ಗುರುವಾರ , ಆಗಸ್ಟ್ 5, 2021
28 °C

ಜುಲೈ 4ರಿಂದಲೇ ಶುರುವಾಗಿದೆ ಕೋವಿಡ್ 3ನೇ ಅಲೆ: ಹಿರಿಯ ವಿಜ್ಞಾನಿ ಹೇಳಿಕೆ

ಪಿಟಿಐ Updated:

ಅಕ್ಷರ ಗಾತ್ರ : | |

ಹೈದರಾಬಾದ್‌: ಕೋವಿಡ್‌–19ರ ಮೂರನೇ ಅಲೆಯು ಜುಲೈ 4ರಂದೇ ಆರಂಭವಾಗಿರಬಹುದು ಎಂದು ಹೈದರಾಬಾದ್‌ನ ಹಿರಿಯ ವಿಜ್ಞಾನಿ ಡಾ.ವಿಪಿನ್‌ ಶ್ರೀವಾತ್ಸವ ಹೇಳಿದ್ದಾರೆ.

ಕಳೆದ 463 ದಿನಗಳಲ್ಲಿ ವರದಿಯಾದ ಕೋವಿಡ್‌ ಪ್ರಕರಣಗಳು ಹಾಗೂ ಸಾವಿನ ಸಂಖ್ಯೆಯನ್ನು ವಿಶ್ಲೇಷಿಸಿರುವ ಅವರು, ಈ ವರ್ಷದ ಫೆಬ್ರುವರಿ ಮೊದಲ ವಾರದ ಕೊನೆಯಲ್ಲಿ ಅಂದರೆ ಎರಡನೇ ಅಲೆ ಆರಂಭದ ಸ್ಥಿತಿಯೇ ಜುಲೈ 4ರ ಸಂದರ್ಭದಲ್ಲೂ ಗೋಚರಿಸಿದ್ದನ್ನು ಪ್ರಸ್ತಾಪಿಸಿದ್ದಾರೆ.

ಆ ಸಂದರ್ಭದಲ್ಲಿ ಕೋವಿಡ್‌ ಸಂಕಟ ಮುಗಿದು ಹೋಯಿತು ಎಂದೇ ಭಾವಿಸಲಾಗಿತ್ತು. ಆದರೆ, ಅದು ಎರಡನೇ ಅಲೆಯ ಆರಂಭವಾಗಿತ್ತು ಎಂದಿರುವ ಅವರು, ಇದೀಗ ಅಂಥದೇ ವರ್ತನೆ ಕಾಣಿಸಿಕೊಂಡ ಜುಲೈ 4ರಂದು ಮೂರನೇ ಅಲೆ ಆರಂಭವಾಗಿರುವ ಸೂಚನೆಯನ್ನು ನೀಡಿದ್ದಾರೆ.

ಸಾರ್ವಜನಿಕರು ಹಾಗೂ ಸರ್ಕಾರ ಈ ಬಗ್ಗೆ ತೀವ್ರ ಎಚ್ಚರಿಕೆ ವಹಿಸಬೇಕಿದ್ದು, ಹೊಸ ಅಲೆಯನ್ನು ಹೆಚ್ಚು ಜಾಗ್ರತೆಯಿಂದ ಎದುರಿಸಬೇಕಿದೆ ಎಂದು ಸಲಹೆ ನೀಡಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು