ಭಾನುವಾರ, ಜೂನ್ 26, 2022
26 °C

ಸಿಬಲ್‌ ಅವರೇ ಹೇಗಿದೆ 'ಪ್ರಸಾದ'?: ಹಳೆಯ ಟ್ವೀಟ್‌ ಕೆದಕಿದ ಜಿತಿನ್‌ ಪ್ರಸಾದ್‌

ಪ್ರಜಾವಾಣಿ ವೆಬ್ ಡೆಸ್ಕ್ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಕಪಿಲ್‌ ಸಿಬಲ್‌ ಅವರು ಕಾಂಗ್ರೆಸ್‌ ತೊರೆದು ಸ್ವತಂತ್ರ ಅಭ್ಯರ್ಥಿಯಾಗಿ ರಾಜ್ಯಸಭೆ ಚುನಾವಣೆಗೆ ನಾಮಪತ್ರ ಸಲ್ಲಿಸಿದ ಬೆನ್ನಲ್ಲೇ ಉತ್ತರ ಪ್ರದೇಶದ ಸಚಿವ ಜಿತಿನ್‌ ಪ್ರಸಾದ್‌ ಅವರು ಹೇಗಿದೆ 'ಪ್ರಸಾದ' ಸಿಬಲ್‌ ಅವರೇ? ಎಂದು ಕಾಲೆಳೆದಿದ್ದಾರೆ.

ಜಿತಿನ್‌ ಪ್ರಸಾದ್‌ ಅವರು ಬಿಜೆಪಿ ಸೇರ್ಪಡೆಗೊಂಡಾಗ ಟ್ವೀಟ್‌ ಮಾಡಿದ್ದ ಕಪಿಲ್‌ ಸಿಬಲ್‌, ಜಿತಿನ್‌ ಅವರಿಗೆ ಬಿಜೆಪಿಯಿಂದ 'ಪ್ರಸಾದ' ಸಿಗುತ್ತದೆಯೇ ಅಥವಾ ಕೇವಲ ಉತ್ತರ ಪ್ರದೇಶ ಚುನಾವಣೆಯ ಬಲೆಗೆ ಸಿಕ್ಕಿಬಿದ್ದರೇ? ಎಂದು ಪ್ರಶ್ನಿಸಿದ್ದರು.

'ಸಿದ್ಧಾಂತ'ವೆಂಬುದು ಪ್ರಮುಖವೆನಿಸದಿದ್ದಾಗ ಬದಲಾವಣೆ ಬಹಳ ಸುಲಭ ಎಂದು ಸಿಬಲ್‌ ವ್ಯಂಗ್ಯ ಮಾಡಿದ್ದರು.

ಇದೇ ಟ್ವೀಟ್‌ಗೆ ಪ್ರತಿಕ್ರಿಯಿಸಿರುವ ಜಿತಿನ್‌ ಪ್ರಸಾದ್‌, ಹೇಗಿದೆ 'ಪ್ರಸಾದ'? ಎಂದು ಪ್ರಶ್ನಿಸಿದ್ದಾರೆ.

ರಾಜ್ಯಸಭೆ ಚುನಾವಣೆಗೆ ಸ್ವತಂತ್ರ ಅಭ್ಯರ್ಥಿಯಾಗಿ ಕಣಕ್ಕಿಳಿದಿರುವ ಸಿಬಲ್‌ ಅವರ ಬೆನ್ನಿಗೆ ಅಖಿಲೇಶ್‌ ಯಾದವ್‌ ನೇತೃತ್ವದ ಸಮಾಜವಾದಿ ಪಕ್ಷ ಬೆಂಬಲವಾಗಿ ನಿಂತಿದೆ.

ಕಳೆದ ವರ್ಷ ಜೂನ್‌ ತಿಂಗಳಲ್ಲಿ ಕಾಂಗ್ರೆಸ್‌ ತೊರೆದು ಬಿಜೆಪಿ ಸೇರಿದ್ದ ಜಿತಿನ್‌ ಪ್ರಸಾದ್‌ ಅವರು ಯೋಗಿ ಆದಿತ್ಯನಾಥ್‌ ನೇತೃತ್ವದ ಸರ್ಕಾರದಲ್ಲಿ ಲೋಕೋಪಯೋಗಿ ಖಾತೆ ಸಚಿವರಾಗಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು