನ್‌ಗಳಿಗೆ ತಿದ್ದುಪಡಿ ತರಲಾಗುವುದು. ಇದುವರೆಗೆ ಜನವರಿ 1 ದಿನಾಂಕವನ್ನು ಮಾತ್ರ ಪರಿಗಣಿಸಿ ಆ ವರ್ಷದ ಮತದಾರರ ಪಟ್ಟಿಯನ್ನು ಪರಿಷ್ಕರಿಸಲಾಗುತ್ತಿತ್ತು. ಅದನ್ನು ವರ್ಷದ ಇತರ ಮೂರು ದಿನಾಂಕಗಳಿಗೆ (ಏಪ್ರಿಲ್‌ 1, ಜುಲೈ 1, ಅಕ್ಟೋಬರ್‌ 1) ವಿಸ್ತರಿಸಲಾಗಿದೆ. ಅರ್ಜಿಯಲ್ಲಿ ‘ಪತ್ನಿ‘ ಎಂಬ ಪದದ ಬದಲಿಗೆ ‘ಸಂಗಾತಿ’ ಎಂಬ ಪದ ಸೇರಿಸಲು ಸಹ ನಿರ್ಧರಿಸಲಾಗಿದೆ.