ನವದೆಹಲಿ: ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ಕಳೆದ24 ಗಂಟೆಗಳಲ್ಲಿ ಕೋವಿಡ್-19ಸೋಂಕು ದೃಢಪಟ್ಟ ಕೇವಲ19 ಪ್ರಕರಣಗಳು ವರದಿಯಾಗಿವೆ. ಇದು ದೆಹಲಿಯಲ್ಲಿ ಈ ವರ್ಷ ಒಂದು ದಿನದ ಅವಧಿಯಲ್ಲಿ ದಾಖಲಾದ ಅತ್ಯಂತ ಕಡಿಮೆ ಪ್ರಕರಣಗಳಾಗಿವೆ.
ದೆಹಲಿ ಸರ್ಕಾರದಪ್ರಕಟಣೆ ಪ್ರಕಾರ,ಇಂದು ಒಟ್ಟು59,740 ಕೋವಿಡ್ ಪರೀಕ್ಷೆ ನಡೆಸಲಾಗಿದೆ. ಈ ಪೈಕಿ ಕೇವಲ19 ಪ್ರಕರಣಗಳು ಬೆಳಕಿಗೆ ಬಂದಿರುವುದರಿಂದ, ಸೋಂಕು ಖಚಿತ ಪ್ರಮಾಣ ಕೇವಲ ಶೇ.0.03ಕ್ಕೆ ಕುಸಿದಿದೆ.
ಅಷ್ಟಲ್ಲದೆ ಇಂದು ಕೋವಿಡ್ನಿಂದಾಗಿ ಒಂದೇಒಂದು ಸಾವು ಸಂಭವಿಸಿಲ್ಲ.ಶುಕ್ರವಾರವೂ ಯಾವೊಬ್ಬ ಸೋಂಕಿತನೂ ಮೃತಪಟ್ಟಿರಲಿಲ್ಲ ಎಂಬುದು ವಿಶೇಷ.
ಸದ್ಯ ಈವರೆಗೆ ಒಟ್ಟು14,37,293ಸೋಂಕು ಪ್ರಕರಣಗಳು ವರದಿಯಾಗಿದ್ದು,14,11,784 ಮಂದಿ ಗುಣಮುಖರಾಗಿದ್ದಾರೆ. 25,079 ಸೋಂಕಿತರು ಮೃತಪಟ್ಟಿದ್ದಾರೆ. ಉಳಿದಂತೆ ಇನ್ನು 430 ಸಕ್ರಿಯ ಪ್ರಕರಣಗಳಿವೆ. ಇದುವರೆಗೆ ಒಟ್ಟು1,22,22,285 ಜನರಿಗೆ ಲಸಿಕೆ ನೀಡಲಾಗಿದೆ.
COVID-19: With only 19 cases, Delhi records lowest single day spike this year