<p class="title"><strong>ಪತ್ತನಂತಿಟ್ಟ (ಕೇರಳ): </strong>ಕಥಕ್ಕಳಿ ಎಂಬುದು ಇಲ್ಲಿ ಶಾಸ್ತ್ರೀಯ ಸಂಗೀತ ಪ್ರಕಾರದ ಹೆಸರಷ್ಟೇ ಅಲ್ಲ, ಊರಿನ ಹೆಸರೂ ಹೌದು. ಕಥಕ್ಕಳಿ ನೃತ್ಯ ಪ್ರಕಾರಕ್ಕೆ ಹೆಸರಾಗಿದ್ದ ಕೇರಳದ ಕುಗ್ರಾಮಕ್ಕೆ ಈಗ ಅದರ ಹೆಸರನ್ನೇ ಇಡಲಾಗಿದೆ.</p>.<p class="title">ಪತ್ತನಂತಿಟ್ಟ ಜಿಲ್ಲೆಯ ಪಂಪಾ ನದಿಯ ಅಚ್ಚುಕಟ್ಟು ಭಾಗದಲ್ಲಿರುವ ಆಯರೂರು ಗ್ರಾಮಕ್ಕೆ ಈಗ ‘ಆಯಿರೂರು ಕಥಕ್ಕಳಿ ಗ್ರಾಮ’ ಎಂದು ಹೆಸರಿಸಲಾಗಿದೆ. ಈ ಗ್ರಾಮವು ದಶಕಗಳಿಂದ ಕಥಕ್ಕಳಿ ನೃತ್ಯ ಪ್ರಕಾರವನ್ನು ಬೆಳೆಸುವ ಕಲಾವಿದರು, ಪ್ರಸಾಧನ ಕಲಾವಿದರು, ವಸ್ತ್ರವಿನ್ಯಾಸ ಕಲಾವಿದರ ನೆಲೆಯಾಗಿದೆ. </p>.<p>ಕೇರಳವು ಕಥಕ್ಕಳಿ ನೃತ್ಯ ಪ್ರಕಾರದ ನೆಲೆವೀಡು ಹೌದು. ಭಕ್ತಿ, ನೃತ್ಯ, ರಂಗಕಲೆ, ಸಂಗೀತ, ವಸ್ತ್ರವಿನ್ಯಾಸ, ಪ್ರಸಾಧನ ಎಲ್ಲವೂ ಮೆಳೈಸಿರುವ ಕಥಕ್ಕಳಿಗೆ ಕೇರಳದಲ್ಲಿ 300 ವರ್ಷಗಳ ಇತಿಹಾಸವಿದೆ.</p>.<p>ಆಯಿರೂರು ಗ್ರಾಮದಲ್ಲಿ ಹಿಂದೂ ಪುರಾಣಗಳ ದೃಷ್ಟಾಂತಗಳೇ ಅಲ್ಲದೆ, ಬೈಬಲ್ನಿಂದ ಆಯ್ದುಕೊಂಡ, ‘ಅಬ್ರಹಾಂನ ತ್ಯಾಗ’, ‘ಮೇರಿ ಮ್ಯಾಗ್ಡಲೀನ್‘ ರೂಪಕಗಳನ್ನು ಕಥಕ್ಕಳಿ ನೃತ್ಯ ಪ್ರಕಾರಕ್ಕೆ ಅಳವಡಿಸಲಾಗಿದೆ.</p>.<p>ಕಥಕ್ಕಳಿ ನೃತ್ಯ ಕಲಾವಿದರ ಕುಟುಂಬದ ಮೂರನೇ ಪೀಳಿಗೆಯ ರಾಜ್, ಸ್ವತಃ ನೃತ್ಯಗಾರನಲ್ಲದಿದ್ದರೂ ನೃತ್ಯದೆಡೆಗಿನ ಒಲವಿನಿಂದಾಗಿ 1995ರಲ್ಲಿ ಗೆಳೆಯರ ಜೊತೆಗೂಡಿ ಜಿಲ್ಲಾ ಕಥಕ್ಕಳಿ ಕ್ಲಬ್ ಅನ್ನು ಸ್ಥಾಪಿಸಿದ್ದಾರೆ.</p>.<p>ಈ ಕ್ಲಬ್ನ ಮನವಿ ಆಧರಿಸಿ ಸ್ಥಳೀಯ ಗ್ರಾಮ ಪಂಚಾಯತ್ ಗ್ರಾಮದ ಹೆಸರು ಬದಲಿಸಲು 2010ರಲ್ಲಿ ನಿರ್ಣಯ ಅಂಗೀಕರಿಸಿತ್ತು ಎನ್ನುತ್ತಾರೆ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಅಂಬಿಲಿ ಪ್ರಭಾಕರನ್ ನಾಯರ್. </p>.<p>ಆದರೆ, ಹೆಸರಿಡುವ ಪ್ರಕ್ರಿಯೆ ಪೂರ್ಣಗೊಳ್ಳಲು 12 ವರ್ಷವಾಗಿದೆ. ರಾಜ್ಯ, ಕೇಂದ್ರ ಸರ್ಕಾರಗಳ ಅನುಮೋದನೆ ಪಡೆದಿದ್ದು, ಕೋಮು ಸಮಸ್ಯೆಗೆ ಕಾರಣವಾದೀತಾ ಎಂದೂ ಪರಿಶೀಲಿಸಲಾಗಿತ್ತು ಎಂದು ರಾಜ್ ಸ್ಮರಿಸಿದರು.</p>.<p>ಆದರೆ, ಯಾವುದೇ ಆಕ್ಷೇಪ ಬರಲಿಲ್ಲ. ಗ್ರಾಮದಲ್ಲಿ ಕ್ರೈಸ್ತರು ಹೆಚ್ಚಿನ ಸಂಖ್ಯೆಯಲ್ಲಿದ್ದು, ಕ್ಲಬ್ ಯಶಸ್ವಿಯಾಗಿ ಮುನ್ನಡೆಯಲು ಅವರ ಕೊಡುಗೆಯೇ ಹೆಚ್ಚಿದೆ ಎಂದು ಹೇಳಿದರು.</p>.<p>ಗ್ರಾಮದಲ್ಲಿ ಮಕ್ಕಳಲ್ಲಿಯೂ ನೃತ್ಯದ ಬಗ್ಗೆ ಒಲವು ಹೆಚ್ಚುತ್ತಿದೆ. ಇದಕ್ಕೆ ಉತ್ತೇಜನ ನೀಡಲು ಕ್ಲಬ್ ಪ್ರತಿ ವರ್ಷ ಜನವರಿ ಮೊದಲ ವಾರ ಏಳು ದಿನಗಳ ಉತ್ಸವ ಆಚರಿಸುತ್ತಿದೆ. ಕಥಕ್ಕಳಿ ನೃತ್ಯದ ಪ್ರದರ್ಶನ ಇರುತ್ತದೆ.</p>.<p>17 ವರ್ಷದಿಂದ ಇಂತಹ ಉತ್ಸವ ನಡೆಯುತ್ತಿದೆ ಪ್ರತಿನಿತ್ಯ ಆಸುಪಾಸಿನ ಜಿಲ್ಲೆಗಳಿಂದಲೂ ಸುಮಾರು 1,500 ಮಕ್ಕಳು ಭಾಗವಹಿಸುತ್ತಾರೆ. ಇದಲ್ಲದೆ, ಪ್ರತಿವರ್ಷ ಸುಮಾರು 20 ಸಾವಿರ ಮಕ್ಕಳು ಕಥಕ್ಕಳಿ ಕುರಿತು ತಿಳಿಯಲು ಕ್ಲಬ್ ಸಂಪರ್ಕಿಸುತ್ತಾರೆ. ಈ ಎಲ್ಲ ಅಂಶಗಳು ಗ್ರಾಮದ ಹೆಸರು ಬದಲಿಸಲು ನೆರವಾಗಿದೆ ಎಂದು ರಾಜ್ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p class="title"><strong>ಪತ್ತನಂತಿಟ್ಟ (ಕೇರಳ): </strong>ಕಥಕ್ಕಳಿ ಎಂಬುದು ಇಲ್ಲಿ ಶಾಸ್ತ್ರೀಯ ಸಂಗೀತ ಪ್ರಕಾರದ ಹೆಸರಷ್ಟೇ ಅಲ್ಲ, ಊರಿನ ಹೆಸರೂ ಹೌದು. ಕಥಕ್ಕಳಿ ನೃತ್ಯ ಪ್ರಕಾರಕ್ಕೆ ಹೆಸರಾಗಿದ್ದ ಕೇರಳದ ಕುಗ್ರಾಮಕ್ಕೆ ಈಗ ಅದರ ಹೆಸರನ್ನೇ ಇಡಲಾಗಿದೆ.</p>.<p class="title">ಪತ್ತನಂತಿಟ್ಟ ಜಿಲ್ಲೆಯ ಪಂಪಾ ನದಿಯ ಅಚ್ಚುಕಟ್ಟು ಭಾಗದಲ್ಲಿರುವ ಆಯರೂರು ಗ್ರಾಮಕ್ಕೆ ಈಗ ‘ಆಯಿರೂರು ಕಥಕ್ಕಳಿ ಗ್ರಾಮ’ ಎಂದು ಹೆಸರಿಸಲಾಗಿದೆ. ಈ ಗ್ರಾಮವು ದಶಕಗಳಿಂದ ಕಥಕ್ಕಳಿ ನೃತ್ಯ ಪ್ರಕಾರವನ್ನು ಬೆಳೆಸುವ ಕಲಾವಿದರು, ಪ್ರಸಾಧನ ಕಲಾವಿದರು, ವಸ್ತ್ರವಿನ್ಯಾಸ ಕಲಾವಿದರ ನೆಲೆಯಾಗಿದೆ. </p>.<p>ಕೇರಳವು ಕಥಕ್ಕಳಿ ನೃತ್ಯ ಪ್ರಕಾರದ ನೆಲೆವೀಡು ಹೌದು. ಭಕ್ತಿ, ನೃತ್ಯ, ರಂಗಕಲೆ, ಸಂಗೀತ, ವಸ್ತ್ರವಿನ್ಯಾಸ, ಪ್ರಸಾಧನ ಎಲ್ಲವೂ ಮೆಳೈಸಿರುವ ಕಥಕ್ಕಳಿಗೆ ಕೇರಳದಲ್ಲಿ 300 ವರ್ಷಗಳ ಇತಿಹಾಸವಿದೆ.</p>.<p>ಆಯಿರೂರು ಗ್ರಾಮದಲ್ಲಿ ಹಿಂದೂ ಪುರಾಣಗಳ ದೃಷ್ಟಾಂತಗಳೇ ಅಲ್ಲದೆ, ಬೈಬಲ್ನಿಂದ ಆಯ್ದುಕೊಂಡ, ‘ಅಬ್ರಹಾಂನ ತ್ಯಾಗ’, ‘ಮೇರಿ ಮ್ಯಾಗ್ಡಲೀನ್‘ ರೂಪಕಗಳನ್ನು ಕಥಕ್ಕಳಿ ನೃತ್ಯ ಪ್ರಕಾರಕ್ಕೆ ಅಳವಡಿಸಲಾಗಿದೆ.</p>.<p>ಕಥಕ್ಕಳಿ ನೃತ್ಯ ಕಲಾವಿದರ ಕುಟುಂಬದ ಮೂರನೇ ಪೀಳಿಗೆಯ ರಾಜ್, ಸ್ವತಃ ನೃತ್ಯಗಾರನಲ್ಲದಿದ್ದರೂ ನೃತ್ಯದೆಡೆಗಿನ ಒಲವಿನಿಂದಾಗಿ 1995ರಲ್ಲಿ ಗೆಳೆಯರ ಜೊತೆಗೂಡಿ ಜಿಲ್ಲಾ ಕಥಕ್ಕಳಿ ಕ್ಲಬ್ ಅನ್ನು ಸ್ಥಾಪಿಸಿದ್ದಾರೆ.</p>.<p>ಈ ಕ್ಲಬ್ನ ಮನವಿ ಆಧರಿಸಿ ಸ್ಥಳೀಯ ಗ್ರಾಮ ಪಂಚಾಯತ್ ಗ್ರಾಮದ ಹೆಸರು ಬದಲಿಸಲು 2010ರಲ್ಲಿ ನಿರ್ಣಯ ಅಂಗೀಕರಿಸಿತ್ತು ಎನ್ನುತ್ತಾರೆ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಅಂಬಿಲಿ ಪ್ರಭಾಕರನ್ ನಾಯರ್. </p>.<p>ಆದರೆ, ಹೆಸರಿಡುವ ಪ್ರಕ್ರಿಯೆ ಪೂರ್ಣಗೊಳ್ಳಲು 12 ವರ್ಷವಾಗಿದೆ. ರಾಜ್ಯ, ಕೇಂದ್ರ ಸರ್ಕಾರಗಳ ಅನುಮೋದನೆ ಪಡೆದಿದ್ದು, ಕೋಮು ಸಮಸ್ಯೆಗೆ ಕಾರಣವಾದೀತಾ ಎಂದೂ ಪರಿಶೀಲಿಸಲಾಗಿತ್ತು ಎಂದು ರಾಜ್ ಸ್ಮರಿಸಿದರು.</p>.<p>ಆದರೆ, ಯಾವುದೇ ಆಕ್ಷೇಪ ಬರಲಿಲ್ಲ. ಗ್ರಾಮದಲ್ಲಿ ಕ್ರೈಸ್ತರು ಹೆಚ್ಚಿನ ಸಂಖ್ಯೆಯಲ್ಲಿದ್ದು, ಕ್ಲಬ್ ಯಶಸ್ವಿಯಾಗಿ ಮುನ್ನಡೆಯಲು ಅವರ ಕೊಡುಗೆಯೇ ಹೆಚ್ಚಿದೆ ಎಂದು ಹೇಳಿದರು.</p>.<p>ಗ್ರಾಮದಲ್ಲಿ ಮಕ್ಕಳಲ್ಲಿಯೂ ನೃತ್ಯದ ಬಗ್ಗೆ ಒಲವು ಹೆಚ್ಚುತ್ತಿದೆ. ಇದಕ್ಕೆ ಉತ್ತೇಜನ ನೀಡಲು ಕ್ಲಬ್ ಪ್ರತಿ ವರ್ಷ ಜನವರಿ ಮೊದಲ ವಾರ ಏಳು ದಿನಗಳ ಉತ್ಸವ ಆಚರಿಸುತ್ತಿದೆ. ಕಥಕ್ಕಳಿ ನೃತ್ಯದ ಪ್ರದರ್ಶನ ಇರುತ್ತದೆ.</p>.<p>17 ವರ್ಷದಿಂದ ಇಂತಹ ಉತ್ಸವ ನಡೆಯುತ್ತಿದೆ ಪ್ರತಿನಿತ್ಯ ಆಸುಪಾಸಿನ ಜಿಲ್ಲೆಗಳಿಂದಲೂ ಸುಮಾರು 1,500 ಮಕ್ಕಳು ಭಾಗವಹಿಸುತ್ತಾರೆ. ಇದಲ್ಲದೆ, ಪ್ರತಿವರ್ಷ ಸುಮಾರು 20 ಸಾವಿರ ಮಕ್ಕಳು ಕಥಕ್ಕಳಿ ಕುರಿತು ತಿಳಿಯಲು ಕ್ಲಬ್ ಸಂಪರ್ಕಿಸುತ್ತಾರೆ. ಈ ಎಲ್ಲ ಅಂಶಗಳು ಗ್ರಾಮದ ಹೆಸರು ಬದಲಿಸಲು ನೆರವಾಗಿದೆ ಎಂದು ರಾಜ್ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>