ನವದೆಹಲಿ: ಶಿವಸೇನಾ ಹೆಸರು ಹಾಗೂ ಚುನಾವಣಾ ಚಿಹ್ನೆಯನ್ನು ಮುಟ್ಟುಗೋಲು ಹಾಕಿಕೊಂಡಿರುವ ಚುನಾವಣಾ ಆಯೋಗದ ಮಧ್ಯಂತರ ಆದೇಶವನ್ನು ಪ್ರಶ್ನಿಸಿ ಮಹಾರಾಷ್ಟ್ರದ ಮಾಜಿ ಮುಖ್ಯಮಂತ್ರಿ ಉದ್ಧವ್‌ ಠಾಕ್ರೆ ಸಲ್ಲಿಸಿದ್ದ ಅರ್ಜಿಯನ್ನು ದೆಹಲಿ ಹೈಕೋರ್ಟ್‌ ಮಂಗಳವಾರ ವಜಾಗೊಳಿಸಿದೆ.
‘ಬಿಲ್ಲು–ಬಾಣದ ಚಿಹ್ನೆ ಮತ್ತು ಶಿವಸೇನಾ ಹೆಸರಿನ ವಿಚಾರದಲ್ಲಿ ಉದ್ಭವಿಸಿರುವ ಬಿಕ್ಕಟ್ಟು ಬೇಗನೆ ಶಮನಗೊಳ್ಳಲಿ ಎಂಬುದು ಶಿವಸೇನಾದ ಎರಡೂ ಬಣಗಳು ಹಾಗೂ ನಾಗರಿಕರ ಬಯಕೆಯಾಗಿದೆ. ಈ ಬಿಕ್ಕಟ್ಟನ್ನು ಸಾಧ್ಯವಾದಷ್ಟು ಬೇಗ ಪರಿಹರಿಸುವಂತೆ ನ್ಯಾಯಾಲಯವು ಚುನಾವಣಾ ಆಯೋಗಕ್ಕೆ ಸೂಚಿಸಲಿದೆ’ ಎಂದು ನ್ಯಾಯಾಧೀಶ ಸಂಜೀವ್‌ ನರೂಲಾ ಹೇಳಿದ್ದಾರೆ.
