ಗುರುವಾರ , ನವೆಂಬರ್ 26, 2020
19 °C

ಕಂಗನಾಗೆ ಅತ್ಯಾಚಾರದ ಬೆದರಿಕೆ: ವಕೀಲರ ಖಾತೆ ಡಿಲೀಟ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ನಟಿ ಕಂಗನಾ ರನೌತ್‌ ಅವರಿಗೆ ಫೇಸ್‌ಬುಕ್‌ ಮೂಲಕ ಅತ್ಯಾಚಾರದ ಬೆದರಿಕೆ ಒಡ್ಡಲಾಗಿದೆ. ಒಡಿಶಾದ ವಕೀಲರೊಬ್ಬರ ಖಾತೆಯಿಂದ ಈ ಸಂದೇಶ ಬಂದಿತ್ತು. ಎಚ್ಚೆತ್ತ ಅವರು ‘ನನ್ನ ಫೇಸ್‌ಬುಕ್‌ ಖಾತೆಯನ್ನು ಹ್ಯಾಕ್‌ ಮಾಡಲಾಗಿದೆ. ನಾವು ಯಾವುದೇ ಮಹಿಳೆ ಅಥವಾ ಸಮುದಾಯದ ವಿರುದ್ಧ ಅಗೌರವಯುತವಾಗಿ ಮಾತನಾಡಿಲ್ಲ. ನನಗೂ ಇದರಿಂದ ಆಘಾತವಾಗಿದೆ. ದಯಮಾಡಿ ಕ್ಷಮಿಸಿಬಿಡಿ’ ಎಂದು ಬರೆದುಕೊಂಡಿದ್ದಾರೆ. ಬಳಿಕ ಆ ಖಾತೆಯನ್ನೇ ನಿಷ್ಕ್ರಿಯಗೊಳಿಸಲಾಗಿದೆ. 

ಪೋಸ್ಟ್‌ ಹಿನ್ನೆಲೆಯೇನು?

ಕಂಗನಾ ಅವರು ತಮ್ಮ ಫೇಸ್‌ಬುಕ್‌ ಖಾತೆಯಲ್ಲಿ ‘ಈ ಬಾರಿ ನವರಾತ್ರಿಯಲ್ಲಿ ಯಾರೆಲ್ಲಾ ಉಪವಾಸ ಮಾಡುತ್ತಿದ್ದೀರಿ? ನಾನೂ ಉಪವಾಸ ಮಾಡುತ್ತಿದ್ದೇನೆ. ಆ ಚಿತ್ರಗಳನ್ನು ಇಲ್ಲಿ ಹಾಕಿದ್ದೇನೆ.ಮಹಾರಾಷ್ಟ್ರದ ಪಪ್ಪು ಸೇನೆ (ಮಹಾರಾಷ್ಟ್ರ ಸರ್ಕಾರ) ನನ್ನ ವಿರುದ್ಧ ಇನ್ನೊಂದು ಎಫ್‌ಐಆರ್‌ ದಾಖಲಿಸಿದೆ. ನನ್ನ ಮೇಲೆ ಕೇಸು ದಾಖಲಿಸುವುದು ಒಂದು ಗೀಳಾಗಿಬಿಟ್ಟಿದೆ. ನನ್ನನ್ನು ದೂರವಿಡಬೇಡಿ. ನವರಾತ್ರಿಗೆ ನಾನು ಮತ್ತೆ ಅಲ್ಲಿ (ಮಹಾರಾಷ್ಟ್ರ) ಇರುತ್ತೇನೆ’ ಎಂದು ಬರೆದುಕೊಂಡಿದ್ದರು.

ಇದಕ್ಕೆ ಪ್ರತಿಕ್ರಿಯೆ ನೀಡಿದವರ ಪೈಕಿ ಒಡಿಶಾದ ವಕೀಲರೊಬ್ಬರು ಅತ್ಯಾಚಾರದ ಬೆದರಿಕೆ ಒಡ್ಡಿದ್ದರು. ಪ್ರಕರಣದ ಬಗ್ಗೆ ಕಂಗನಾ ಇದುವರೆಗೆ ಪ್ರತಿಕ್ರಿಯೆ ನೀಡಿಲ್ಲ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು