ಜೊ ಬೈಡನ್‌ಗೆ ವಾಣಿಜ್ಯ ನಗರಿಯ ನಂಟು?

ಆ ಪತ್ರವನ್ನಿಟ್ಟುಕೊಂಡು ಈ ’ಬೈಡನ್ ಫ್ರಂ ಮುಂಬೈ’ ಯಾರು ? ನನ್ನ ಕುಟುಂಬಕ್ಕೂ ಮುಂಬೈಗೂ ಏನಾದರೂ ಸಂಬಂಧವಿರಬಹುದೇ ? ಎಂದು ಹುಡುಕಾಟ ಆರಂಭಿಸಿದರು ಜೋ ಬೈಡನ್. ಆದರೆ ಯಾವುದೇ ಸುಳಿವು ಸಿಗುವುದಿಲ್ಲ. ಕೊನೆಗೆ ರಾಜಕೀಯ ಚಟುವಟಿಕೆಗಳಲ್ಲಿ ನಿರತರಾಗಿದ್ದರಿಂದ ಆ ಕೆಲಸವನ್ನು ಮುಂದುವರಿಸಲು ಅವರಿಗೆ ಸಾಧ್ಯವಾಗಲಿಲ್ಲ.

ಈಗ್ಗೆ ಐದು ವರ್ಷಗಳ ಹಿಂದೆ ಮುಂಬೈನಲ್ಲಿ ಬೈಡನ್‌ ಹೆಸರಿನ ಐವರು ಇದ್ದಾರೆಂದು ಜೊ ಅವರಿಗೆ ತಿಳಿದು ಬಂತು. ಆಗಲೂ ಜೊ ಅವರು ’ಬೈಡನ್ ಫ್ರಂ ಮುಂಬೈ’ ಹೆಸರಿನವರೊಂದಿಗೆ ಸಂಪರ್ಕ ಸಾಧಿಸುವ ಪ್ರಯತ್ನ ನಡೆಸಿದ್ದರಂತೆ.
ಜೊ ಬೈಡನ್, ಅಮೆರಿಕದ ಉಪಾಧ್ಯಕ್ಷರಾದ ನಂತರ ಜುಲೈ 24, 2013ರಂದು ಭಾರತಕ್ಕೆ ಭೇಟಿ ನೀಡಿದ್ದರು. ಅಂದು ಮುಂಬೈನ ಬಾಂಬೆ ಸ್ಟಾಕ್ ಎಕ್ಸ್‌ಚೇಂಜ್‌ನಲ್ಲಿ ಮಾಡಿದ ಭಾಷಣದಲ್ಲೂ ’ಬೈಡನ್ ಫ್ರಂ ಮುಂಬೈ’ ಕಥೆ ಹೇಳುತ್ತಾ, ಭಾರತದ ವಾಣಿಜ್ಯನಗರಿಯೊಂದಿಗಿರುವ ಸಂಬಂಧದ ಬಗ್ಗೆ ಖುಷಿಯಿಂದ ಹೇಳಿಕೊಂಡಿದ್ದರು.

ಇದಾದ ಕೆಲವು ವರ್ಷಗಳ ನಂತರ ವಾಷಿಂಗ್ಟನ್ ಡಿಸಿಯ ಕಾರ್ಯಕ್ರಮವೊಂದರಲ್ಲಿ ಮಾತನಾಡುವಾಗ ತಮ್ಮ ಪೂರ್ವಿಕರು 1700ರ ಸಮಯದಲ್ಲಿ ಈಸ್ಟ್ ಇಂಡಿಯಾ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾಗ ಭಾರತಕ್ಕೆ ಭೇಟಿ ನೀಡುತ್ತಿದ್ದರು. ಆಗ ಮುಂಬೈಗೂ ಹೋಗಿರಬಹುದು’ ಎಂದು ಹೇಳಿದ್ದಾರೆ.

ಅಷ್ಟೇ ಅಲ್ಲ, 1848ರಲ್ಲಿ ಬ್ರಿಟಿಷ್ ಈಸ್ಟ್ ಇಂಡಿಯಾ ಟೀ ಕಂಪನಿಯಲ್ಲಿ ಕ್ಯಾಪ್ಟನ್ ಆಗಿದ್ದ ಜೋ ಬಿಡೆನ್ ಅವರ ಪೂರ್ವಿಕರೊಬ್ಬರು ಭಾರತೀಯ ಮೂಲದ ಮಹಿಳೆಯನ್ನು ಮದುವೆಯಾಗಿ ಮುಂಬೈನಲ್ಲೇ ನೆಲೆಸಿದ್ದರು ಎಂಬುದನ್ನು ಉಲ್ಲೇಖಿಸಿದ್ದರು.
ಒಟ್ಟಾರೆ, ಅಮೆರಿಕದ ಅಧ್ಯಕ್ಷೀಯ ಚುನಾವಣೆಯಲ್ಲಿ ಡೆಮಾಕ್ರಟಿಕ್ ಪಕ್ಷದದಿಂದ ಸ್ಪರ್ಧಿಸುತ್ತಿರುವ ಅಧ್ಯಕ್ಷ, ಉಪಾಧ್ಯಕ್ಷ ಸ್ಥಾನದ ಅಭ್ಯರ್ಥಿಗಳಿಬ್ಬರಿಗೂ ಭಾರತದ ನಂಟಿದೆ ಎನ್ನುವಂತಾಗಿದೆ.