ನವದೆಹಲಿ:ಭಾರತೀಯ ಸೇನೆಯು ಕಾರ್ಯಾಚರಣೆಯ ಸಿದ್ಧತೆಯ ಖಾತ್ರಿಗೆ ಉಪಗ್ರಹಗಳ ಸಂಪರ್ಕದ ತನ್ನೆಲ್ಲ ಸೇನಾ ಉಪಕರಣಗಳ ವ್ಯವಸ್ಥೆಯನ್ನು ಪರೀಕ್ಷಿಸಲು ‘ಸ್ಕೈಲೈಟ್’ ಹೆಸರಿನಲ್ಲಿಐದು ದಿನಗಳ ತಾಲೀಮು ನಡೆಸಿದೆ ಎಂದು ರಕ್ಷಣಾ ಮೂಲಗಳು ಶುಕ್ರವಾರ ತಿಳಿಸಿವೆ.
ರಷ್ಯಾ-ಉಕ್ರೇನ್ ಯುದ್ಧದ ಸಮಯದಲ್ಲಿ ವರದಿಯಾದ ಉಪಗ್ರಹ ಸಂವಹನ, ಸೈಬರ್ ದಾಳಿ ಮತ್ತು ವಿದ್ಯುತ್ಕಾಂತೀಯ ಪರಿಣಾಮಗಳ ಅಧ್ಯಯನವನ್ನು ಸೇನೆ ನಡೆಸಿದೆ.
‘ಸ್ಕೈಲೈಟ್’ ತಾಲೀಮು ಜುಲೈ25ರಿಂದ ಜುಲೈ 29ರವರೆಗೆ ನಡೆಸಲಾಯಿತು ಎಂದು ಮೂಲಗಳು ತಿಳಿಸಿವೆ.