<p><strong>ಮುಂಬೈ:</strong> ಕಡಲಿನಲ್ಲಿ ಸಂಕಷ್ಟಕ್ಕೆ ಸಿಲುಕಿದವರಿಗೆ ವೈದ್ಯಕೀಯ ನೆರವು ನೀಡಿ, ರಕ್ಷಣಾ ಕಾರ್ಯಕ್ಕೆ ಸಾಥ್ ನೀಡುವ ‘ವೈದ್ಯಕೀಯ ತೀವ್ರ ನಿಗಾ ಘಟಕ’ (ಎಂಐಸಿಯು) ಹೊಂದಿದ ಹೆಲಿಕಾಪ್ಟರ್ವೊಂದನ್ನು ನೌಕಾಪಡೆಯ ಹಡಗು ಐಎನ್ಎಸ್ ಹಂಸದಲ್ಲಿ ಸೇವೆಗೆ ಅಣಿಗೊಳಿಸಲಾಗಿದೆ.</p>.<p>‘ಎಎಲ್ಎಚ್–ಎಂಕೆ–3’ ಎಂದು ಕರೆಯಲಾಗುವ ಈ ‘ಹಾರುವ ಐಸಿಯು’ ಅನ್ನು ಹಿಂದೂಸ್ತಾನ್ ಏರೊನಾಟಿಕ್ಸ್ ಲಿಮಿಟೆಡ್ (ಎಚ್ಎಎಲ್) ಅಭಿವೃದ್ಧಿಪಡಿಸಿದೆ. ಐಎನ್ಎಸ್ ಹಂಸ ಹಡಗು ಗೋವಾದಲ್ಲಿದೆ.</p>.<p>ನೌಕಾಪಡೆಗೆ ಎಚ್ಎಎಲ್ ಇಂಥ ಒಟ್ಟು 8 ಎಂಐಸಿಯುಗಳನ್ನು ನಿರ್ಮಿಸಿಕೊಡಲಿದ್ದು, ಈ ಪೈಕಿ ಮೊದಲ ಎಂಐಸಿಯುಅನ್ನು ಹಸ್ತಾಂತರಿಸಿದೆ. ಈ ಹೆಲಿಕಾಪ್ಟರ್ನಲ್ಲಿ ವೈದ್ಯಕೀಯ ಸಾಧನಗಳನ್ನು ಜೋಡಿಸಿ, ಅದನ್ನು ‘ಹಾರುವ ಐಸಿಯು’ಅನ್ನಾಗಿ ಪರಿವರ್ತಿಸಲು 2–3 ಗಂಟೆ ಸಾಕು ಎಂದು ಮೂಲಗಳು ಹೇಳಿವೆ. </p>.<p>ಹವಾಮಾನ ವೈಪರೀತ್ಯದಿಂದಾಗಿ ಸಾಗರದಲ್ಲಿ ಸಿಲುಕಿಕೊಂಡವರ ರಕ್ಷಣೆಗೆ ಈ ಹೆಲಿಕಾಪ್ಟರ್ ಧಾವಿಸಲಿದೆ. ಅದರಲ್ಲೂ, ರಕ್ಷಣಾ ಕಾರ್ಯ ನಡೆಯುವ ಸಂದರ್ಭದಲ್ಲಿಯೇ ವೈದ್ಯಕೀಯ ನೆರವು ನೀಡಲು ಅನುಕೂಲವಾಗುವಂತೆ ಇದನ್ನು ವಿನ್ಯಾಸಗೊಳಿಸಲಾಗಿದೆ.</p>.<p>ಎರಡು ಜೋಡಿ ಡಿಫೈಬ್ರಿಲೆಟರ್ಗಳು, ಮಾನಿಟರ್ಗಳು, ವೆಂಟಿಲೇಟರ್, ಆಮ್ಲಜನಕ ಪೂರೈಕೆ ವ್ಯವಸ್ಥೆ ಸೇರಿದಂತೆ ತುರ್ತು ಸಂದರ್ಭದಲ್ಲಿ ಅಗತ್ಯವಿರುವ ವೈದ್ಯಕೀಯ ಸಾಧನಗಳನ್ನು ‘ಎಂಐಸಿಯು’ ಒಳಗೊಂಡಿದೆ.</p>.<p>ವೈದ್ಯಕೀಯ ನೆರವು ನೀಡಲು ಅಗತ್ಯವಿರುವ ವಿದ್ಯುತ್ ಪೂರೈಕೆಗೂ ವ್ಯವಸ್ಥೆ ಕಲ್ಪಿಸಲಾಗಿದೆ. ಹೆಲಿಕಾಪ್ಟರ್ನಲ್ಲಿನ ವಿದ್ಯುತ್ ಬಳಕೆಯ ಜೊತೆಗೆ, ನಾಲ್ಕು ಗಂಟೆಗಾಗುವಷ್ಟು ವಿದ್ಯುತ್ ಒದಗಿಸಬಲ್ಲ ಬ್ಯಾಟರಿಗಳನ್ನು ಸಹ ಇದರಲ್ಲಿ ಅಳವಡಿಸಲಾಗಿದೆ ಎಂದು ಮೂಲಗಳು ಹೇಳಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ:</strong> ಕಡಲಿನಲ್ಲಿ ಸಂಕಷ್ಟಕ್ಕೆ ಸಿಲುಕಿದವರಿಗೆ ವೈದ್ಯಕೀಯ ನೆರವು ನೀಡಿ, ರಕ್ಷಣಾ ಕಾರ್ಯಕ್ಕೆ ಸಾಥ್ ನೀಡುವ ‘ವೈದ್ಯಕೀಯ ತೀವ್ರ ನಿಗಾ ಘಟಕ’ (ಎಂಐಸಿಯು) ಹೊಂದಿದ ಹೆಲಿಕಾಪ್ಟರ್ವೊಂದನ್ನು ನೌಕಾಪಡೆಯ ಹಡಗು ಐಎನ್ಎಸ್ ಹಂಸದಲ್ಲಿ ಸೇವೆಗೆ ಅಣಿಗೊಳಿಸಲಾಗಿದೆ.</p>.<p>‘ಎಎಲ್ಎಚ್–ಎಂಕೆ–3’ ಎಂದು ಕರೆಯಲಾಗುವ ಈ ‘ಹಾರುವ ಐಸಿಯು’ ಅನ್ನು ಹಿಂದೂಸ್ತಾನ್ ಏರೊನಾಟಿಕ್ಸ್ ಲಿಮಿಟೆಡ್ (ಎಚ್ಎಎಲ್) ಅಭಿವೃದ್ಧಿಪಡಿಸಿದೆ. ಐಎನ್ಎಸ್ ಹಂಸ ಹಡಗು ಗೋವಾದಲ್ಲಿದೆ.</p>.<p>ನೌಕಾಪಡೆಗೆ ಎಚ್ಎಎಲ್ ಇಂಥ ಒಟ್ಟು 8 ಎಂಐಸಿಯುಗಳನ್ನು ನಿರ್ಮಿಸಿಕೊಡಲಿದ್ದು, ಈ ಪೈಕಿ ಮೊದಲ ಎಂಐಸಿಯುಅನ್ನು ಹಸ್ತಾಂತರಿಸಿದೆ. ಈ ಹೆಲಿಕಾಪ್ಟರ್ನಲ್ಲಿ ವೈದ್ಯಕೀಯ ಸಾಧನಗಳನ್ನು ಜೋಡಿಸಿ, ಅದನ್ನು ‘ಹಾರುವ ಐಸಿಯು’ಅನ್ನಾಗಿ ಪರಿವರ್ತಿಸಲು 2–3 ಗಂಟೆ ಸಾಕು ಎಂದು ಮೂಲಗಳು ಹೇಳಿವೆ. </p>.<p>ಹವಾಮಾನ ವೈಪರೀತ್ಯದಿಂದಾಗಿ ಸಾಗರದಲ್ಲಿ ಸಿಲುಕಿಕೊಂಡವರ ರಕ್ಷಣೆಗೆ ಈ ಹೆಲಿಕಾಪ್ಟರ್ ಧಾವಿಸಲಿದೆ. ಅದರಲ್ಲೂ, ರಕ್ಷಣಾ ಕಾರ್ಯ ನಡೆಯುವ ಸಂದರ್ಭದಲ್ಲಿಯೇ ವೈದ್ಯಕೀಯ ನೆರವು ನೀಡಲು ಅನುಕೂಲವಾಗುವಂತೆ ಇದನ್ನು ವಿನ್ಯಾಸಗೊಳಿಸಲಾಗಿದೆ.</p>.<p>ಎರಡು ಜೋಡಿ ಡಿಫೈಬ್ರಿಲೆಟರ್ಗಳು, ಮಾನಿಟರ್ಗಳು, ವೆಂಟಿಲೇಟರ್, ಆಮ್ಲಜನಕ ಪೂರೈಕೆ ವ್ಯವಸ್ಥೆ ಸೇರಿದಂತೆ ತುರ್ತು ಸಂದರ್ಭದಲ್ಲಿ ಅಗತ್ಯವಿರುವ ವೈದ್ಯಕೀಯ ಸಾಧನಗಳನ್ನು ‘ಎಂಐಸಿಯು’ ಒಳಗೊಂಡಿದೆ.</p>.<p>ವೈದ್ಯಕೀಯ ನೆರವು ನೀಡಲು ಅಗತ್ಯವಿರುವ ವಿದ್ಯುತ್ ಪೂರೈಕೆಗೂ ವ್ಯವಸ್ಥೆ ಕಲ್ಪಿಸಲಾಗಿದೆ. ಹೆಲಿಕಾಪ್ಟರ್ನಲ್ಲಿನ ವಿದ್ಯುತ್ ಬಳಕೆಯ ಜೊತೆಗೆ, ನಾಲ್ಕು ಗಂಟೆಗಾಗುವಷ್ಟು ವಿದ್ಯುತ್ ಒದಗಿಸಬಲ್ಲ ಬ್ಯಾಟರಿಗಳನ್ನು ಸಹ ಇದರಲ್ಲಿ ಅಳವಡಿಸಲಾಗಿದೆ ಎಂದು ಮೂಲಗಳು ಹೇಳಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>